Isaia 48:9 - DIEM PROTESTANTA

⁹ Fa satria Andriamanitra Aho, dia notoneko ny fahatezerako ary ho fitandroako ny voninahitro, dia nandà tsy handringana anareo Aho.

Baiboly Protestanta Malagasy 2011

⁹ Noho ny anarako dia mampitony ny fahatezerako Aho; ary mba hiderana Ahy dia manindry fo ny aminao Aho mba tsy hamongorana anao.

Dikateny Iombonana Eto Madagasikara

⁹ Fa satria Andriamanitra Aho, dia notoneko ny fahatezerako ary ho fitandroako ny voninahitro, dia nandà tsy handringana anareo Aho.

Baiboly Katolika

⁹ Noho ny Anarako, dia manindry ny hatezerako Aho, ary noho ny voninahitro, dia mandefitra aminao Aho, mba tsy hamongorana anao.

Baiboly Protestanta Malagasy

⁹ Noho ny anarako dia ononiko ny fahatezerako, Ary mba hiderana Ahy dia manindry fo ny aminao Aho, Mba tsy hamongorana anao.

Malagasy Bible

⁹ Noho ny anarako dia ononiko ny fahatezerako, ary mba hiderana ahy dia manindry fo aminao Aho, mba tsy hamongorana anao.

La Bible en Malgache

⁹ Noho ny anarako dia mampitony ny fahatezerako Aho; ary mba hiderana Ahy dia manindry fo ny aminao Aho mba tsy hamongorana anao.

Isaia 48:9 Rohy Ifampitohizana

Salamo 106:8

Nefa noho Izy Tompo dia novonjeny ny razanay mba hampahafantarany ny heriny lehibe.

Salamo 143:11

Araka ny maha TOMPO Anao, dia velomy indray aho; noho ny fahamarinanao, dia esory amin’ny fahoriana aho.

Salamo 25:11

TOMPO ô, mba ho voninahitrao, dia avelao ny heloko na lehibe aza.

Salamo 78:38

Be indrafo anefa Andriamanitra ka namela ny hadisoany ary tsy nandringana azy; nahatsindry hatezerana Izy ary nampitony fahavinirana.

Salamo 79:9

Andriamanitra mpamonjinay ô, vonjeo izahay noho ny voninahitrao; mba avelao re ny fahotanay, ka afaho izahay noho ny lazanao.

Ohabolana 19:11

Ny olona hendry mahafehy ny hatezerany, ary voninahitra ho azy ny manadino ny ratsy nozakainy.

Isaia 30:18

Na izany aza, mbola miandry fotoana ny TOMPO hahazoany miantra anareo, mbola hirotsaka an-tsehatra Izy hamindra fo aminareo, satria Andriamanitra mitandro ny marina ny TOMPO; sambatra izay rehetra miandry Azy.

Isaia 37:35

Harovako i Jerosalema ary hovonjeko noho ny amin’ny tenako sy i Davida mpanompoko.› »

Isaia 43:25

Kanefa Izaho dia Izaho mihitsy no mamela ny fahadisoanao noho ny amin’ny tenako ihany, ka tsy hotsarovako intsony ny fahotanao.

Isaia 48:11

Noho ny amiko no nanaovako izany, eny, noho ny amiko ihany, satria tsy zakako velively ny hanalam-baràka ny anarako; ary ny voninahitro tsy homeko ny hafa.

Isaia 65:8

Izao no lazain’ny TOMPO: Rehefa ahitana sampaho mamy eo amin’ny rantsam-boaloboka iray dia ataon’ny olona hoe: «Aza simbana izany, fa misy fitahiana hahazoan-divay tsara eo aminy»; ho tahaka izany koa no hataoko amin’ny mpanompoko mba tsy hosimbako izy rehetra.

Jeremia 14:7

TOMPO ô, miampanga anay ny fahadisoanay; nefa miasà Ianao ho voninahitry ny anaranao. Niodina taminao matetika izahay; taminao no nanotanay.

Ezekiela 20:14

Kanefa notandroviko ny lazako mba tsy hozimbazimbain’ireo firenen-kafa nahita ny namoahako ny Israelita hiala tany Ejipta.

Ezekiela 20:22

Nefa tsy nanao izany Aho ary nitandro ny lazako mba tsy hozimbazimbain’ny firenen-kafa izay nahita ny namoahako ny Israelita niala tany Ejipta.

Ezekiela 20:44

Tsy araka ny toe-dratsinareo sy ny asa tsy mendrika nataonareo no havaliko anareo, ry Israelita, fa mba ho fitandroako ny lazako. Amin’izay dia hoekenareo fa Izaho no TOMPO. Teny hentitra avy amiko Tompo ANDRIANANAHARY izany.»

Ezekiela 20:9

Kanefa notandroviko ny lazako mba tsy hozimbazimbain’ny firenen-kafa niarahany nonina. Fa teo imason’ireo firenena ireo no nanaovako izay hahafantaran’ny Israelita Ahy tamin’ny namoahako azy hiala tany Ejipta.

Ezekiela 36:21

Koa nangoraka Aho nahita ny anarako masina nozimbazimbaina tany amin’ny firenen-kafa noho ny fahadisoan’ny Israelita lasa tany.

Josoa 7:9

Ho henon’ny Kanahanita sy ny mponina rehetra amin’ity tany ity izany, dia hikambana hamely anay ireo ka handringana anay; koa inona àry no hataonay mba hiekena ny lazanao lehibe?

1Samoela 12:22

Fa tsy handao anareo ny TOMPO noho ny fitandroany ny voninahiny, satria efa sitrany ny nanao anareo ho vahoakany.