Jeremia 8:6 - DIEM PROTESTANTA

⁶ Nohenoiko tsara izay nolazainy fa tsy mitombina velively. Tsy misy mba manenina amin’ny haratsiany izy na mba manontany tena hoe: «Inona ity nataoko?» Fa samy mivily amin’izay maharevo azy avy izy tahaka ny soavaly miriotra amin’ny ady.

Baiboly Protestanta Malagasy 2011

⁶ Nihaino Aho ka nandre fa milaza teny tsy marina izy. Ary tsy misy manenina ny amin’ny haratsiany hoe: Inona ity nataoko ity! Izy rehetra dia samy mivily eny am-pandehanany avy tahaka ny soavaly miriotra ho amin’ny ady.

Dikateny Iombonana Eto Madagasikara

⁶ Nohenoiko tsara izay nolazainy fa tsy mitombina velively. Tsy misy mba manenina amin’ny haratsiany izy na mba manontany tena hoe: «Inona ity nataoko?» Fa samy mivily amin’izay maharevo azy avy izy tahaka ny soavaly miriotra amin’ny ady.

Baiboly Katolika

⁶ «Nitandrina tsara Aho ary nihaino: Tsy miteny araka ny mety izy ireo; tsy misy manenina amin’ny haratsiany, na manao hoe: Inona re ity nataoko e? Fa dia samy rafitra mihazakazaka indray avokoa, hoatra ny soavaly miezaka ho amin’ny ady!

Baiboly Protestanta Malagasy

⁶ Nihaino Aho, ka nandre, Fa manao teny tsy marina izy: Ary tsy misy manenina ny amin’ny haratsiany hoe: Endrey izany nataoko izany! Izy rehetra dia samy mivily mankamin’ny alehany avy Tahaka ny soavaly miriotra ho amin’ny ady.

Malagasy Bible

⁶ Nihaino Aho, ka nandre, fa manao teny tsy marina izy: Ary tsy misy manenina ny amin'ny haratsiany hoe: Endrey izany nataoko izany! Izy rehetra dia samy mivily mankamin'ny alehany avy tahaka ny soavaly miriotra ho amin'ny ady.

La Bible en Malgache

⁶ Nihaino Aho ka nandre fa milaza teny tsy marina izy. Ary tsy misy manenina ny amin’ny haratsiany hoe: Inona ity nataoko ity! Izy rehetra dia samy mivily eny am-pandehanany avy tahaka ny soavaly miriotra ho amin’ny ady.

Jeremia 8:6 Rohy Ifampitohizana

Joba 10:2

Izany no hitenenako amin’Andriamanitra hoe: Aza manameloka ahy, fa ampahafantaro ahy kosa ny alahelonao amiko.

Joba 34:31

Fa raha misy manao amin’Andriamanitra hoe: «Efa namita ny saziko aho, ka tsy hanao ratsy intsony.

Joba 34:32

Asehoy ahy izay heloko tsy mbola hitako; fa raha nanao ratsy aho dia tsy hamerina izany intsony.»

Salamo 14:2

Avy eny an-danitra eny ny TOMPO no miondrika hijery ny olombelona, hizaha sao mba misy olon-kendry izay mitady Azy tokoa.

Isaia 30:18

Na izany aza, mbola miandry fotoana ny TOMPO hahazoany miantra anareo, mbola hirotsaka an-tsehatra Izy hamindra fo aminareo, satria Andriamanitra mitandro ny marina ny TOMPO; sambatra izay rehetra miandry Azy.

Isaia 57:17

Ny fahadisoan’ny vahoakako no nahatezitra Ahy vetivety. Noho Izaho tezitra no nikapohako azy sady tsy netezako hijery azy. Nefa nikomy hatrany izy ka nanaraka ny ditran’ny fony,

Isaia 59:16

Hitan’ny Tompo fa tsy nisy niraika akory, gaga Izy fa tsy nisy olona mpanelanelana; koa ny fahefàny ihany no nentiny hamonjy ary ny fahamarinany no nandrisika ny tenany.

Jeremia 23:25

Izaho Tompo efa nandre izay nolazain’ireo mpaminany mihambo miteny amin’ny anarako kanefa milaza lainga manao hoe: «Nanonofy aho, eny, nanonofy aho.»

Jeremia 3:5

mbola ho tezitra amiko ihany ve ianao ka hitahiry alahelo amiko hatrany?» Izany no teninao tamiko, nefa tsy nitsahatra nanao ratsy ianao, sady tena havanana tamin’izany.

Jeremia 5:1

Mandehana mivezivezy eny an-dalamben’i Jerosalema ianareo; dia jereo tsara sy hadihadio, tadiavo eny amin’ny toera-malalaka raha mahita olona anankiray manao ny mahitsy sy ny rariny ianareo; fa raha mahita anankiray monja ianareo dia havelako ny helok’i Jerosalema.

Ezekiela 18:28

Ho velona tokoa izy fa tsy ho faty satria nahatsapa ny asa ratsiny ka niala tamin’izany.

Ezekiela 22:30

Nokarohiko izay vonona hanangana ny manda na izay vonona hijanona eo amin’ny bangan’ny manda mba hifona eo anatrehako ho an’ny tany sy hisakana Ahy tsy handrava azy; nefa tsy nahita Aho.

Daniela 9:11

Nandika ny lalànao i Israely manontolo, ary nihodina tsy hihaino ny feonao; ka dia natosakao taminay ny ozona sy ny fianianana voasoratra tao amin’ny lalànan’i Mosesy mpanomponao, satria nanota taminao izahay.

Mika 7:2

Fa foana teo amin’ny tany ny olona tena mpivavaka; ary tsy misy olo-marina intsony eo amin’ny olombelona. Samy manotrika handatsa-dra avokoa izy rehetra; ary samy mihaza mpiray tampo amin’ny fandrika harato ny tsirairay.

Zefania 3:7

Dia hoy Aho anakampoko: Raha manaja Ahy i Jerosalema ary mandray ny fampitandremako, dia tsy horavako ny fonenany araka ny fandrahonana nataoko taminy! Kanefa vao mainka nilomay hanao ratsy ihany izy iray tanàna.

Hagay 1:5

Koa izao no lazain’ny TOMPOn’izao rehetra izao aminareo: Hevero tsara ny manjo anareo.

Hagay 1:7

Izany no ilazan’ny TOMPOn’izao rehetra izao aminareo hoe: Hevero tsara ny manjo anareo.

Malakia 3:16

Toy izany no nifampiresahan’ireo manaja ny TOMPO. Dia nihaino tsara ny TOMPO ka nandre izany. Nisy firaketana an-tsoratra teo anatrehan’ny TOMPO an’ireo manaja Azy sy mankamamy ny anarany.

2Petera 3:9

Koa tsy ahemotry ny Tompo araka ny hevitry ny sasany akory ny fampanantenàny: saingy mahari-po aminareo Izy, satria tsy tiany hisy ho very fa mba hiroso hiala amin’ny toe-dratsy avokoa ny olona rehetra.

Apokalipsy 9:20

Kanefa ny olombelona, sisa tsy matin’ireo loza ireo, dia tsy niova toetra hiala tamin’ireo andriamanitra voatran’ny tanany, ka tsy nitsaha-nivavaka tamin’ny demony sy tamin’ny sampy volamena sy volafotsy sy halimo ary vato aman-kazo, sampy izay tsy afaka mijery na mandre na mamindra;