Josoa 14:6 - DIEM PROTESTANTA

⁶ Indray andro dia nanatona an’i Josoa tany Gilgala ny olona sasany avy amin’ny fokon’i Joda; isan’ireny i Kaleba zanakalahin’i Jefonè, avy amin’ny tarik’i Kenaza. Dia hoy i Kaleba tamin’i Josoa: –Tsaroanao tsara ny teny izay nolazain’ny TOMPO tamin’i Mosesy lehilahin’Andriamanitra ny momba ahy sy ianao tany Kadesy-Barnea.

Baiboly Protestanta Malagasy 2011

⁶ Dia nankany amin’i Josoa tany Gilgala ny taranak’i Joda; ary i Kaleba, zanak’i Jefone, kenizita, dia niteny taminy hoe: Fantatrao ny teny izay nolazain’NY TOMPO tamin’i Mosesy, lehilahin’Andriamanitra, ny amiko sy ny aminao tany Kadesy-Barnea.

Dikateny Iombonana Eto Madagasikara

⁶ Indray andro dia nanatona an’i Josoa tany Gilgala ny olona sasany avy amin’ny fokon’i Joda; isan’ireny i Kaleba zanakalahin’i Jefonè, avy amin’ny tarik’i Kenaza. Dia hoy i Kaleba tamin’i Josoa: –Tsaroanao tsara ny teny izay nolazain’ny TOMPO tamin’i Mosesy lehilahin’Andriamanitra ny momba ahy sy ianao tany Kadesy-Barnea.

Baiboly Katolika

⁶ Nanatona an’i Jôsoe ny taranak’i Jodà tany Galgalà, ary i Kaleba zanak’i Jefone, Kenezeanina, nanao taminy hoe: «Fantatrao izay nolazain’i Iaveh tamin’i Môizy olon’Andriamanitra ny amiko sy ny aminao tany Kadesa-Barne.

Baiboly Protestanta Malagasy

⁶ Dia nankany amin’i Josoa tany Gilgala ny taranak’i Joda; ary Kaleba, zanak’i Jefone, Kenizita, nanao taminy hoe: Fantatrao ny teny izay nolazain’i Jehovah tamin’i Mosesy, lehilahin’Andriamanitra, ny amiko sy hianao tany Kadesy-barnea.

Malagasy Bible

⁶ Dia nankany amin'i Josoa tany Gilgala ny taranak'i Joda; ary Kaleba, zanak'i Jefone, Kenizita, nanao taminy hoe: Fantatrao ny teny izay nolazain'i Jehovah tamin'i Mosesy, lehilahin'Andriamanitra, ny amiko sy ianao tany Kadesi-barnea.

La Bible en Malgache

⁶ Dia nankany amin’i Josoa tany Gilgala ny taranak’i Joda; ary i Kaleba, zanak’i Jefone, kenizita, dia niteny taminy hoe: Fantatrao ny teny izay nolazain’NY TOMPO tamin’i Mosesy, lehilahin’Andriamanitra, ny amiko sy ny aminao tany Kadesy-Barnea.

Josoa 14:6 Rohy Ifampitohizana

1Mpanjaka 13:1

Noho ny baikon’ny TOMPO, dia nisy olon’Andriamanitra avy any Joda tonga tany Betela raha mbola nandoro sorona hanetona teo amin’ny alitara i Jerôbohama.

1Mpanjaka 13:14

Narahin’io mpaminany io ny lalan’ilay olon’Andriamanitra ka tratrany izy, raha iny nipetraka teo ambanin’ny hazo lehibe iray iny, ary nanontaniany hoe: –Ianao ve ilay olon’Andriamanitra avy any Joda? Ka novaliany hoe: –Eny, izaho no izy.

2Mpanjaka 4:16

ary nilazan’i Elisà hoe: –Amin’ny herintaona tahaka izao dia hitrotro zazalahy ianao. Fa hoy kosa ravehivavy: –Tsia, tompoko ô! Olon’Andriamanitra ianao ka aza mandainga amiko!

2Mpanjaka 4:42

Nisy lehilahy tonga avy any Bahala-Salisà izay nitondra mofo ôrza roapolo sy varim-bazaha iray kitapo santa-bokatra ho an’ity olon’Andriamanitra. Dia nilazan’i Elisà ny mpanompony mba hizara ireo hohanin’ny olona;

2Mpanjaka 4:9

Ary hoy izany vehivavy izany tamin’ny vadiny: –Fantatro fa tena mpaminany masin’Andriamanitra iny lehilahy mpankàto amintsika matetika iny.

2Mpanjaka 8:11

Dia nifantoka fijery sy ankona endrika ilay olon’Andriamanitra; avy eo izy vao nitomany.

2Mpanjaka 8:7

Indray andro dia tonga tany Damasy i Elisà. Narary i Bena-Hadada mpanjakan’i Siria tamin’izay; ary rehefa nisy nilaza taminy fa ao an-tanàna ilay olon’Andriamanitra,

1Tantara 23:14

I Mosesy dia lehilahin’Andriamanitra; natao ho anisan’ny fokon’i Levỳ kosa ny zanakalahiny,

Salamo 90:1

Vavak’i Mosesy, olon’Andriamanitra. Tompo ô, fialofanay hatrany hatrany Ianao.

Jeremia 35:4

Nampidiriko tao amin’ny efitra iray tao an-tranon’ny TOMPO izy, dia tao amin’ny efitra voatokana ho an’ny mpianatr’i Hanàna, izay lehilahy masina sady zanakalahin’i Jigdalià. Io efitra io dia teo akaikin’ilay efitranon’ireo lehibe ary teo ambonin’ny an’i Mahaseià, zanakalahin’i Salòma izay mpisorona miambina ny varavarana fidirana amin’ny tempoly.

Nomery 13:26

Nankeo amin’i Mosesy sy i Aharôna ary ny Fiangonan’ny Israelita rehetra tao an-taniefitr’i Paràna any Kadesy izy ireo, ka nanao tatitra tamin’ny besinimaro ary nampiseho azy ny vokatry ny tany.

Nomery 13:30

Nampanginin’i Kaleba ny vahoaka izay nimonomonona tamin’i Mosesy ka nataony hoe: –Aoka hiakarantsika ny tany ka halaintsika fa haharesy azy tokoa isika.

Nomery 13:6

I Kaleba zanakalahin’i Jefonè, avy amin’ny fokon’i Joda;

Nomery 14:24

Fa i Kaleba mpanompoko, izay nanam-panahy hafa ka tsy nisalasala nanaraka Ahy, dia hampidiriko any amin’ny tany efa nalehany; ary hahazo izany tany izany ny taranany,

Nomery 14:30

Mianiana Aho fa tsy hisy hiditra amin’ny tany izay efa nampanantenaiko hamponenana anareo ianareo, afa-tsy i Kaleba zanakalahin’i Jefonè sy i Josoa zanakalahin’i Nona;

Nomery 14:6

I Josa zanakalahin’i Nona sy i Kaleba zanakalahin’i Jefonè izay samy anisan’ny nisafo tany kosa dia nandriatra ny fitafiany

Nomery 26:65

satria ny TOMPO efa nilaza fa ho faty any an-taniefitra ireo. Koa tsy nisy niangana tamin’ireo, afa-tsy i Kaleba zanakalahin’i Jefone ary i Josoa zanakalahin’i Nona.

Nomery 32:12

I Kaleba, zanakalahin’i Jefone izay anisan’ny tarik’i Kenaza, ary i Josoa zanakalahin’i Nona ihany no hiditra any, satria izy roa lahy no nanaraka ny teniko.»

Deoteronomia 33:1

Rehefa nadiva ho faty i Mosesy, lehilahin’Andriamanitra, dia izao no tsodrano nataony tamin’ny Israelita:

Deoteronomia 34:10

Teo amin’i Israely, dia tsy mba nisy intsony mpaminany tahaka an’i Mosesy, izay fantatry ny TOMPO nifanatrika.

Deoteronomia 34:5

Teo no nahafatesan’i Mosesy, ilay mpanompon’ny TOMPO, dia teo amin’ny tany Môaba araka ny tenin’ny TOMPO.

1Timoty 6:11

Fa ianao kosa, ry lehilahin’Andriamanitra, halaviro ireo zava-dratsy ireo. Katsaho ny rariny, ny firaiketam-po amin’Andriamanitra, ny finoana, ny fitiavana, ny faharetana ary ny fahalemem-panahy.

2Timoty 3:17

mba hahatonga ny olon’Andriamanitra ho tsara ofana sy ary fitaovana hanao asa soa isan-karazany.

Josoa 10:43

Avy teo dia niverina ho an-toby tany Gilgala i Josoa sy ny Israelita rehetra niaraka taminy.

Josoa 14:14

Izany no nahatonga an’i Hebrôna ho lovan’ny taranak’i Kaleba mandraka androany; satria i Kaleba, zanakalahin’i Jefonè sady anisan’ny tarik’i Kenaza, dia nifikitra tanteraka tamin’ny TOMPO Andriamanitr’i Israely;

Josoa 15:17

I Hôtniela, ilay zanakalahin’i Kenaza rahalahin’i Kaleba, no nahafaka ny tanàna; koa nomen’i Kaleba azy i Haksà zanany vavy ho vadiny.

Josoa 4:19

Ny andro fahafolon’ny volana voalohany no nitàn’ny vahoaka israelita an’i Jôrdàna, ary nitobiany tao Gilgala teo atsinanan’i Jerikao.