Jeremia 18:10 - DIEM PROTESTANTA

¹⁰ Nefa raha manao izay ratsy eo imasoko izy ka tsy mihaino ny feoko, dia hiova hevitra Aho amin’ny soa izay nampanantenaiko hatao aminy.

Baiboly Protestanta Malagasy 2011

¹⁰ nefa raha manao izay ratsy eo imasoko izy ka tsy mihaino ny feoko dia hanenenako kosa ny soa izay nolazaiko hanasoavana azy.

Dikateny Iombonana Eto Madagasikara

¹⁰ Nefa raha manao izay ratsy eo imasoko izy ka tsy mihaino ny feoko, dia hiova hevitra Aho amin’ny soa izay nampanantenaiko hatao aminy.

Baiboly Katolika

¹⁰ Kanjo raha manao izay ratsy eo imasoko izany firenena izany, tsy mahahaino ny feoko, dia hanenenako ny soa nolazaiko hatao azy.

Baiboly Protestanta Malagasy

¹⁰ Nefa raha manao izay ratsy eo imasoko izy ka tsy mihaino ny feoko, Dia hanenenako kosa ny soa izay nolazaiko hanasoavako azy.

Malagasy Bible

¹⁰ Nefa raha manao izay ratsy eo imasoko izy ka tsy mihaino ny feoko, dia hanenenako kosa ny soa izay nolazaiko hanasoavako azy.

La Bible en Malgache

¹⁰ nefa raha manao izay ratsy eo imasoko izy ka tsy mihaino ny feoko dia hanenenako kosa ny soa izay nolazaiko hanasoavana azy.

Jeremia 18:10 Rohy Ifampitohizana

Salamo 125:5

Fa izay mivoana any amin’ny lala-miolikolika kosa dia aoka horoahin’ny TOMPO miaraka amin’ny mpanao ratsy! Ny fiadanana anie ho amin’i Israely!

Ezekiela 18:24

Kanefa raha misy olo-marina miala amin’ny fahamarinany ka manao heloka araka ny zavatra rehetra maharikoriko izay fanaon’ny olon-dratsy, dia heverinareo ho velona ve izy? Tsia. Hohadinoina ireo asa tsara rehetra nataony, ka ho faty izy noho ny hadisoana amam-pahotana vitany.

Ezekiela 33:12

«Ianao, ry ilay taranak’olombelona, lazao amin’ny mpiray firenena aminao koa izao: ‹Raha misy olo-marina iray manao ratsy, ny soa izay nataony taloha dia tsy hahavonjy azy. Raha misy olon-dratsy miala amin’ny faharatsiany, ny ratsy izay nataony taloha dia tsy hahavoa azy. Eny, raha misy olo-marina iray manota, ny soa izay nataony taloha dia tsy hahavelona azy.

Ezekiela 33:18

Raha misy olo-marina iray miala amin’ny fahamarinany ka manao heloka dia ho fatin’izany izy;

Ezekiela 45:20

Tahaka izany koa no hatao amin’ny andro fahafiton’io volana io ho an’izay olona nanota tsy nahy na tsy amim-pahalalana. Toy izany no hanadiovana ny tempoly.

Zefania 1:6

Holevoniko izay mihataka miala amiko TOMPO ka tsy mitady AHY sady tsy mila hevitra amiko.»

Nomery 14:22

Nahita ny voninahitro sy ny asa mahagaga nataoko tany Ejipta sy tany an-taniefitra izy ireo, nefa tsy nitsahatra naka fanahy Ahy tamin’ny tsy fihainoany ny teniko;

Nomery 14:23

koa satria efa nanamavo Ahy izy, dia tsy hisy hahita ny tany izay nampanantenaiko ny razany.

Nomery 14:34

Efapolo andro no nisafoanareo ny tany; koa dia mandritra ny efapolo taona kosa no hitondranareo ny vokatry ny fahotanareo, izany hoe taona iray isaky ny andro iray. Ka dia ho fantatrareo tsara ny dikan’ny faniniako anareo.

1Samoela 13:13

Ary hoy i Samoela tamin’i Saoly: –Nanaonao foana tahaka ny olona adala ianao! Tsy notandremanao akory ny didy nomen’ny TOMPO Andriamanitrao anao. Fa raha mba nataonao anefa izany, dia ho nampanjakain’ny TOMPO mandrakizay tamin’i Israely ianao sy ny taranakao.

1Samoela 15:11

–Tena nanenenako ny nanaovako an’i Saoly ho mpanjaka, satria nivadika tamiko izy ka tsy nanaraka ny teniko. Tezitra sady nalahelo i Samoela, ka nitaraina mafy tamin’ny TOMPO ny alina tontolo.

1Samoela 15:35

Ary i Samoela tsy nahita an’i Saoly intsony mandra-pahafatiny; fa nitomany an’i Saoly i Samoela, satria ny TOMPO efa nanenina noho ny nifidianany azy ho mpanjakan’i Israely.

1Samoela 2:30

Noho izany, ny TOMPO Andriamanitr’i Israely dia miteny hentitra hoe: Efa nampanantenaiko fa ny fianakavianao sy ny tera-drainao no ho mpisoroko mandrakizay; nefa ankehitriny dia laviko tanteraka, teny hentitra avy amiko izany; fa izay manome voninahitra Ahy no homeko voninahitra, ary izay manimbazimba Ahy no ho afa-baràka.