Josoa 10:29 - DIEM PROTESTANTA

²⁹ Dia niala tao Makedà i Josoa sy ny Israelita rehetra niaraka taminy ka nankany Libnà sy nanafika azy.

Baiboly Protestanta Malagasy 2011

²⁹ Ary i Josoa sy ny Israely rehetra niaraka taminy dia niala tany Makeda ka nankany Libna ary namely azy;

Dikateny Iombonana Eto Madagasikara

²⁹ Dia niala tao Makedà i Josoa sy ny Israelita rehetra niaraka taminy ka nankany Libnà sy nanafika azy.

Baiboly Katolika

²⁹ Niala tao Makedà i Jôsoe sy i Israely rehetra niaraka taminy, dia nankany Lebnà, ary namely an’i Lebnà izy.

Baiboly Protestanta Malagasy

²⁹ Ary Josoa sy ny Isiraely rehetra teo aminy dia niala tany Makeda ka nankany Libna ary namely azy;

Malagasy Bible

²⁹ Ary Josoa sy ny Isiraely rehetra teo aminy dia niala tany Makeda ka nankany Libna ary namely azy;

La Bible en Malgache

²⁹ Ary i Josoa sy ny Israely rehetra niaraka taminy dia niala tany Makeda ka nankany Libna ary namely azy;

Josoa 10:29 Rohy Ifampitohizana

2Mpanjaka 19:8

Dia niverina ilay dekà, ka nankany Libnà izay nataon’ny mpanjakan’i Asiria fahirano; satria reny fa efa nandao an’i Lakisy ny mpanjaka.

2Mpanjaka 8:22

Hatreo dia nanohitra ny fahefana jodeanina ny Edômita mandraka androany. Tamin’izay fotoana izay koa no nikomian’ny tanànan’i Libnà.

2Tantara 21:10

Hatreo dia nizaka tena sady nanohitra ny fahefana jodeanina ny Edômita mandraka androany. Tamin’izay fotoana izay koa ny tanànan’i Libnà no nikomy nanohitra ny fahefàn’i Jôrama, satria efa nandao ny TOMPO Andriamanitry ny razany izy.

Isaia 37:8

Dia niverina ilay dekà, ka nankany Libnà izay nataon’ny mpanjakan’i Asiria fahirano tamin’izay; satria reny fa efa nandao an’i Lakisy ny mpanjaka.

Jeremia 52:1

Feno 21 taona i Tsedekià fony tonga mpanjakan’i Joda; ary naharitra 11 taona no nanjakany tao Jerosalema. Ny anaran-dreniny dia Hamotala zanakavavin’i Jeremià avy ao Libnà.

Nomery 33:20

niala teo Rimôna-Peretsa, dia nitoby tao Libnà;

Josoa 10:28

Azon’i Josoa tamin’izany andro izany koa ny tanàna Makedà, ka nasainy novonoina tamin’ny sabatra ny mpanjakany sady nasainy naringana avokoa ny olona rehetra tao ka tsy nisy niangana. Tahaka izay nataon’i Josoa tamin’ny mpanjakan’i Jerikao no nataony tamin’ny mpanjakan’i Makedà.

Josoa 10:30

Natolotry ny TOMPO teo an-tanan’ny Israelita koa ny tanàna; dia novonoin’ireo tamin’ny sabatra ny mpanjakany sy ny olona rehetra tao ka tsy nisy niangana. Tahaka izay nataon’ny Israelita tamin’ny mpanjakan’i Jerikao no nataony tamin’ny mpanjakan’i Libnà.

Josoa 12:15

i Libnà, i Hadolama,

Josoa 15:42

Ankoatra ireo i Libnà, i Hetera, i Hasàna,

Josoa 21:13

Miaraka amin’i Hebrôna, izay tanàna fialofan’ny mpamono olona tsy nahy, dia natolotra ny taranak’i Aharôna koa i Libnà,

Josoa 6:21

Ary naringany tamin’ny sabatra avokoa ny mponina rehetra tao na lehilahy na vehivavy na antitra na tanora, mbamin’ny omby sy ny ondry aman’osy ary ny boriky.

Josoa 8:2

Tahaka izay nataonao tamin’i Jerikao sy ny mpanjakany no hataonao amin’i Hay sy ny mpanjakany, saingy azonareo baboina avokoa ny fananany sy ny biby fiompiny. Ametraho miaramila mamitsaka hamely ny tanàna avy ao ivoho.

Josoa 8:29

Ny mpanjakan’i Hay kosa nahantona tamin’ny hazo; ka teo ihany mandra-paharivan’ny andro. Nony nilentika ny masoandro, dia nasain’i Josoa naidina ny faty, ka natsipy teo akaikin’ny vavahadin’ny tanàna ary notsindrina antontan-bato miavoavo izay mbola ao mandraka androany.