Jeremia 9:20 - DIEM PROTESTANTA

²⁰ «Mianika ny varavarankelintsika ny fahafatesana, ary miditra ao an-dapantsika; eny an-dalambe no andringanany ny ankizy ary eny an-kianja no andripahany ny zatovo.»

Baiboly Protestanta Malagasy 2011

²⁰ Fa efa nananika ny varavarankelintsika ny fahafatesana ka niditra tao an-dapantsika mba handringana ny ankizy madinika tsy ho eny an-dalambe, ary ny zatovo tsy ho eny amin’ny kianja malalaka.

Dikateny Iombonana Eto Madagasikara

²⁰ «Mianika ny varavarankelintsika ny fahafatesana, ary miditra ao an-dapantsika; eny an-dalambe no andringanany ny ankizy ary eny an-kianja no andripahany ny zatovo.»

Baiboly Katolika

²⁰ Fa tafanika tamin’ny varavarankelintsika ny fahafatesana, tafiditra ny lapantsika izy, handringana ny zaza eny an-dalambe, sy ny zatovo eny an-kianjam-bahoaka:

Baiboly Protestanta Malagasy

²⁰ Fa ny fahafatesana efa nananika ny varavarankelintsika Ka niditra tao an-dapantsika, Mba handringana ny ankizy madinika tsy ho eny an-dalambe Sy ny zatovo tsy ho eny an-kalalahana.

Malagasy Bible

²⁰ Fa ny fahafatesana efa nananika ny varavarankelintsika ka niditra tao an-dapantsika, mba handringana ny ankizy madinika tsy ho eny an-dalambe sy ny zatovo tsy ho eny an-kalalahana.

La Bible en Malgache

²⁰ Fa efa nananika ny varavarankelintsika ny fahafatesana ka niditra tao an-dapantsika mba handringana ny ankizy madinika tsy ho eny an-dalambe, ary ny zatovo tsy ho eny amin’ny kianja malalaka.

Jeremia 9:20 Rohy Ifampitohizana

Joba 22:22

Mbola raiso ny fampianarana omeny anao ary alatsaho ao am-ponao ny teniny.

Isaia 3:16

Hoy koa ny TOMPO hoe: «Miandranandrana erỳ ny andriambavilanitr’i Tsiôna, mianjonanjona aoka izany rehefa mamindra, mianjola fijery sady mitsingintsingim-pandeha, mampikorintsana ny haba amin’ny hato-tongony.»

Isaia 3:4

Ka hoy ny Tompo hoe: «Ankizy no hotendreko ho lehibeny ka hitondra azy araka ny haitraitrany.»

Jeremia 14:16

Ary ny vahoaka izay naminaniany koa dia hitsitra eny an-dalamben’i Jerosalema noho ny ady sy ny mosary ka tsy hisy handevina ireo olona ireo, na ny vadiny na ny zanany lahy na ny zanany vavy. Izany no hanatsingerenako aminy ihany ny ratsy nataony.

Jeremia 23:16

Izao no lazain’ny TOMPOn’izao rehetra izao: «Aza henoinareo ny teny izay ampitain’ireo mpaminany ireo; fa mamitaka anareo fotsiny izy. Ny fanambaràna izay lazainy aminareo dia avy amin’ny eritreriny ihany fa tsy avy amin’ny vavako.

Jeremia 23:28

Raha misy mpaminany manonofy, dia aoka izy hilaza ny nofiny! Fa raha mitondra hafatra avy amiko izy, dia aoka hanambara marina ny teniko! Aoka tsy hafangaro ny mololo sy ny vary hoy ny teny hentitra avy amiko TOMPO.

Jeremia 6:11

Feno ny fahatezeranao aho, ry TOMPO, ka tsy mahatsindry izany intsony. Afafazo amin’ny ankizy eny an-dalambe sy amin’ny andian-tanora manontolo izany fahatezerako tsy tantinao izany. Fa na lehilahy na vehivavy na ny antitra na izay efa ela niainana dia samy hosamborina avokoa.

Jeremia 7:29

Hoy ny TOMPO hoe: «Ry vahoakan’i Joda, hetezo ka ario ny volonao lava izay marika fa voatokana ho Ahy ianao. Manaova hira fisaonana eny amin’ny havoana mangadihady; fa hariako sady ho laviko ianao, satria taranaka mahatezitra Ahy.»

Jeremia 8:2

ka avela hiparitaka eo anatrehan’ny masoandro sy ny volana ary ny andian-kintana eny amin’ny lanitra izay notiavin’ireny olona ireny ka nivavahany sy niraiketany, ary nanontaniany hilan-kevitra sy niankohofany. Tsy hangonina na halevina intsony ireo taolana ireo fa ho tonga zezika eny ambonin’ny tany.

Jeremia 9:12

Ary hoy indray ny TOMPO hoe: «Nandao ny fampianarana nomeko azy izy ary tsy nihaino na nanaraka izay nolazaiko taminy;

Fitomaniana 2:19

Mitsangàna, miantsoantsoa fitarainana isan’ora fiambenana amin’ny alina. Toy ny rano atosaka no amborahy ny ao am-ponao eo anatrehan’ny Tompo. Asandrato aminy ny tananao hiangavy ho an’ny ain’ireo zanakao madinika izay manary aina noho ny hanoanana eny an-joron-dalana rehetra eny.

Fitomaniana 2:21

Na antitra na tanora dia maty mitsitsitra eny an-dalambe. Ny tovolahiko sy ny tovovaviko dia samy matin’ny sabatra. Novonoinao tamin’ny androm-pahatezeranao izy, naringanao tsy nisy fiantrana.