Jeremia 19:3 - DIEM PROTESTANTA

³ ka milazà hoe: «Mihainoa ny tenin’ny TOMPO ianareo, ry mpanjakan’i Joda sy ry mponin’i Jerosalema. Izao no lazain’ny TOMPOn’izao rehetra izao sady Andriamanitr’i Israely: Indro hahatonga loza amin’ity toerana ity Aho, ka hampangintsingintsina ny sofin’izay rehetra mandre izany.

Baiboly Protestanta Malagasy 2011

³ ka lazao hoe: Mihainoa ny tenin’NY TOMPO, ry mpanjakan’ny Joda sy ry mponina ato Jerosalema! Izao no lazain’Andriamanitra, Tompon’izao rehetra izao, Andriamanitry ny Israely: Indro, hahatonga loza amin’ity tanàna ity Aho ka izay mandre izany dia hangintsina ny sofiny,

Dikateny Iombonana Eto Madagasikara

³ ka milazà hoe: «Mihainoa ny tenin’ny TOMPO ianareo, ry mpanjakan’i Joda sy ry mponin’i Jerosalema. Izao no lazain’ny TOMPOn’izao rehetra izao sady Andriamanitr’i Israely: Indro hahatonga loza amin’ity toerana ity Aho, ka hampangintsingintsina ny sofin’izay rehetra mandre izany.

Baiboly Katolika

³ Ataovy hoe: Mihainoa ny tenin’i Iaveh ianareo, mpanjakan’i Jodà sy mponina ao Jerosalema. Izao no tenin’i Iavehn’ny tafika, Andriamanitr’i Israely: Indro hoentiko ho amin’ity fitoerana ity ny loza hampangintsingintsina ny sofin’izay mandre azy:

Baiboly Protestanta Malagasy

³ ka ataovy hoe: Mihainoa ny tenin’i Jehovah, ry mpanjakan’ny Joda sy ry mponina ato Jerosalema! Izao no lazain’i Jehovah, Tompon’ny maro, Andriamanitry ny Isiraely: Indro, hahatonga loza amin’ity tanàna ity Aho–izay mandre izany, dia hangintsingintsina ny sofiny–

Malagasy Bible

³ ka ataovy hoe: Mihainoa ny tenin'i Jehovah, ry mpanjakan'ny Joda sy ry mponina ato Jerosalema! Izao no lazain'i Jehovah, Tompon'ny maro, Andriamanitry ny Isiraely: Indro, hahatonga loza amin'ity tanàna ity Aho izay mandre izany, dia hangintsingintsina ny sofiny

La Bible en Malgache

³ ka lazao hoe: Mihainoa ny tenin’NY TOMPO, ry mpanjakan’ny Joda sy ry mponina ato Jerosalema! Izao no lazain’Andriamanitra, Tompon’izao rehetra izao, Andriamanitry ny Israely: Indro, hahatonga loza amin’ity tanàna ity Aho ka izay mandre izany dia hangintsina ny sofiny,

Jeremia 19:3 Rohy Ifampitohizana

Salamo 102:15

Fa sitrakay mpanomponao i Tsiôna, na dia rava aza ny rari-vatony; ary mampangorakoraka anay izy, na dia voarodana zary vovotany aza.

Salamo 110:5

Andriamanitra ô, efa eo ankavananao ilay Tompo Mpanjaka; dia mpanjaka maro no haripany amin’ny andro fahatezerany.

Salamo 2:10

Koa misehoa ho hendry, ianareo mpanjaka; ary minoa anatra, ry mpitsara ny tany.

Isaia 28:19

Na maraina na antoandro na alina no andalovan’ny loza, isaky ny mandalo izany, dia hahatratra anareo, ka horohoro moa izao raha vao re ny akon’izany!

Jeremia 13:18

Lazao amin’ny mpanjaka sy ny reniny hoe: «Mipetraha amin’ny tany ianareo, satria efa nianjera avy eny an-dohanareo ny satroboninahitrareo tsara tarehy.

Jeremia 17:20

Ka lazao amin’ny mpandalo hoe: «Mihainoa ny tenin’ny TOMPO ianareo mpanjakan’i Joda sy ianareo rehetra vahoakan’i Joda ary ianareo rehetra mponina eto Jerosalema izay miditra amin’ireto vavahady ireto.

Jeremia 18:11

«Ankehitriny, ry Jeremià, mitenena amin’ny olon’i Joda sy ny mponin’i Jerosalema, ka ambarao aminy hoe: ‹Izao no lazain’ny TOMPO: Indro efa namolavola loza hamelezana anareo Aho, ary eo am-panomanana ny tetika hampiharana izany. Koa samia miala amin’ny fitondrantena ratsy avy ianareo ary ovay ho tsara ny fitondrantenanareo sy ny asanareo.› »

Jeremia 19:15

«Izao no lazain’ny TOMPOn’izao rehetra izao sady Andriamanitr’i Israely: «Indro hataoko tonga amin’ity tanàna ity sy amin’ireo tanàna madinika manodidina azy ny loza rehetra izay nambarako hamelezana azy, satria nanamafy hatoka izy, ka tsy nihaino ny teniko.› »

Jeremia 25:29

Ireo tanàna izay natokana ho Ahy aza no nanombohako nandefasana loza, ka ianareo ve no hataoko afa-maina? Tsia, tsy hataoko afa-maina ianareo, fa hiantso sabatra hamely ny mponina rehetra eo amin’ny tany Aho. Izany no teny hentitra avy amiko TOMPOn’izao rehetra izao.»

Jeremia 35:17

Dia hoy koa i Jeremià hoe: «Noho izany, dia izao no lazain’ny TOMPO Andriamanitr’izao rehetra izao sady Andriamanitr’i Israely: Indro hahatonga ny loza izay voalazako taminareo Aho, ry vahoakan’i Joda sy ry mponin’i Jerosalema. Satria efa niteny taminareo Aho fa tsy nihaino ianareo, efa niantso anareo Aho fa tsy namaly ianareo.»

Jeremia 44:3

satria nampahasosotra Ahy ny mponina tao tamin’ireo ratsy nataony, fa nandeha nanao sorona sy nanompo ireo andriamani-kafa izay tsy misy ifandraisana aminy na aminareo na amin’ny razanareo akory izy.

Jeremia 6:19

Mihainoa, ry mponina rehetra eran-tany: Indro hahatonga loza ho an’io firenena io Aho, dia loza vokatry ny hevi-dratsiny ihany, satria tsy niraharaha ny teniko izy sady naniratsira ny fampianarako.

Ezekiela 7:5

Izao no lazain’ny Tompo ANDRIANANAHARY: «Indro fa avy ny loza, dia loza tsy misy toa azy!

Matio 10:18

ary hoentina eo anoloan’ny mpifehy sy ny mpanjaka noho ny maha mpianatro anareo, mba hijoroanareo ho vavolombelona manambara Ahy eo anatrehan’ny Jiosy sy ny hafa firenena.

Apokalipsy 2:29

«Izay manan-tsofina, aoka hihaino izay lazain’ny Fanahy Masina amin’ireo Fiangonana.»

1Samoela 3:11

Ary hoy ny TOMPO tamin’i Samoela: –Indro hanao zavatra amin’i Israely Aho, dia zavatra hampangirintsina ny sofin’izay rehetra mandre azy.