Jeremia 50:21 - DIEM PROTESTANTA

²¹ Tafiho ny tanin’i Merataîma! Tafiho izy sy ny mponina ao Pekôda. Vonoy ho faty ireo ka aringano hatramin’ny olona farany, hoy ny teny hentitra avy amiko TOMPO. Tanteraho izay rehetra voadidiko!

Baiboly Protestanta Malagasy 2011

²¹ Iakaro i Merataima sy ny mponina ao Pekoda, ravao sy aringano ho toy ny zavatra voaozona ireo, hoy NY TOMPO, ary tanteraho izay rehetra nandidiako anao.

Dikateny Iombonana Eto Madagasikara

²¹ Tafiho ny tanin’i Merataîma! Tafiho izy sy ny mponina ao Pekôda. Vonoy ho faty ireo ka aringano hatramin’ny olona farany, hoy ny teny hentitra avy amiko TOMPO. Tanteraho izay rehetra voadidiko!

Baiboly Katolika

²¹ Miaraka hamely ny tanim-piodinana, sy hamely ny mponim-panasaziana, ravao, aringano mifanarakaraka izy, - teny marin’i Iaveh, - ka tanteraho avokoa izay nandidiako anao.

Baiboly Protestanta Malagasy

²¹ Iakaro Ibefikomiana Sy ny mponina ao Ampamaliana; Ravao sy aringano manarakaraka azy, hoy Jehovah, Ary manaova araka izay rehetra nandidiako anao.

Malagasy Bible

²¹ Iakaro Ibefikomiana sy ny mponina ao Arapamaliana; Ravao sy aringano manarakaraka azy, hoy Jehovah, ary manaova araka izay rehetra nandidiako anao.

La Bible en Malgache

²¹ Iakaro i Merataima sy ny mponina ao Pekoda, ravao sy aringano ho toy ny zavatra voaozona ireo, hoy NY TOMPO, ary tanteraho izay rehetra nandidiako anao.

Jeremia 50:21 Rohy Ifampitohizana

2Samoela 16:11

Ary hoy koa i Davida tamin’i Abisay sy ny minisitra rehetra: –Raha ny zanakalahy naterako aza no mitady ny aiko, ka mainka fa io Benjaminita io! Aoka izy hanozona ahy, raha ny TOMPO no nibaiko azy hanao izany.

2Mpanjaka 18:25

Ary ankehitriny, moa hamely sy handrava ity tany ity ve ilay mpanjaka tompoiko, raha tsy sitraky ny TOMPO izany? Tsia, fa ny TOMPO mihitsy no nanome baiko azy hamely sy handrava ity tany ity.

2Tantara 36:23

«Izao no lazain’i Kirôsa amperôran’i Persia: Ny TOMPO Andriamanitry ny lanitra dia efa nanome ahy ny fanjakana rehetra ambonin’ny tany ary efa nandidy ahy hanorina tempoly ho Azy any Jerosalema, izay ao amin’ny tanin’i Joda. Koa aoka ianareo rehetra izay anisan’ny vahoakan’ny TOMPO mba hiakatra any Jerosalema! Hiaraka aminareo anie ilay TOMPO Andriamanitrareo!»

Isaia 10:6

Nirahiko izy hamely firenena tsy mpivavaka ary nalefako hamely vahoaka ratsy fanahy mba handroba sy hanangona babo avy aminy, ka hanosihosy azy toy ny fotaka eny an-dalambe.

Isaia 44:28

Hoy Aho ny amin’i Kirôsa: ‹Izy no mpiandry ondriko. Hotanterahiny izay sitrako rehetra, ka dia hanome baiko izy mba haorina indray i Jerosalema ary hamboarina indray ny tempoly.› »

Isaia 48:14

Mivoria ka mihainoa ianareo rehetra: Ilay tiako no hanatanteraka izay sitrapoko amin’i Babilôna sy amin’ny taranaky ny Kaldeanina. Kanefa iza taminareo moa no nanambara izany? Tsy misy.

Isaia 48:15

Izaho, eny, Izaho no niteny; Izaho mihitsy no niantso azy ka nanao izay hahatongavany sy hampahomby izay hataony.

Jeremia 34:22

saingy hasaiko hiverina hanafika ity tanàna ity indray izy, ka hahafaka sy handoro azy. Ary ireo tanànan’i Joda dia hataoko lao tsy hisy mponina; teny hentitra avy amiko TOMPO izany.

Jeremia 48:10

Ho voaozona anie izay manao tsirambina ny asa nampanaovin’ny TOMPO azy; eny, ho voaozona anie izay misakana ny sabany tsy handatsa-dra!

Jeremia 50:15

Manaova akoran’ady manodidina mba hampikoizana azy. Indro fa nitolo-batana izy! Rava ny tilikambom-piarovany ary nianjera ny mandany. Izany no famalian’ny TOMPO! Koa valionareo i Babilôna; araka ny nataony tamin’ny hafa no mba ataovinareo aminy koa.

Jeremia 50:3

Fa misy firenena iray avy any avaratra miakatra hamely an’i Babilôna, ka hanova ny taniny ho lao tsy hisy mponina intsony; fa na olona na biby fiompy dia samy lasa nitsoaka avokoa.

Jeremia 50:9

Fa firenena lehibe manao andiany no hotairiko sy halefako hanafika an’i Babilôna. Ho tonga avy any avaratra ireny ka hilahatra hiady aminy sy hahazo azy. Tsy hivena mihitsy ny zana-tsipîkany fa ho toy ny miaramila zatra ady ka tsy hiverim-potsiny.

Ezekiela 23:23

Hotaomiko hikomy aminao avokoa ny mponin’i Babilôna sy ny Kaldeanina rehetra, ny mponina ao Pekôda sy Sôha ary Kôha mbamin’ny Asirianina rehetra: Tovolahy bikàna izy rehetra, dia governora sy mpitsara, mpiady voafantina sy olo-manan-kaja, samy kinga fitaingin-tsoavaly.

Deoteronomia 33:27

Andriamanitra, hatrizay hatrizay, no fialofana; ny heriny, hatrany hatrany, no miasa etỳ ambany etỳ. Mandroaka ny fahavalo eo anoloanao Izy ary mandidy anao handringana an’ireo.

1Samoela 15:3

Koa ankehitriny, mandehana tafiho ny Hamalekita, ary levony avokoa izay rehetra ananany fa aza asiana miangana sy indrafo. Vonoy ho faty avokoa na lehilahy na vehivavy, na ankizy na zaza minono, na omby na ondry, na rameva na boriky.»