Jeremia 6:4 - DIEM PROTESTANTA

⁴ Miantsoantso ireo hoe: «Ndao hotafihina izy! Mitsangàna isika mba haka azy an-keriny amin’ny mitataovovona! Indrisy, efa mihilana ny andro ary efa mandroso aloka ny hariva!

Baiboly Protestanta Malagasy 2011

⁴ Miomàna ianareo hanao ady masina hamelezana azy; mitsangàna ka andeha isika hamely azy antoandrobenanahary. Lozantsika! Fa lasan-davitra ny andro, ary efa mandroso ny aloky ny hariva.

Dikateny Iombonana Eto Madagasikara

⁴ Miantsoantso ireo hoe: «Ndao hotafihina izy! Mitsangàna isika mba haka azy an-keriny amin’ny mitataovovona! Indrisy, efa mihilana ny andro ary efa mandroso aloka ny hariva!

Baiboly Katolika

⁴ Atombohy ny ady hamelezana azy; mitsangàna, andeha isika hananika azy amin’izao antoandro be izao! Loza ho antsika fa efa mirerarefa ny andro, efa mandroso ny aloky ny hariva.

Baiboly Protestanta Malagasy

⁴ Mitaova hianareo hanao ady masina hamelezana azy; Mitsangàna, ka andeha isika hiakatra antoandro. Lozantsika! fa lasan-davitra ny andro, Ka efa mandroso ny aloky ny hariva.

Malagasy Bible

⁴ Mitaova ianareo hanao ady masina hamelezana azy; Mitsangàna, ka andeha isika hiakatra antoandro. Lozantsika! fa lasan-davitra ny andro, ka efa mandroso ny aloky ny hariva.

La Bible en Malgache

⁴ Miomàna ianareo hanao ady masina hamelezana azy; mitsangàna ka andeha isika hamely azy antoandrobenanahary. Lozantsika! Fa lasan-davitra ny andro, ary efa mandroso ny aloky ny hariva.

Jeremia 6:4 Rohy Ifampitohizana

Joba 7:2

Toy ny mpanompo mba maniry alokaloka izy na tahaka ny mpikarama miandry ny karamany.

Tononkiran’i Solomona 2:17

Amin’ny takariva mangatsiatsiaka, rehefa hilentika ny masoandro ka hihamaizina ny andro, dia miverena, ry malalako; ary aoka ianao ho mailamailaka toy ny gazela na ny diera tanora no manketỳ Ambohimisaraka.

Jeremia 15:8

Ny mpitondratenany dia nohamaroiko noho ny fasika amoron-dranomasina. Na dia mitataovovonana aza ny andro, dia nitondrako mpandringana tao aminy handripaka ny renin’ireo zatovo mpiantafika ary nazerako tampoka teo aminy ny hovitra noho ny tahotra

Jeremia 15:9

Nihareraka ilay niteraka fito, ka misefosefo fiaina; nilentika antoandrobe ny masoandrony, ka menatra sy afa-baràka izy. Ary izay sisa velona dia hatolotro haringana eo anatrehan’ny fahavalony. Izany no teny hentitra avy amiko TOMPO.

Jeremia 5:10

Iakaro ka simbasimbao ny tanimboalobony manao ambaratonga; nefa aza potehina tanteraka! Esory ny rantsam-boaloboka satria tsy an’ny Tompo ireny.

Jeremia 6:23

Mampirangaranga tsipîka sy lefona ireo miaramilany lozabe sady tsy mamindra fo. Mirohondrohona toy ny ranomasina ny feony. Mitaingin-tsoavaly izy ary milahatra toy ny andian-tafika hiady mba hamely anao, ry Tsiôna.

Jeremia 8:20

Efa lasa ny fararano ary efa tapitra ny fotoam-pijinjana, nefa tsy mbola misy famonjena ho anay!

Obadia 1:1

Nisehoam-pahitana i Hôbadià, ka izao no voalazan’ny Tompo ANDRIANANAHARY ny amin’i Edôma. Nisy iraka nalefa ho any amin’ny hafa firenena, ka renay nanambara filazana avy amin’ny TOMPO hoe: «Mitsangàna ianareo! Aoka isika hiara-mitsangana hanafika an’i Edôma!»

Mika 3:5

Izao no lazain’ny TOMPO ny amin’ireo mpaminany izay mpamitaka ny vahoakako: «Raha misy mahafoy hokepohiny, dia iantsoany ‹Fiadanana›. Fa izay tsy manome zavatra hataony am-bava kosa dia hananganany ady manokana.

Zefania 2:4

Fa hilaozana i Gazà, ary ho lao i Askelôna. Horoahina mitataovovonana ny mponin’i Asdôda, ary hofongorana ny an’i Hekrôna.