Jeremia 2:15 - DIEM PROTESTANTA

¹⁵ Tahaka ny fieron’ny biby masiaka no fandrahonan’ireo azy; ka nahatonga ny taniny ho lao sy nandorana ny tanànany ho tsy azo onenana.

Baiboly Protestanta Malagasy 2011

¹⁵ Hamely azy no mampierona ny liona tanora sy amoahany feo ka mahatonga ny taniny ho lao; nodorana ny tanànany ka tonga tsy nisy mponina.

Dikateny Iombonana Eto Madagasikara

¹⁵ Tahaka ny fieron’ny biby masiaka no fandrahonan’ireo azy; ka nahatonga ny taniny ho lao sy nandorana ny tanànany ho tsy azo onenana.

Baiboly Katolika

¹⁵ Mierona hamely azy ny liona tanora, sy miloa-peo mafy, ka mahatonga ny taniny ho lao. Voadotry ny afo ny tanànany, ka tsy misy mponina intsony.

Baiboly Protestanta Malagasy

¹⁵ Hamely azy no ampieronan’ny liona tanora sy amoahany feo Ka mahatonga ny taniny ho lao Nodorana ny tanànany, ka tsy nisy mponina.

Malagasy Bible

¹⁵ Hamely azy no ampieronan'ny liona tanora sy amoahany feo ka mahatonga ny taniny ho lao nodorana ny tanànany, ka tsy nisy mponina.

La Bible en Malgache

¹⁵ Hamely azy no mampierona ny liona tanora sy amoahany feo ka mahatonga ny taniny ho lao; nodorana ny tanànany ka tonga tsy nisy mponina.

Jeremia 2:15 Rohy Ifampitohizana

Joba 4:10

na mierona toa liona izy na minaonaona toa tigra, dia tapatapahiny nify ireo toa biby masiaka ireo.

Salamo 57:4

Hirahiny avy any an-danitra anie ny famonjena ahy, hataony ho afa-baràka anie ireo mpanenjika ahy! Fiatoana Eny, hirahin’Andriamanitra ho amiko anie ny fitiavana amam-pahamarinany!

Isaia 1:7

Efa lao ny taninareo, kilan’ny afo ny tanànanareo; ny tany novolenareo aza dia ny vahiny no nihinana ny vokany teo anatrehanareo, ka efa lao tokoa izany tahaka ny faharavàn’i Sôdôma.

Isaia 24:1

Indro ny TOMPO fa hanimba ny tany ka handrava azy; havadiny ambony ambany izy ary haeliny ny mponina eo aminy.

Isaia 5:29

Tahaka ny liom-bavy mierona no fandrenesana azy, eny, toy ny tigra mandrahona mafy ka mipaoka ny hazany sy mitondra azy, ary tsy misy maharombaka izany intsony.

Isaia 5:9

Fa ny TOMPOn’izao rehetra izao dia reko nanao fianianana hoe: «Tsy maintsy horavana ireo trano maro ireo; eny, na ny lehibe sy mamirapiratra aza, dia ho lao tsy hisy mpipetraka.

Isaia 6:11

Tamin’izay dia nanontany aho hoe: –Mandra-pahoviana anefa, Tompo ô? Dia namaly Izy hoe: –Mandra-pahasimba ny tanàna ka tsy hisy mponina intsony, mandra-paharava ny trano ka tsy hisy olona tavela ary mandra-pahalao tokoa ny tany.

Jeremia 10:22

Injany misy feon-javatra mirohondrohona sy mihamanatona, dia fanakorontanana goavana avy any amin’ny tany avaratra any, mba hahatonga ny tanànan’i Joda ho lao sy ho fonenan’ny amboadia.

Jeremia 25:30

Ary hoy koa ny Tompo tamiko: «Ijoroy ny maha-mpaminany anao ny amin’ireo mpanjaka rehetra ireo araka ny teny voalazako teo ka ampio hoe: Avy any ambony any ny TOMPO no manerona, avy ao amin’ny fonenany masina Izy no manandra-peo. Eny, manerona mafy amin’ny toeram-pitsaharany Izy ka mihorakoraka toy ny mpanosihosy voaloboka.

Jeremia 25:9

dia hampaniraka haka ireo fokom-pirenena rehetra any avaratra Aho, ary hiantso an’i Nebokadnetsara mpanjakan’i Babilôna sady mpanompoko. Hasaiko tonga izy hamely ity tany ity sy ny mponina eo ary koa hamely ireto firenena rehetra manodidina anareo ireto; samy haringako tokoa ireo ka hampahonena sy hampivarahontsana ary ho tonga oha-pandatsana mandrakizay. Teny hentitra avy amiko TOMPO izany.

Jeremia 26:9

Ahoana no ahasahianao milaza amin’ny anaran’ny TOMPO fa horavana tahaka ny tao Silao ity trano ity, ary ho simba sady tsy hisy mponina ity tanàna ity? Tamin’izay dia nitangorona hamely an’i Jeremià izay rehetra teo an-kianjan’ny tranon’ny TOMPO.

Jeremia 33:10

Izao no lazain’ny TOMPO: «Ianareo vahoakan’i Joda dia mamerimberina hoe rava ny taninay ka tsy ahitana olona na biby fiompy intsony. Marina tokoa fa ny tanànan’i Joda sy ny lalamben’i Jerosalema dia foana ka tsy ahitana olona na biby fiompy monina ao intsony. Kanefa amin’izany toerana izany no mbola handrenesana indray

Jeremia 34:22

saingy hasaiko hiverina hanafika ity tanàna ity indray izy, ka hahafaka sy handoro azy. Ary ireo tanànan’i Joda dia hataoko lao tsy hisy mponina; teny hentitra avy amiko TOMPO izany.

Jeremia 4:7

Miakatra avy any anaty akata ny liona ary efa eny an-dalana ny mpandrava firenena; niala tao amin’ny toerany izy mba handrava ny taninareo sy hampahalao ny tanànanareo tsy hisy mponina intsony.

Jeremia 44:22

Tsia, tsy lefitry ny TOMPO intsony ny fanao ratsy sy ny zavatra maharikoriko vitanareo. Noho izany, dia rava sy nampahonena ny taninareo ary tsy nisy mponina intsony, ka tonga oha-panozonana tahaka izay misy ankehitriny.

Jeremia 5:6

Noho izany dia hivoaka hamely azy avy ao amin’ny kirihitr’ala ny liona; ary handrotidrotika azy eny an-tsaha ny amboadia. Ny leôparda hamitsaka eo akaikin’ny tanànany ka hamiravira izay rehetra mivoaka avy ao, satria nohamaroiny ny fahadisoany ary tsy hita isa ny fiodinany.

Jeremia 50:17

I Israely dia toy ny ondry very izay nenjehin’ny liona. Ny mpanjakan’i Asiria no voalohany nihinana taminy; avy eo dia tonga i Nebokadnetsara mpanjakan’i Babilôna nanapatapaka ny taolany.

Jeremia 51:38

Miara-mierona toy ny liona tanora ny mponina ao Babilôna ankehitriny ary mikonainaina toy ny zana-diona.

Jeremia 6:8

Minoa anatra ianao, ry Jerosalema; raha tsy izany, dia hihatahako ianao, ka hataoko tanàna lao sy tany tsy honenana.

Jeremia 9:10

Dia hoy ny Tompo hoe: «Hataoko korontam-bato i Jerosalema, ka ho fonenan’ny amboadia; ary ireo tanànan’i Joda hataoko lao tsy misy mponina.»

Jeremia 9:11

Mba misy olon-kendry anankiray ve mba afaka hahatakatra izao? Raha nitenenan’ny TOMPO izy, dia aoka mba hanambara izay antony nahasimba ny tany sy nahavoadoro azy ho tahaka ny taniefitra ka tsy andalovan’olona intsony.

Ezekiela 36:3

Ijoroy ny maha-mpaminany anao, ry Ezekiela, ary ambarao amin’ny Israelita fa izao no lazain’ny Tompo ANDRIANANAHARY: ‹Tsapako fa ny tany manodidina dia nifofotra handrava sy nitsiriritra ireo tendrombohitr’i Israely; ka efa lasa fananan’ny firenen-kafa izy ary efa nataony oha-pitenenana sy faneso!›

Ezekiela 5:14

Ny mponin’ireo tany manodidina sy ireo mpandalo rehetra dia hahita fa nataoko tanàna lao sy fandatsa i Jerosalema.

Hosea 11:10

Ny TOMPO Izay hierona tahaka ny liona no harahin’ireo voasesitany hody. Ary rehefa mierona ny TOMPO, dia ireo zanany no hihazakazaka hanatona avy any ampitan-dranomasina any.

Hosea 5:14

Vao mainka aza Izaho TOMPO ho tahaka ny liona mamely anareo ary ho toy ny liona tanora hamely ny taranak’i Joda. Izaho dia Izaho no handratra ny rembiko, ka handeha hitondra azy ary tsy hisy haharombaka azy amiko.

Amosa 3:12

Izao no lazain’ny TOMPO: «Rehefa misy ondry azon’ny liona, dia tongotra roa na sombin-tsofina no tsoahan’ny mpiandry ondry avy eo am-bavan’ny liona; toy izany ny amin’ireo Israelita izay mipetraka ao Samaria, eo an-joron’ny saofà na eo ambony fandriana malemilemy: Vitsivitsy ihany no hovonjena.»

Amosa 3:4

Hanerona ao anaty ala ve ny liona, raha tsy mahita remby? Hanerongerona ao an-davany ve ny liona tanora, raha tsy misy zavatra azony?

Amosa 3:8

Ny liona no nierona, ka iza no tsy hatahotra? Ny Tompo ANDRIANANAHARY no niteny, ka iza no tsy hampita ny hafatra ampitondrainy?

Nahoma 2:11

Tsy misy afa-tsy fandrobana sy fandravana ary fanimbana no hita! Kivy ny fon’ny rehetra; mangozohozo ny lohalika, mangovitra ny vatana ary mivaloarika ny tarehy.

Zefania 1:18

Amin’ny androm-pahatezeran’ny TOMPO, dia samy tsy hahavonjy ny olona na ny volafotsiny na ny volamenany. Fa hiredareda ny fahasaro-piaron’ny TOMPO ka handevona ny tany tontolo. Eny, hahatsiravina tokoa izany, satria haringan’ny TOMPO ny mponina rehetra amin’ny tany.

Zefania 2:5

Lozanareo avy any Kaftôra, izay mipetraka amoron-dranomasina! Izao no tenin’ny TOMPO mitsara anareo: «Ry Kanàhana tanin’ny Filistinina, haringako tsy hisy mponina intsony eo aminao.

Zefania 3:6

Teny hentitra avy amin’ny TOMPO izao: «Nahafongana firenena maro Aho, narodako ny tilikambon’ny màndany, navelako ho foana ny làlany, ka tsy nisy mpandalo intsony; noravako ny tanànany ka tsy nisy mponina intsony.

Zakaria 11:3

Henoy ny fidradradradran’ny mpiandry firenena fa nihintsana ny voninahiny. Henoy ny fieroneron’ny liona, fa rava ireo kirihitrala nireharehany teny amoron’ny ony Jôrdàna.

Mpitsara 14:5

Dia niainga hankany Timnà i Samsôna. Nony tonga tao amin’ny tanim-boaloboka akaikin’i Timnà izy, dia nisy liona tanora nierona nanatona azy.