Jeremia 49:3 - DIEM PROTESTANTA

³ Ry olon’i Hesbôna, manaova hira fitomaniana hoe: «Rava ny tanàna Hay!» Manaova antso vonjy ianareo, ry tanàna miankina amin’i Rabà. Mitafia gony ho fisaonana ary manaova hira fitomaniana sady miveziveze etsy sy eroa ao anaty fefy, fa lasan-ko babo ny andriamanitra Milkôma mbamin’ny mpisorony sy ireo filoham-bahoakany.

Baiboly Protestanta Malagasy 2011

³ Midradradradrà, ry Hesbona, fa rava i Ay! Miantsoantsoa mafy, ianareo zanakavavin’i Raba! Misikìna lamba fisaonana ianareo; manaova fisaonana ary mandehandehana eo anaty fefin’ny manda; fa lasan-ko babo ny mpanjakany sy ny mpisorony ary ireo mpanapaka azy.

Dikateny Iombonana Eto Madagasikara

³ Ry olon’i Hesbôna, manaova hira fitomaniana hoe: «Rava ny tanàna Hay!» Manaova antso vonjy ianareo, ry tanàna miankina amin’i Rabà. Mitafia gony ho fisaonana ary manaova hira fitomaniana sady miveziveze etsy sy eroa ao anaty fefy, fa lasan-ko babo ny andriamanitra Milkôma mbamin’ny mpisorony sy ireo filoham-bahoakany.

Baiboly Katolika

³ Migogogogoa, ry Hesebona, fa voaroba i Hai; Midradradradrà, ry zanaka vavin’i Rabah, misikìna lasàka, migogogogoa; mivoivoiza manaraka ny fefy; fa nentin-ko sesitany i Melkôma, mbamin’ny mpisorony ama-mpanapaka miaraka aminy koa.

Baiboly Protestanta Malagasy

³ Midradradradrà, ry Hesbona, fa rava Ay! Mitaraina, hianareo zanakavavin’i Raba! Misikìna lamba fisaonana hianareo; Manaova fisaonana, ary mivoivoiza eo anaty fefy; Fa lasan-ko babo ny mpanjakany, Dia ny mpisorony sy ireo mpanapaka azy.

Malagasy Bible

³ Midradradradrà, ry Hesbona, fa rava Ay! Mitaraina, ianareo zanakavavin'i Raba! Misikina lamba fisaonana ianareo; Manaova fisaonana, ary mivoivoiza eo anaty fefy; Fa lasan-ko babo ny mpanjakany, dia ny mpisorony sy ireo mpanapaka azy.

La Bible en Malgache

³ Midradradradrà, ry Hesbona, fa rava i Ay! Miantsoantsoa mafy, ianareo zanakavavin’i Raba! Misikìna lamba fisaonana ianareo; manaova fisaonana ary mandehandehana eo anaty fefin’ny manda; fa lasan-ko babo ny mpanjakany sy ny mpisorony ary ireo mpanapaka azy.

Jeremia 49:3 Rohy Ifampitohizana

2Samoela 11:1

Ny taona manaraka, rehefa tonga ny fotoana fandehanan’ny mpanjaka hiady, dia naniraka an’i Jôaba sy ny manamboninahiny ary ny tafika israelita manontolo i Davida mba handringana ny Hamônita sy hanao fahirano an’i Rabà. I Davida kosa nijanona tany Jerosalema ihany.

1Mpanjaka 11:33

Hataoko izany satria efa nandao Ahy ireo ka niankohoka teo anatrehan’i Hastôreta andriamani-bavin’ny Tsidônianina, sy teo anatrehan’i Kemôsy andriamanitry ny Môabita, ary teo anatrehan’i Milkôma andriamanitry ny Hamônita; fa tsy mba ny sori-dalako no nizorany hanaovana izay mahitsy eo imasoko ary hitandremana ny lalàna amam-pitsipiko tahaka ny nataon’i Davida rain’i Salômôna.

1Mpanjaka 11:5

fa nanompo an’i Hastôreta andriamani-bavin’ny Tsidônianina sy nanompo an’i Milkôma andriamani-tsampin’ny Hamônita.

2Mpanjaka 23:13

Nozimbain’ny mpanjaka ihany koa ireo toeram-panasinana tandrifin’i Jerosalema izay naorin’i Salômôna mpanjakan’i Israely teo amin’ny ilany atsimon’ny tendrombohitra Analanôliva ho an’i Hastôreta sampin-dozan’ny Tsidônianina sy ho an’i Kemôsy sampin-dozan’ny Môabita ary ho an’i Milkôma sampin-dozan’ny Hamônita.

Ezra 2:28

ny terak’i Betela sy i Hay dia nisy lehilahy 223;

Isaia 13:6

Manaova kiakiakam-pisaonana, satria akaiky ny andron’ny TOMPO; toy ny loza tsy hay tohaina no firongany avy amin’Andriamanitra Tsitoha.

Isaia 14:31

Midradradradrà, ry tanàna mimanda, ka manaova antsoantsom-pitarainana. Ketraka ny Filistinina rehetra, fa misy setroka miakatra avy any avaratra; tsy misy mitsoaka an-daharana ny fahavalo.

Isaia 15:2

Ny mponin’i Dibôna dia miakatra eny amin’ny toeram-pivavahany mba hitomany. Any Nebao sy Medebà no idradradradran’i Môaba. Voaharatra avokoa ny loha rehetra ary voaala ny volombava rehetra.

Isaia 16:7

Nefa ankehitriny dia midradradradra ny amin’i Môaba ny Môabita. Eny, samy mitaraina izy rehetra ny amin’ny ampempam-boalobok’i Kira-Heresa, ka mitoloko fa tena voa mafy.

Isaia 23:1

Hafatra momba an’i Tiro. «Midradradradrà mafy ianareo, ry sambon’i Tarsisy ô, satria rava ny serananareo.» Fony izy tonga avy any amin’ny nosy Sipra no nandrenesany izany vaovao izany.

Isaia 23:6

«Ndeha mamaky ranomasina hatrany Tarsisy ka manaova antsoantsom-pitarainana, ianareo mponina amoron-tsiraka.

Jeremia 4:8

Manaova akanjo fisaonana noho izany ka mitomania sy midradradradrà, fa ny TOMPO tsy mbola nampiala tamintsika ny fahatezerany mirehitra.

Jeremia 46:25

Izao no lazain’ny TOMPOn’izao rehetra izao sady Andriamanitr’i Israely: «Indro Aho hirotsaka an-tsehatra hamely an’i Amôna andriamanitr’i Teba, hamely an’i Ejipta sy ny andriamaniny ary ny mpanjakany, eny, hamely ny Farao sy izay rehetra miantehitra aminy.

Jeremia 48:2

Tsy misy intsony ny reharehan’i Môaba! Hamelezana an’i Hesbôna no nanaovana teti-dratsy hoe: «Andeha hofoanantsika tsy ho firenena intsony izy!» Ringana koa ianao, ry Madmena, fa manjohy anao ny ady.

Jeremia 48:20

–Menatra sy ketraka i Môaba, hoy ny navalin’ireo, Manaova antsoantso sy kiakiaka; ambarao amin’ny faritra amoron’i Arnôna fa rava i Môaba.

Jeremia 48:37

Samy nanety ny volon-dohany sy nanaratra ny volom-bavany avokoa ny lehilahy rehetra, sady nitetitetika ny tanany sy nitafy gony ho fisaonana.

Jeremia 48:7

Ny zava-bitanao sy ny tahirin-karenao no nianteheranao, ry Môaba. Kanjo hay voa koa ianao ity! Indray lasan-ko babo i Kemôsy andriamanitrao sy ny mpisorony ary koa ireo mpitondra anao.

Jeremia 49:1

Fanambaràna momba ny Hamônita. Izao no lazain’ny TOMPO: «Nahoana ny andriamanitra Milkôma no naka ny tanin’i Gada ho fananany? Ary nahoana ny Hamônita no monina ao amin’ny tanàna israelita? Tsy manan-janakalahy va i Israely mba ho afa-kandova izany?

Jeremia 51:8

Kanjo tampoka no nianjeran’i Babilôna sy nahamontsamontsana azy. –Manaova hira fisaonana ho azy, makà balsama hatao amin’ny feriny. Angamba ho sitrana ihany izy?

Jeremia 6:26

Ry vahoakako, misikìna lamba fisaonana ka mihosena amin’ny vovoka; ataovy ny fombafomba rehetra fanao amin’ny fisaonana zanaka lahitokana, ka mitomania fatratra ianareo fa ho avy tampoka ny fahavalo mpandringana.

Amosa 1:15

Ho lasan-ko babo ilay mpanjakany sy ireo manamboninahitra miaraka aminy. Izaho Tompo no miteny.»

Zefania 1:5

Hopotehiko izay miakatra an-tafon-trano mba hivavaka amin’ireo zavatra eny amin’ny lanitra, dia izay mivavaka sy mianiana amiko TOMPO nefa manao izany koa amin’i Milkôma.

Jakoba 5:1

Mihaino ahy izao ianareo mpanankarena! Mitomania sy mitolokoa noho ny loza midona aminareo.

Josoa 7:2

I Josoa kosa naniraka vatan-dehilahy avy tao Jerikao ho any Hay, izay tanàna ao atsinanan’i Betela eo akaikin’i Bety-Avena, ka nanome baiko azy mba hiakatra hisafo iny faritra iny. Dia niakatra nisafo an’i Hay ireo lehilahy ireo

Josoa 8:1

Dia hoy ny TOMPO tamin’i Josoa: –Aza matahotra na mivadi-po ianao. Ento miaraka aminao ny tafikao manontolo ka miaingà hamely an’i Hay. Indro fa hatolotro ho eo an-tananao ny mpanjakan’i Hay sy ny vahoaka ary ny tanànany sy ny taniny.

Josoa 8:28

Nodoran’i Josoa i Hay ary nataony antontan-trano rava sy haolo mandrakizay, ka dia toy izany mandraka androany.