Jeremia 5:1 - DIEM PROTESTANTA

¹ Mandehana mivezivezy eny an-dalamben’i Jerosalema ianareo; dia jereo tsara sy hadihadio, tadiavo eny amin’ny toera-malalaka raha mahita olona anankiray manao ny mahitsy sy ny rariny ianareo; fa raha mahita anankiray monja ianareo dia havelako ny helok’i Jerosalema.

Baiboly Protestanta Malagasy 2011

¹ Mandehandehana eny an-dalamben’i Jerosalema ianareo ka zahao sy fantaro ary tadiavo eny amin’ny kianja, fa raha mba misy olona hitanareo, izay manao ny marina sy mitady ny hitsiny, dia havelako ny helok’i Jerosalema.

Dikateny Iombonana Eto Madagasikara

¹ Mandehana mivezivezy eny an-dalamben’i Jerosalema ianareo; dia jereo tsara sy hadihadio, tadiavo eny amin’ny toera-malalaka raha mahita olona anankiray manao ny mahitsy sy ny rariny ianareo; fa raha mahita anankiray monja ianareo dia havelako ny helok’i Jerosalema.

Baiboly Katolika

¹ Tetezo ny lalana ao Jerosalema, ka jereo, fotory; savao eny amin’ny kianjany raha sendra mahita olona iray ao ianareo, raha misy iray monja aza, mba manao ny rariny sy mitady ny hitsiny, dia hamindra fo amin’ny tanàna aho.

Baiboly Protestanta Malagasy

¹ MIVEZIVEZE eny an-dàlamben’i Jerosalema hianareo, Ka izahao sy fantaro ary tadiavo ao an-kalalahana, Fa raha mba misy olona hitanareo, Izay manao ny marina sy mitady ny hitsiny, Dia havelako ny helok’i Jerosalema.

Malagasy Bible

¹ Miveziveze eny an-dalamben'i Jerosalema ianareo, ka izahao sy fantaro ary tadiavo ao ankalalahana, fa raha mba misy olona hitanareo, izay manao ny marina sy mitady ny hitsiny, dia havelako ny helok'i Jerosalema.

La Bible en Malgache

¹ Mandehandehana eny an-dalamben’i Jerosalema ianareo ka zahao sy fantaro ary tadiavo eny amin’ny kianja, fa raha mba misy olona hitanareo, izay manao ny marina sy mitady ny hitsiny, dia havelako ny helok’i Jerosalema.

Jeremia 5:1 Rohy Ifampitohizana

1Mpanjaka 19:10

Dia hoy ny navaliny: –Fatratra loatra ny fitiavako Anao, ry TOMPO Andriamanitr’izao rehetra izao ô, koa tsy tantiko intsony ny nandaozan’ireo Israelita ny fanekempihavananao; ny alitaranao noravany, ny mpaminaninao novonoiny ho faty; ary dia izaho irery ihany no sisa, nefa mbola mitady hahafaty ahy koa izy.

2Tantara 16:9

Fa manopy maso ny tany tontolo ny TOMPO mba hanohana izay miraiki-po tanteraka aminy. Adala ianao tamin’io fihetsikao io, ka dia hisy ady hihatra aminao manomboka izao.

Salamo 12:1

Tao amin’ny tahirin-kiran’ny filohan’antoko-mpihira. Hampiarahina amin’ny valiha torifolo. Salamo nataon’i Davida.

Salamo 14:2

Avy eny an-danitra eny ny TOMPO no miondrika hijery ny olombelona, hizaha sao mba misy olon-kendry izay mitady Azy tokoa.

Salamo 14:3

Fa izy rehetra no mania ka samy tsy valahara avokoa; tsy mba misy manao ny tsara, na dia iray akory aza!

Salamo 94:16

Iza àry no hitsangana hiaro ahy amin’ny mpanao ratsy? Iza no hiady ho ahy amin’ny ataon’ireo mpanao heloka?

Ohabolana 20:6

Maro ny olona samy midera tena ny amin’ny soa vitany; fa sarotra kosa ny mahita izay olona mahatoky marina.

Ohabolana 23:23

Manàna toetra mahatoky, ka aza amidy izany; aza amidy koa ny fahendrena sy ny fanabeazana ary ny fahaiza-manavaka.

Ohabolana 8:3

Eo anilan’ny vavahady fidirana ny tanàna sy toeram-pandalovan’olona no iantsoantsoany hoe:

Tononkiran’i Solomona 3:2

Hifoha aho ka hitety ny tanàna, hamakivaky arabe sy kianja, mba hitady ilay tiako; tadiaviko izy fa tsy hitako.

Isaia 59:4

Tsy ara-drariny no itorianareo olona, tsy araka ny toetra mahatoky no iadianareo am-pitsarana; porofo tsy azo antoka no ianteheranareo, zavatra tsy marim-pototra no teniteneninareo; torontoronina ny ratsy ianareo ka miteraka loza.

Jeremia 2:29

Nahoana no mifandahatra amiko ianareo, hoy ny teny hentitry ny TOMPO, kanefa ianareo rehetra no nivadika tamiko?

Jeremia 44:15

Ireo lehilahy rehetra izay nahalala fa manolotra zava-manitra mifangaro ho an’ireo andriamani-kafa ny vadiny, ary koa ireo vehivavy rehetra izay tafangona nanao fivoriam-be teo, izany hoe ireo olona rehetra izay nipetraka tany Ejipta tao Patrôsa, dia namaly an’i Jeremià hoe:

Jeremia 8:6

Nohenoiko tsara izay nolazainy fa tsy mitombina velively. Tsy misy mba manenina amin’ny haratsiany izy na mba manontany tena hoe: «Inona ity nataoko?» Fa samy mivily amin’izay maharevo azy avy izy tahaka ny soavaly miriotra amin’ny ady.

Jeremia 9:2

«Toy ny tsipîka mihenjana ny lelany, hoy ny teny hentitry ny TOMPO. Lainga fa tsy toetra mahatoky no anjakany eo amin’ny tany. Mandroso miharatsy hatrany izy, ary Izaho kosa tsy fantany.

Jeremia 9:7

Toy ny zana-tsipîka mahafaty ny lelany, ka lainga avokoa izay lazainy: Tsara vava amin’ny namany izy, fa ao anatiny manao otri-po.

Ezekiela 22:30

Nokarohiko izay vonona hanangana ny manda na izay vonona hijanona eo amin’ny bangan’ny manda mba hifona eo anatrehako ho an’ny tany sy hisakana Ahy tsy handrava azy; nefa tsy nahita Aho.

Ezekiela 9:9

Ary namaly ahy Izy hoe: –Tsy hita lany mihitsy ny heloka nataon’ny fanjakàn’i Israely sy i Joda: feno vonoan’olona ny tany sady feno fitsarana miangatra ny tanàna. Ary ny olona dia nifampiteny hoe: «Efa nandao ny tanintsika ny TOMPO ka tsy mahita antsika.»

Daniela 12:4

«Ry Daniela, ahorony hiafina ireo teny ireo ka asio tombo-kase tsy ho azo sokafana ity boky ity ambara-pahatongan’ny fotoana farany; ho maro amin’izay no hamaky azy ka hitombo fahalalana.

Joela 2:9

Mamakivaky ny tanàna izy, mihazakazaka eny amin’ny manda; mianika ny trano izy ary miditra eo am-baravarankely toy ny mpangalatra.

Amosa 8:12

Dia hivezivezy avy any atsimo ka hatrany andrefana ary hitotototo avy any avaratra ka hatrany atsinanana ny olona mba hitady ny teniko, nefa tsy hahita.

Zakaria 2:4

ka nanontany indray hoe: –Tonga mba hanao inona moa ireto? Ary dia namaly izy hoe: –Ireto kosa dia tonga hampihorohoro sy hampiongana ny firenena matanjaka izay nitsangana hanohitra ny firenen’i Joda sady nampihahaka ny vahoakany mba tsy hisy na iray aza hanohitra azy.

Lioka 14:21

Dia niverina ilay mpiasa ka nanambara izany tamin’ny tompony. Nisafoaka ilay tompom-panasana ka nanao tamin’ilay mpiasa hoe: «Mandehana faingana ianao mankeny amin’ireo kianja sy araben’ny tanàna, ka ampandrosoy atỳ ny mahantra sy ny kilemaina mbamin’ny jamba sy ny mandringa.»

2Tesaloniana 2:10

sady hampiasa haratsiam-panahy amin’ny endrika samihafa hahavoafitaka ireo ho very. Ho very ireo satria tsy nandray ary tsy nandala ny hafatra marim-pototra tokony ho nahavonjy azy;