Jona 4:3 - DIEM PROTESTANTA

³ Ankehitriny, TOMPO ô, avelao aho ho faty, fa aleoko maty toy izay velona.

Baiboly Protestanta Malagasy 2011

³ Koa mifona aminao aho ankehitriny, TOMPO ô, esory ny aiko; fa aleoko maty toy izay ho velona.

Dikateny Iombonana Eto Madagasikara

³ Ankehitriny, TOMPO ô, avelao aho ho faty, fa aleoko maty toy izay velona.

Baiboly Katolika

³ Koa ankehitriny, Iaveh ô, esory amiko ny fanahiko, fa aleoko maty toy izay velona».

Baiboly Protestanta Malagasy

³ Koa mifona aminao aho ankehitriny, Jehovah ô, esory ny aiko; fa aleoko ho faty toy izay ho velona.

Malagasy Bible

³ Koa mifona aminao aho ankehitriny, Jehovah ô, esory ny aiko; fa aleoko ho faty toy izay ho velona.

La Bible en Malgache

³ Koa mifona aminao aho ankehitriny, TOMPO ô, esory ny aiko; fa aleoko maty toy izay ho velona.

Jona 4:3 Rohy Ifampitohizana

1Mpanjaka 19:4

Fa izy kosa nandeha lalana indray andro hankany an-taniefitra; ka rehefa tonga tany izy, dia nipetraka teo ambanin’ny hazo kely midoroboka iray. Ary nangataka ho faty izy ka nanao hoe: –TOMPO ô, aoka izay! Alao ny aiko ankehitriny fa tsy tsara noho ny razako aho.

Mpitoriteny 7:1

Aleo manana laza tsara toy izay manana ilomanitra lafo vidy; ary aleo ny andro hahafatesan’ny olona toy izay ny andro nahaterahany.

Mpitoriteny 7:9

Aoka tsy ho mora tezitra ianao fa ny adala ihany no malaky tezitra.

Jeremia 8:3

Ary ny sisa tavela rehetra amin’izao taranaka ratsy izao, ka mbola velona any amin’ny toerana izay nanelezako azy any, dia haniry kokoa ny ho faty toy izay ny ho velona. Izany no teny hentitr’ilay TOMPOn’izao rehetra izao.

Jona 4:4

Fa hoy ny TOMPO: –Rariny ve raha nirehi-pahatezerana ianao?

Jona 4:8

Koa rehefa niposaka ny masoandro, dia nandefa rivotra mahamay avy any atsinanana Andriamanitra. Namely ny lohan’i Jônà ny masoandro ka nila hanafotra azy. Dia naniry ny ho faty izy ka nivavaka hoe: «Aleoko maty toy izay velona.»

Nomery 11:15

Raha toy izany no hanaovanao ahy, dia vonoy mihitsy aho ho faty. Izany ahay no hanehoanao hatsarampo amiko; fa aza avela hahita ny fahoriako intsony aho.

Nomery 20:3

ka nilany ady i Mosesy ka nataony hoe: –Raha mba maty tamin’ny nahafatesan’ny mpiray firenena aminay teo anatrehan’ny TOMPO manko izahay!

1Korintiana 9:15

Raha izaho anefa dia tsy nampiasa velively ireny zoko ireny; ary tsy hitaky ny hampiharana azy amiko no anoratako ny amin’izany. Fa aleoko maty toy izay... Tsy ekeko hofoanan’olona ny reharehako!