Jeremia 51:13 - DIEM PROTESTANTA

¹³ Ry Babilôna izay mipetraka eo amoron’ny ony lehibe sady manana harena sarobidy ô, tonga ny fiafaranao fa feno ny fatranao.

Baiboly Protestanta Malagasy 2011

¹³ Ianao izay monina eny amoron’ny ranobe sady manana harena be dia be, tonga ny fiafaranao ka tsy hisy intsony ny filanao harena.

Dikateny Iombonana Eto Madagasikara

¹³ Ry Babilôna izay mipetraka eo amoron’ny ony lehibe sady manana harena sarobidy ô, tonga ny fiafaranao fa feno ny fatranao.

Baiboly Katolika

¹³ Ry ilay monina amoron’ny rano be, sady be rakitra ô, tonga ny fiafaranao; tapitra ny fotoana firembenao.

Baiboly Protestanta Malagasy

¹³ Hianao izay monina eny amoron’ny rano be Sady be rakitra, Tonga ny fiafaranao, Ka tsy hisy intsony ny filanao harena.

Malagasy Bible

¹³ Hianao izay monina eny amoron'ny rano be sady be rakitra, tonga ny fiafaranao, ka tsy hisy intsony ny filanao harena.

La Bible en Malgache

¹³ Ianao izay monina eny amoron’ny ranobe sady manana harena be dia be, tonga ny fiafaranao ka tsy hisy intsony ny filanao harena.

Jeremia 51:13 Rohy Ifampitohizana

Genesisy 6:13

Dia hoy Andriamanitra tamin’i Noà: «Tapa-kevitra aho handringana ny olombelona. Fa noho ny aminy dia feno herisetra ny tany, koa hofongorako eto an-tany izy.

Salamo 137:1

Teo amoron’ny onin’i Babilôna no nipetraka izahay ka nitomany mafy nahatsiaro an’i Tsiôna!

Isaia 43:14

Izao no lazain’ny TOMPO mpanavotra anareo, dia ilay Masin’i Israely: «Noho ny fitiavako anareo dia haniraka olona hankany Babilôna Aho, mba hamaha ny hidy rehetra.

Isaia 45:3

Homeko anao ny raki-tsoany napetrany tao amin’ny toerana maizina sy ny harena nafeniny ao amin’ny mangingina, mba hahafantaranao fa Izaho no TOMPO Izay miantso anao amin’ny anaranao; Izaho no Andriamanitr’i Israely.

Isaia 57:17

Ny fahadisoan’ny vahoakako no nahatezitra Ahy vetivety. Noho Izaho tezitra no nikapohako azy sady tsy netezako hijery azy. Nefa nikomy hatrany izy ka nanaraka ny ditran’ny fony,

Jeremia 17:11

Tahaka ny akoho mikotrika atodin-gana, toy izany izay manangon-karena tsy ara-drariny: eo antenatenan’androny izy no hilaozan’izany hareny izany, ka ho lasa adala no iafarany.

Jeremia 50:27

Vonoy ho faty ny miaramilany rehetra; aoka hidina any an-toeram-pamonoana ireo! Idiran-doza ireo fa tonga ny androny dia ny fotoana hamalian’ny Tompo azy.

Jeremia 50:31

Indro Aho hifanandrina aminao ry Babilôna mpiavonavona, Izaho Tompo ANDRIAMANITR’izao rehetra izao no manao izany teny hentitra izany. Fa tonga ny andronao izao, dia ny fotoana hamaliako anao.

Jeremia 50:37

Hisy ady hamely ny soavaliny sy ny kalesiny mbamin’ny olona rehetra samy hafa firenena ao aminy, ka halemy toy ny vehivavy izy! Hisy ady hamely ny haren-tsarobidiny, ka ho voaroba ireo!

Jeremia 51:36

Izao àry no lazain’ny TOMPO amin’i Jerosalema: «Horaisiko an-tanana ny momba anao ka Izaho no hamalifaty anao: hataoko maina ny oniny ary horitiko ny loharanony.

Fitomaniana 4:18

Arahi-maso ny fihetsikay: Tsy afa-mankeny an-kianjanay akory izahay. Manakaiky ny fiafaranay, tapitra ny andronay; eny, migadona ny fiafaranay.

Daniela 5:26

Izao no hevitry ny teny: MENE: Voaisa, voaisan’Andriamanitra ny nanjakanao ka taperiny amin’izao;

Amosa 8:2

Dia nanontany ahy Izy hoe: –Inona no hitanao, ry Hamôsa? Ka novaliako hoe: –Voankazo masaka iray harona! Dia hoy ny TOMPO tamiko: –Tonga ny farany ho an’ny Israely vahoakako, tsy holeferiko intsony ny fahadisoany.

1Petera 4:7

Antomotra ny faran’ny zavatra rehetra; koa hendre, mahonòna tena mba ho afa-mivavaka.

2Petera 2:3

Tia harena loatra ry zareo ka hataony filàm-bola ianareo amin’ny fampiasana teny mamitaka; saingy hatry ny ela dia tsy mitsahatra ny fanamelohana azy ary efa hihatra aminy koa ny fahaverezana.

Apokalipsy 17:1

Dia nanatona ahy ny anankiray tamin’ireo anjely fito izay nanana ny lovia fito, ka niteny tamiko nanao hoe: –Avia atỳ fa hasehoko anao ny fitsarana ilay vehivavy janga malaza ratsy, izay mipetraka eo ambonin’ny ranobe.

Apokalipsy 17:15

Dia hoy koa ny anjely tamiko: –Ny ranobe, izay hitanao ipetrahan’ilay vehivavy janga, dia vahoaka sy olona maro mbamin’ny firenena sy ny samy hafa fiteny.

Apokalipsy 18:19

Dia nanipy vovoka hiraraka tamin’ny lohany izy ireo sady nitomany sy nisaona ka niantsoantso hoe: «Indrisy! Indrisy! Ry tanàna lehibe, izay rakotra zava-tsarobidy ka nampahazo harena ny olona rehetra manana sambo eny an-dranomasina! Satria tanaty adiny iray monja dia foana ianao!»