Joda 1:15 - DIEM PROTESTANTA

¹⁵ mba hitsara ny olona rehetra; ka hampiaiky ny ratsy fanahy rehetra Izy noho ny asa ratsy rehetra mbamin’ny teny ratsy rehetra nataon’ireo mpanota ratsy fanahy ireo hanoherana ny Tompo.»

Baiboly Protestanta Malagasy 2011

¹⁵ hanao fitsarana amin’ny rehetra sy hampiaiky ny olona rehetra ny asan’ny haratsiam-panahy rehetra, izay nataony tamin’ny haratsiam-panahiny sy ny teny henjana rehetra izay nanoheran’ny mpanota ratsy fanahy Azy.»

Dikateny Iombonana Eto Madagasikara

¹⁵ mba hitsara ny olona rehetra; ka hampiaiky ny ratsy fanahy rehetra Izy noho ny asa ratsy rehetra mbamin’ny teny ratsy rehetra nataon’ireo mpanota ratsy fanahy ireo hanoherana ny Tompo.»

Baiboly Katolika

¹⁵ hitsara ny olona tsy an-kanavaka: hampiharihary ny halozan’ny asa ratsy rehetra nataon’ny ratsy fanahy, sy ny haratsian’ny teny rehetra nanevatevan’ny mpanota mankahala ny fivavahana an’Andriamanitra»

Baiboly Protestanta Malagasy

¹⁵ hitsara ny olona rehetra sy hampiaiky ny olona ratsy fanahy rehetra ny asan’ny haratsiam-panahy rehetra, izay nataony tamin’ny haratsiam-panahiny sy ny teny sarotra rehetra izay nitenenan’ny mpanota ratsy fanahy hanohitra Azy.’’

Malagasy Bible

¹⁵ hitsara ny olona rehetra sy hampiaiky ny olona ratsy fanahy rehetra ny asan'ny haratsiam-panahy rehetra, izay nataony tamin'ny haratsiam-panahiny sy ny teny sarotra rehetra izay nitenenan'ny mpanota ratsy fanahy hanohitra Azy."

La Bible en Malgache

¹⁵ hanao fitsarana amin’ny rehetra sy hampiaiky ny olona rehetra ny asan’ny haratsiam-panahy rehetra, izay nataony tamin’ny haratsiam-panahiny sy ny teny henjana rehetra izay nanoheran’ny mpanota ratsy fanahy Azy.»

Joda 1:15 Rohy Ifampitohizana

Salamo 139:20

Miresaka Anao amim-pihatsarambelatsihy ireo fahavalonao sady mitonona Anao mba hoenti-mamitaka.

Salamo 149:9

ary ny mampihatra amin’ireny ny fitsarana voarakitra an-tsoratra: izany sy izany no zavatra ireharehana ho an’izay rehetra mpivavaka amin’ny Tompo. Haleloià!

Salamo 31:18

Tsy ho diso fanantenana anie aho, satria miantso vonjy aminao, TOMPO ô; fa aoka ireo ratsy fanahy no ho menatra ka hangina any amin’ny toeran’ny maty!

Salamo 37:6

Ny rariny anananao hasehony ho toy ny mazavatsinanana; ny zo tandrify anao haharihariny ho tahaka ny mitataovovonana.

Salamo 73:9

Misoka-bava hamely an’Andriamanitra any an-danitra izy ary manao teny manodoka mahatety ny tany.

Salamo 94:4

Fa mirehaka izy sady miteniteny foana; mizahozaho ireo mpanao ratsy rehetra ireo.

Salamo 98:9

mba hitsena ny TOMPO satria tamy Izy: eny, tamy Izy mba hifehy ny tany; dia hifehy ny tontolo araka ny rariny Izy ary hifehy ny firenena araka ny hitsiny.

Mpitoriteny 11:9

Mifalia, ry zatovo, amin’izao fahatanoranao izao; eny, miravoravoa mandritra izany fotoanandro izany. Ataovy izay mahadiavolana ny fonao sy izay mahafinaritra ny masonao. Nefa aoka ho fantatrao fa amin’izany rehetra izany dia hotsarain’Andriamanitra ianao.

Mpitoriteny 12:14

Fa hotsarain’Andriamanitra avokoa ny zavatra atao, dia ny amin’izay rehetra fonosiny na tsara izany na ratsy.

Ezekiela 35:13

Nanao teny miavonavona nankaloza Ahy ianao, ary efa reko ireo teny maro nanoheranao Ahy.›

Daniela 11:36

«Ary ny mpanjaka hanao araka izay sitrapony; dia hanandra-tena sy hihevi-tena ho ambonin’ny andriamanitra rehetra ka hiteny zava-mampivarahontsana hanohitra an’ilay Andriamanitry ny andriamanitra. Ary hanam-pahombiazana izy ambara-pihatran’ny fahatezeran’Andriamanitra, satria ho tanteraka izay efa voatendry.

Daniela 7:20

niriko ho fantatra mazava ny amin’ireo tandroka folo teo an-dohany sy ilay tandroka iray izay nipoitra ka nampianjera ny telo teo anoloany; io tandroka io dia nanana maso sy nanana vava niteny avonavona mihoa-pampana ary ny fijery azy dia lehibe noho ny namany.

Jaona 5:27

Ary nomen’ny Ray fahefana hitsara Izy, satria Zanak’olona.

Asan’ny Apostoly 17:31

Nisy manko andro anankiray natao hitsaran’Andriamanitra izao tontolo izao araka ny rariny, amin’ny alalan’ny lehilahy anankiray efa voatendriny; ary ny nananganany Azy ho velona avy any amin’ny maty no nataony porofon’izany ho an’ny olona rehetra!

Romana 14:10

Ianao kosa, nahoana no melohinao ny namanao? Ary ianao, nahoana no hamavoinao ny namanao? Fa samy hiseho eo anoloan’ny fitsaran’Andriamanitra isika rehetra,

Romana 2:16

Araka ny Vaovao Mahafaly ambarako, dia izany no ho hita amin’ilay andro hitsaran’Andriamanitra ny toetra miafin’ny olona tsirairay avy, amin’ny alalan’i Jesoa Kristy.

Romana 2:5

Maditra ianao ary tsy mety mamerina ny fonao aminy, ka dia fahatezeran’Andriamanitra no avosanao ho an’ny tenanao. Fa ho avy ny andro hampisehoan’Andriamanitra ny fahatezerany sy hitsarany an-karihary ny olombelona ara-drariny,

1Korintiana 4:5

Noho izany, aza mitsara olona alohan’ny fotoana, dia mandra-piavin’ny Tompo: Izy no hampiharihary ireo zavatra afenina anatin’ny maizina sy hampiseho ireo hevitry ny fon’ny olombelona. Ka amin’izay dia samy homen’Andriamanitra ny dera tandrify azy avy ny tsirairay.

1Timoty 1:9

Tokony hotsarovana fa ny lalàna dia tsy natao ho an’ny manao ny marina, fa ho an’ny mpandika lalàna sy ny maditra: dia ny olon-dratsy sy ny mpanota, ny olona mpaniratsira an’Andriamanitra sy mpanimbazimba fivavahana, ny mpamono ray sy mpamono reny, ny mpamono olona,

Joda 1:16

Ireo mpampianatra sandoka ireo dia mpimonomonona sy mpimoimoy lava, sady miaina araka ny filàndratsiny no miavonavom-piteny, ka mandoka olona mba hahazoany tombon-tsoa.

Apokalipsy 13:11

Dia nahita biby anankiray hafa nipoitra avy tamin’ny tany aho: nanana tandroka roa tahaka ny an’ny ondrikely izy sady nierona tahaka ny dràgona.

Apokalipsy 22:20

Hoy Ilay mijoro vavolombelon’ireo zavatra ireo hoe: «Eny, ho avy faingana Aho!» Amen! Avia, ry Jesoa Tompo!

1Samoela 2:3

Atsaharo ny teny an’avona sy ny vava tsy ambina rehetra, fa Andriamanitra mahalala ny zava-drehetra ny TOMPO; Izy no mitsara ny ataon’ny olona.