Joela 2:23 - DIEM PROTESTANTA

²³ Ary ianareo, ry mponin’i Tsiôna, miravoravoa sy mifalia amin’ny TOMPO Andriamanitrareo, fa ny oram-pararano sahaza no omeny anareo; alatsany aminareo toy ny fahiny koa ny ranonorana mivatravatra, dia ny oran-dohataona sy ny oran-dririnina.

Baiboly Protestanta Malagasy 2011

²³ Ary ianareo, ry zanak’i Ziona, dia miravoravoa sy mifalia amin’NY TOMPO Andriamanitrareo; fa hanome anareo ny lohaorana amin’ny fotoanany Izy ary handatsaka ranonorana mivatravatra ho anareo, dia ny lohaorana sy ny faraorana toy ny taloha.

Dikateny Iombonana Eto Madagasikara

²³ Ary ianareo, ry mponin’i Tsiôna, miravoravoa sy mifalia amin’ny TOMPO Andriamanitrareo, fa ny oram-pararano sahaza no omeny anareo; alatsany aminareo toy ny fahiny koa ny ranonorana mivatravatra, dia ny oran-dohataona sy ny oran-dririnina.

Baiboly Katolika

²³ Ary ianareo, ry zanak’i Siôna, aoka hientan-kafaliana sy ho ravoravo ao amin’i Iaveh Andriamanitrareo; fa ny mpampianatra efa nomeny anareo hanoro ny marina, ny andro alatsany ho anareo, dia ny fara orana sy ny loha orana, toy ny taloha indray.

Baiboly Protestanta Malagasy

²³ Ary hianareo, ry zanak’i Ziona, miravoravoa Sy mifalia amin’i Jehovah Andriamanitrareo; Fa hanome anareo ny loha-orana onony Izy, Dia handatsaka ranonorana mivatravatra ho anareo, Eny, ny loha orana sy ny fara-orana aloha.

Malagasy Bible

²³ Ary ianareo, ry zanak'i Ziona, miravoravoa sy mifalia amin'i Jehovah Andriamanitrareo; Fa hanome anareo ny loha-orana onony Izy, dia handatsaka ranonorana mivatravatra ho anareo, eny, ny loha-orana sy ny fara-orana aloha.

La Bible en Malgache

²³ Ary ianareo, ry zanak’i Ziona*, dia miravoravoa sy mifalia amin’NY TOMPO Andriamanitrareo; fa hanome anareo ny lohaorana amin’ny fotoanany Izy ary handatsaka ranonorana mivatravatra ho anareo, dia ny lohaorana sy ny faraorana toy ny taloha.

Joela 2:23 Rohy Ifampitohizana

1Mpanjaka 8:36

dia mba mihainoa avy any an-danitra Ianao, TOMPO ô, ka hamela ny fahotan’ireo mpanomponao, izany hoe ny Israelita vahoakanao; dia hampianarinao azy anie ny fitondrantena tsara izay tokony hizorany ary handatsahanao ranonorana ity taninao izay efa nomenao ho fananan’ny vahoakanao ity.

Joba 33:23

Raha misy anjely iray ao anatin’ny arivo tonga mba hanampy io olona io ka hampahafantatra azy ny adidiny,

Joba 37:13

Izany no ataon’Andriamanitra mitranga na hamaizana ny tany, na hanambinana azy.

Salamo 104:34

TOMPO ô, ho sitrakao anie ny tononkaloko fa noho ny aminao no ifaliako!

Salamo 147:8

Izy no manaron-drahona ny lanitra manomana orana ho an’ny tany, mampitsiry ahitra ny tanety, mamokatra anana ho an’ny olona,

Salamo 149:2

Hifaly anie ny vahoaka Israely, fa ny Tompo no Mpanao azy; hiravo anie ny terak’i Tsiôna, fa Izy no mpanjakany!

Salamo 28:7

Miaro ahy IZY satria ampingako, ary nitokian’ny foko tokoa; voavonjy aho ka mientan-karavoana, ary dia mihira fiderana Azy.

Salamo 32:11

Noho ny amin’izay nataon’ny TOMPO, dia mifalia sy miravoa, ry olo-marina; manaova horakora-pihobiana, ianareo rehetra mahitsy fo.

Salamo 84:6

Sambatra ny olona mahazo hery avy aminao ka manampo hanao fivahiniana any Tsiôna;

Ohabolana 16:15

Raha miran-tava ny mpanjaka, dia mamelombelona aina; ary ny hatsaram-pony dia toa rahona mitondra oram-pararano.

Isaia 30:21

Fa na handeha hiankavanana na hiankavia ianao, dia ho renao avy aoriana izao teny izao: «Ity no lalana ka araho».

Isaia 30:23

Handrotsaka ranonorana ny Tompo ho an’ny voa izay nafafinao any an-tsaha, ka ny sakafo hovokarin’ny tany dia sady ho betsaka no hatsiro. Amin’izany andro izany, ny biby fiompinao dia hiraoka amin’ny kijàna midadasika.

Isaia 41:16

Hokororohinao hoentin’ny rivotra izy sy haelin’ny tadio; fa ianao kosa dia Izaho TOMPO no hifalianao ary Izaho ilay Masin’i Israely no hireharehanao.

Isaia 61:10

Hifaly dia hifaly amin’ny TOMPO aho; eny, hiravoravo amin’ny Andriamanitro satria ny famonjena no toa akanjo nampiakanjoany ahy ary ny fahamarinana no toa lamba nampitafiany ahy; ka faly toy ny mpampakatra misatroka fehiloha aho na toy ny ampakarina miraratra ny firavany.

Jeremia 3:3

Koa nosakanako tsy ho avy aminao ny oram-be sady tsy nisy koa ny oran-dohataona. Nefa nikiry hijangajanga ihany ianao fa tsy nety niaiky ny fahadisoanao.

Jeremia 5:24

fa tsy mba miteny anakampo hoe: «Aoka hananantsika fanajana ny TOMPO Andriamanitsika, fa Izy no nanome antsika ny orana amin’ny fotoany, dia ny oram-pararano sy ny oran-dohataona ka mitahiry ho antsika ireo herinandro izay voatendry ho fotoam-pijinjana.»

Fitomaniana 4:2

Indrisy! Ireo vaton’i Tsiôna izay sarobidy sady manan-danja toy ny volamena madio dia tonga mitovy vidy amin’ny siny tany, asan-tanan’ny mpanefy tanimanga?

Ezekiela 34:26

Avelako honina eny amin’ny manodidina ny tendrombohitra voatokana ho Ahy izy. Harotsako ara-potoana ny ranonorana ka hitondra fitahiambe izany.

Hosea 6:3

Amin’izay aoka hiaiky ny TOMPO isika; eny, aoka hiezaka hiaiky Azy isika! Azo antoka toy ny mazava atsinanana ny firotsahany hanao izany. Fa toy ny oram-baratra no hiaviany amintsika, dia toy ny oran-dohataona manamando tany.»

Levitikosy 26:4

dia homeko ny ranonorana sahaza anareo amin’ny fotoanandrony mba hahavokaran’ny tany ary hamoazan’ny hazo eny an-tsaha.

Amosa 4:7

Izaho mihitsy no efa nampihantona ny orana tsy ho eo aminareo, raha mbola telo volana mialoha ny fararano. Ka tamin’ny tanàna anankiray nandatsahako orana, fa tamin’ny tanàna iray kosa tsy nandatsahako; ny saha anankiray nilatsahan’ny orana, fa ny saha iray kosa tsy mba nilatsahany ka maina.

Zakaria 10:1

Mangataha amin’ny Tompo handefasany ranonoran-dohataona fa Izy no manao ny oram-baratra; dia homeny oram-be mivatravatra ianareo ary samy hataony maitso mavana ny sahanareo

Zakaria 10:7

Ho toy ny mpiady mahery ireo lehilahin’i Efraîma, ary ho dibo-kafaliana toy ny azon-divay ny fony. Hahita izany ny zanany, ka ho ravoravo; ary noho Izaho Tompo dia hibitaka ny fony.

Zakaria 9:13

Hampiasaiko toy ny tsipîkan’ady i Joda, ka i Efraîma no ho tahaka ny zana-tsipîkany. Ry Tsiôna, hotairiko ny vatan-dehilahinao hiady amin’ireo vatan-dehilahy grika; toy ny sabatry ny mpiady mahery no hampiasako ireo vatan-dehilahinao.»

Zakaria 9:9

Mifalia dia mifalia, ry mponin’i Tsiôna! Manaova fihobiana, ry vahoakan’i Jerosalema! Indro ny Mpanjakanareo avy aty aminareo; marina sady mandresy Izy, feno halemem-panahy sady mitaingina boriky, dia boriky tanora zana-borikivavy.

Asan’ny Apostoly 14:17

kanefa tsy navelan’Andriamanitra tsy hanana vavolombelona manambara Azy ny tenany amin’ny fanasoavana anareo: fa Izy no mandatsaka ranonorana avy eny amin’ny lanitra ho anareo hampahavokatra ny tany ara-potoana ary manome hanina anareo hameno fifaliana ny fonareo.

Deoteronomia 11:14

dia halatsako eo amin’ny taninareo ny ranonorana amin’ny fotoanandrony, izany hoe ny loha-orana sy ny fara-orana, mba hanangonanareo vary sy divay ary menaka.

Deoteronomia 28:12

Hovohan’ny TOMPO ho anareo ny lanitra izay itahirizany rano sarobidy, mba handatsahany orana ny taninareo amin’ny fotoanandrony ary hitahiany ny asa rehetra ataonareo. Ianareo tsy mba hisambotra vola mihitsy, fa firenena maro kosa no hampisamborinareo.

Deoteronomia 32:2

Ny anatro anie hitosaka toy ny orana, dia toy ny oram-batravatra amin’ny vilona; ny teniko anie hirotsaka toy ny ando, dia toy ny erikerika amin’ny ahi-maitso.

Filipiana 3:1

Farany, ry havako, mifalia noho ianareo tafaray amin’ny Tompo. Tsy manahirana ahy ny mamerina aminareo indray ny teny nosoratako ho anareo, sady azonareo toky tsara amin’izay.

Filipiana 3:3

Isika, fa tsy ry zareo, no mpitandro ny tena famorana, dia isika manompo an’Andriamanitra araka ny fanentanan’ny Fanahy Masina ary mirehareha noho isika tafaray amin’i Kristy Jesoa fa tsy mitoky amin’ny fombafomban’olombelona.

Filipiana 4:4

Mifalia mandrakariva noho ianareo tafaray amin’ny Tompo. Mbola antitranteriko indray: mifalia! Manehoa fandeferana amin’ny olona rehetra.