Jeremia 26:11 - DIEM PROTESTANTA

¹¹ Dia hoy ireo mpisorona ama-mpaminany tamin’ny mpitondran’i Joda ary koa tamin’ny vahoaka rehetra teo: –Mendrika ho faty io lehilahy io, satria naminany ny hamelezana ity tanàna ity izy, ary ny sofinareo mihitsy no efa nandre.

Baiboly Protestanta Malagasy 2011

¹¹ Ary ny mpisorona sy ny mpaminany dia nilaza tamin’ny mpanapaka sy ny vahoaka rehetra hoe: Misy heloka tokony hahafaty ity lehilahy ity; fa naminany loza ho amin’ity tanàna ity izy araka izay efa ren’ny sofinareo.

Dikateny Iombonana Eto Madagasikara

¹¹ Dia hoy ireo mpisorona ama-mpaminany tamin’ny mpitondran’i Joda ary koa tamin’ny vahoaka rehetra teo: –Mendrika ho faty io lehilahy io, satria naminany ny hamelezana ity tanàna ity izy, ary ny sofinareo mihitsy no efa nandre.

Baiboly Katolika

¹¹ Dia hoy ny mpisorona ama-mpaminany tamin’ireo loholona sy ny vahoaka rehetra: «Mendrika hovonoina ity lehilahy ity, fa naminany loza hanjò ity tanàna ity, araka ny efa ren’ny sofinareo.»

Baiboly Protestanta Malagasy

¹¹ Ary ny mpisorona sy ny mpaminany nilaza tamin’ny mpanapaka sy ny vahoaka rehetra hoe: Misy heloka tokony hahafaty ity lehilahy ity; fa efa naminany loza ho amin’ity tanàna ity izy araka izay efa ren’ny sofinareo.

Malagasy Bible

¹¹ Ary ny mpisorona sy ny mpaminany nilaza tamin'ny mpanapaka sy ny vahoaka rehetra hoe: Misy heloka tokony hahafaty ity lehilahy ity; fa efa naminany loza ho amin'ity tanàna ity izy araka izay efa ren'ny sofinareo.

La Bible en Malgache

¹¹ Ary ny mpisorona sy ny mpaminany dia nilaza tamin’ny mpanapaka sy ny vahoaka rehetra hoe: Misy heloka tokony hahafaty ity lehilahy ity; fa naminany loza ho amin’ity tanàna ity izy araka izay efa ren’ny sofinareo.

Jeremia 26:11 Rohy Ifampitohizana

Jeremia 18:23

TOMPO ô, fantatrao avokoa ny teti-dratsy nokotrehiny hamonoana ahy ho faty. Ka aza avelanao ny helony ary aza kosehinao ny hadisoany. Aoka ho lavo eo anatrehanao izy, ary asio amin’ny androm-pahatezeranao.

Jeremia 26:16

Tamin’izay dia hoy ireo mpitondra sy ny vahoaka rehetra tamin’ny mpisorona sy ny mpaminany hoe: –Tsy mendrika ho faty ity lehilahy ity fa tamin’ny anaran’ny TOMPO Andriamanitsika no nitenenany tamintsika.

Jeremia 38:4

Rehefa nandre izany ireo manamboninahitra ireo, dia niteny tamin’i Tsedekià mpanjaka hoe: –Takînay ny hamonoana ho faty an’i Jeremià, satria manakivy tanteraka ny miaramila sy ny mponina sisa ao an-tanàna izy. Tsy mba mitady izay hahatsara ny vahoaka io lehilahy io fa ny hanampy trotraka ihany.

Matio 26:66

ka ahoana no hevitrareo? Dia hoy ireo: –Mendrika Azy ny ho faty!

Jaona 18:30

Dia novalian’ireo hoe: –Raha toa mpanao ratsy Izy, dia tsy ho natolotray anao!

Jaona 19:7

Ny Jiosy kosa namaly azy hoe: –Manana lalàna izahay, ary araka izany lalàna izany dia tokony ho faty Izy, satria nanao ny tenany ho Zanak’Andriamanitra!

Asan’ny Apostoly 22:22

Nihaino an’i Paoly hatrany hatrany ny olona; fa nony mby tamin’ireo teny ireo, dia velona antsoantso mafy hoe: –Esory amin’ny tany ny karazan’olona toy itony, fa tsy mendrika ho velona!

Deoteronomia 18:20

Fa ny mpaminany izay sahy hilaza amin’ny anarako zavatra tsy nasaiko nambarany, na izay miteny amin’ny anaran’andriamani-kafa, dia hatao maty izany mpaminany izany.»

Mpitsara 6:30

Ary hoy ny olona tao an-tanàna tamin’i Jôasy hoe: –Avoahy atỳ ny zanakao lahy hovonoina ho faty, satria nandrava ny alitaran’i Bahala izy sady nikapa ny tsatokazon-tsampy teo anilany.