Jeremia 16:4 - DIEM PROTESTANTA

⁴ Ho fahafatesana mahatsiravina no hahafatesany ka tsy hitomaniana na halevina izy fa hijanona ho toy ny zezika eo amin’ny velaran-tany. Haripaky ny ady sy ny mosary izy, ka ny fatiny ho sakafon’ny voromahery sy ny bibidia.»

Baiboly Protestanta Malagasy 2011

⁴ Ho fatin’ny aretina izy, nefa tsy hisaonana na halevina fa ho zezika eny ambonin’ny tany; ary ho lanin-tsabatra sy mosary izy ka ho fihinan’ny voromanidina sy ny bibidia ny fatiny.

Dikateny Iombonana Eto Madagasikara

⁴ Ho fahafatesana mahatsiravina no hahafatesany ka tsy hitomaniana na halevina izy fa hijanona ho toy ny zezika eo amin’ny velaran-tany. Haripaky ny ady sy ny mosary izy, ka ny fatiny ho sakafon’ny voromahery sy ny bibidia.»

Baiboly Katolika

⁴ Izy ireo dia ho fatin’ny areti-mahafaty; tsy hitomaniana na halevina, ho tahaka ny zezika eo ambonin’ny tany. Ho fatin’ny sabatra ama-mosary; ary ny fatiny ho fihinan’ny voromanidina amam-bibin’ny tany.»

Baiboly Protestanta Malagasy

⁴ Ho fatin’ny loza samy hafa izy, Nefa tsy hisaonana na halevina, Fa ho zezika eny ambonin’ny tany; Ary ho lanin-tsabatra sy mosary izy, Ka ho fihinan’ny voro-manidina sy ny bibi-dia ny fatiny.

Malagasy Bible

⁴ Ho fatin'ny loza samy hafa izy, nefa tsy hisaonana na halevina, fa ho zezika eny ambonin'ny tany; ary ho lanin-tsabatra sy mosary izy, ka ho fihinan'ny voro-manidina sy ny bibi-dia ny fatiny.

La Bible en Malgache

⁴ Ho fatin’ny aretina izy, nefa tsy hisaonana na halevina fa ho zezika eny ambonin’ny tany; ary ho lanin-tsabatra sy mosary izy ka ho fihinan’ny voromanidina sy ny bibidia ny fatiny.

Jeremia 16:4 Rohy Ifampitohizana

2Mpanjaka 9:10

Fa i Jezebela kosa tsy hisy handevina, satria hohanin’ny alika ao amin’ny sahan’i Jizrehela ny fatiny.» Rehefa avy nilaza izany ilay tovolahy mpaminany, dia namoha ny varavarana ka lasa nandositra.

Salamo 78:64

matin-tsabatra ireo mpisorony, ary tsy afaka nisaona azy akory ireo vehivavy mpitondratenany.

Salamo 83:10

Andriamanitra ô, ataovy tahaka an’i Siserà ireo, ataovy tahaka an’i Siserà sy i Jabîna teo amin’ny renirano Kisôna, na ataovy tahaka ny Midianita

Isaia 18:6

Izany rehetra izany dia hilaozana ho an’ny vorona mpihaza eny an-tendrombohitra sy ny bibidia eny ambonin’ny tany; ao no handany fahavaratra ny vorona mpihaza ary handany ririnina ny bibidia rehetra.

Isaia 5:25

Izany indrindra no nampirehitra ny fahatezeran’ny TOMPO tamin’ny vahoakany. Naninji-tanana taminy sy namely azy Izy, Nampihovitrovitra ny tendrombohitra izany; ary toy ny fako tavela eny an-dàlambe no niampatramparan’ny fatin’olona. Saingy, na teo aza izany rehetra izany, dia tsy mbola afaka ny fahatezeran’ny TOMPO fa maninji-tanana mandrahona ihany Izy.

Jeremia 19:7

Eto amin’ity toerana ity no hanafoanako ny pôlitikan’i Joda sy i Jerosalema ka hataoko lavon-tsabatra eo anatrehan’ireo fahavalony izay mitady hahafaty azy ny mponina ao aminy, ary homeko ho sakafon’ny voromahery sy ny bibidia ny fatiny.

Jeremia 21:6

Hamely izay rehetra monina amin’ity tanàna ity Aho, na olona na biby, ka ho fatin’ny areti-mandringana izy rehetra.

Jeremia 25:33

Amin’izany andro izany, manomboka amin’ny tendron-tany ankilany ka hatrany amin’ny tendron-tany andaniny, izay nasian’ny TOMPO ho faty dia tsy hisaonana; tsy hangonina na halevina izy ireny, fa ho tonga zezika eo amin’ny velaran-tany.

Jeremia 34:17

Dia hoy ihany i Jeremià hoe: «Noho izany dia izao no lazain’ny TOMPO: Samy tokony ho nanambara fanafahana ho an’ny mpanompony avy ianareo, dia ho an’ny namany sady mpiray firenena aminy; nefa tsy nankatò Ahy ianareo. Koa Izaho TOMPO mihitsy no manambara sy miteny hentitra aminareo fa halefako hamely anareo ny ady sy ny areti-mandringana ary ny mosary; hany ka hataoko mampivarahontsana ianareo any amin’ny fanjakana rehetra eran-tany.

Jeremia 34:20

Koa hatolotro ho eo an-tanan’ny fahavalo izay mitady hahafaty azy izy; ary ho sakafon’ny voromahery sy ny bibidia ny fatiny.

Jeremia 36:30

Koa izao no lazaiko ny amin’i Jôiakima mpanjakan’i Joda: Tsy hanana zanakalahy hanjaka handimby azy eo amin’ny sezafiandrianan’i Davida i Jôiakima; ary hariana ny fatiny ka hianjadian’ny hafanana amin’ny antoandro sy ny hatsiaka amin’ny alina.

Jeremia 44:12

Halaiko ireo Jodeanina sisa tavela izay nanapa-kevitra handeha hialokaloka any Ejipta, ka ho lany ritra izy rehetra. Any amin’io tany io no hahalavoany sy hahalany ritra azy amin’ny ady sy ny mosary; eny, toy izany no hahafaty azy na ny kely na ny lehibe. Dia hatao ohatra filazàn-javatra maharikoriko sy mampivarahontsana na filazana ozona sy latsa ireo.

Jeremia 44:27

Indro himasoako aminareo ny hahatonga loza fa tsy soa. Koa ny Jodeanina rehetra izay atỳ Ejipta dia ho ringan’ny ady sy ny mosary mandra-pahalany ritra azy.

Jeremia 7:33

Ny fatin’ireo olona ireo dia ho sakafon’ny voromahery sy ny bibidia izay tsy hisy hanaitaitra hampiala azy.

Jeremia 9:22

Izao no lazain’ny TOMPO: «Aoka ny hendry tsy hirehareha amin’ny fahendreny, aoka ny mahery tsy hirehareha amin’ny heriny, ary aoka ny mpanankarena tsy hirehareha amin’ny hareny!

Fitomaniana 4:9

Aleo lavitra aza matin-tsabatra toy izay matin’ny mosary sy mitofezaky ny harerahana satria tsy misy vokatry ny saha.

Ezekiela 24:21

hanambara aminareo Israelita fa izao no lazain’ny Tompo ANDRIANANAHARY: ‹Havelako holotoina ny toerako masina izay fireharehànareo fatratra sy fifalian’ny masonareo ary fanantenàm-piainanareo. Ny zanakareo lahy sy vavy, izay tafajanona ao Jerosalema, dia ho fatin’ny sabatra.

Ezekiela 5:12

Ny ampahatelonareo ho fatin’ny areti-mandringana sy mosary ao an-tanàna; ny ampahatelo ho fatin’ny sabatra eny manodidina; ary ny ampahatelo haeliko any amin’ny vazan-tany rehetra ka hanatsoaka sabatra Aho hoenti-manenjika azy.

Zefania 1:17

Hoy ny TOMPO hoe: «Hampahorîko ny olona ka hitsapatsapa toy ny jamba, noho izy efa nanota tamiko; ka ny rany dia hiraraka toy ny vovoka, ary ny fatiny ho lo tahaka ny zezika.»

Deoteronomia 28:22

Areti-mahasaozanina sy tazo mahamay ary fanaintainana no hamelezan’ny TOMPO anareo; hasiany amin’ny andro mihantona sy vary main’ny rivotra na maty fotsy ianareo; dia hanjohy anareo ireny rehetra ireny ka ho lany ritra ianareo.

Deoteronomia 28:26

Ary hihinana ny fatinareo ny voro-manidina rehetra sy ny bibidia, ka tsy hisy hanaitaitra azy.