Isaia 48:17 - DIEM PROTESTANTA

¹⁷ Ry firenen’i Jakôba, ny TOMPO mpanavotra anao, Ilay Masin’i Israely dia miteny aminao hoe: «Izaho TOMPO Andriamanitrao no mampianatra anao izay mahasoa anao sy mitarika anao amin’ny lalana tokony halehanao.

Baiboly Protestanta Malagasy 2011

¹⁷ Izao no lazain’NY TOMPO Mpanavotra anao, dia ny Iray Masin’ny Israely: Izaho, TOMPO Andriamanitrao, no nampianatra anao mba hahitanao soa sady mitarika anao amin’ny lalana tokony halehanao.

Dikateny Iombonana Eto Madagasikara

¹⁷ Ry firenen’i Jakôba, ny TOMPO mpanavotra anao, Ilay Masin’i Israely dia miteny aminao hoe: «Izaho TOMPO Andriamanitrao no mampianatra anao izay mahasoa anao sy mitarika anao amin’ny lalana tokony halehanao.

Baiboly Katolika

¹⁷ Izao no lazain’i Iaveh mpanavotra anao, ilay Masin’i Israely: «Izaho Iaveh, Andriamanitrao, mampianatra anao mba hahitanao soa; mitarika anao amin’ny lalana tokony halehanao aho.

Baiboly Protestanta Malagasy

¹⁷ Izao no lazain’i Jehovah, Mpanavotra anao, Dia ny Iray Masin’ny Isiraely: Izaho, Jehovah Andriamanitrao, No nampianatra anao hahita soa Sady mitarika anao amin’ny làlana tokony halehanao.

Malagasy Bible

¹⁷ Izao no lazain'i Jehovah, Mpanavotra anao, dia ny Iray Masin'ny Isiraely: Izaho, Jehovah Andriamanitrao, no nampianatra anao hahita soa sady mitarika anao amin'ny lalana tokony halehanao.

La Bible en Malgache

¹⁷ Izao no lazain’NY TOMPO Mpanavotra anao, dia ny Iray Masin’ny Israely: Izaho, TOMPO Andriamanitrao, no nampianatra anao mba hahitanao soa sady mitarika anao amin’ny lalana tokony halehanao.

Isaia 48:17 Rohy Ifampitohizana

Genesisy 24:48

Nandohalika aho hitsaoka ny TOMPO, Andriamanitr’i Abrahama tompoko, ary nisaotra Azy noho ny nitondrany ahy tamin’ny lalana marina haka ny zanakavavin’ny rahalahin’ny tompoko mba ho an-janany.

1Mpanjaka 8:36

dia mba mihainoa avy any an-danitra Ianao, TOMPO ô, ka hamela ny fahotan’ireo mpanomponao, izany hoe ny Israelita vahoakanao; dia hampianarinao azy anie ny fitondrantena tsara izay tokony hizorany ary handatsahanao ranonorana ity taninao izay efa nomenao ho fananan’ny vahoakanao ity.

Joba 36:22

Jereo fa mahery ny fiandrianan’Andriamanitra; Iza no mahay mampianatra tahaka Azy?

Salamo 25:12

Raha misy olona manaja ny TOMPO, dia hotoroany ny làlan-kofidina koa izy.

Salamo 32:8

Hoy ny Tompo hoe: «Hampianariko ianao sady hotondroiko ny lalan-kalehanao, hotoroako hevitra sy harahiko maso:

Salamo 71:17

Hatry ny fony aho mbola tanora no efa nampianarinao, Andriamanitra ô; ary mandraka izao dia tsy mitsahatra manambara ireo asanao mahagaga.

Salamo 73:24

Ny torohevitrao no itarihanao ahy; avy eo aho dia horaisinao ho any amin’ny voninahitrao.

Isaia 2:3

Handeha ho any ny firenena marobe ka hifampitaona hoe: «Andeha isika hiakatra any an-tendrombohitry ny TOMPO, ho any an-tranon’ilay Andriamanitr’i Jakôba; dia hampianariny antsika ny sori-dàlany, ary harahintsika ny lalana hatorony.» Fa avy ao Tsiôna no ivoahan’ny fampianarana, ary avy ao Jerosalema no iavian’ny tenin’ny TOMPO.

Isaia 28:9

Dia velom-panontaniana izy hoe: «Iza no tian’iny Isaià iny hampianarina sy hanazavana ny fanambaràna azony? Ankizy vao notazana ve sa zazakely vao nisara-nono?

Isaia 30:20

Homen’ny Tompo anao ny mofo sy rano amin’ny andro ampahoriana sy amoretana anao; Izy tokoa no mpampianatra anao ka tsy hiafina aminao intsony, ary ny masonao mihitsy no hahita Azy.

Isaia 30:21

Fa na handeha hiankavanana na hiankavia ianao, dia ho renao avy aoriana izao teny izao: «Ity no lalana ka araho».

Isaia 41:14

Hoy ny teny hentitry ny TOMPO hoe: Aza matahotra ianao, ry vahoaka Israely, firenen’i Jakôba, lazaina hoe mora vonoina toa kankana. Izaho TOMPO mihitsy no tonga hamonjy anao, Izaho ilay Masin’i Israely no mpanavotra anao.

Isaia 43:14

Izao no lazain’ny TOMPO mpanavotra anareo, dia ilay Masin’i Israely: «Noho ny fitiavako anareo dia haniraka olona hankany Babilôna Aho, mba hamaha ny hidy rehetra.

Isaia 43:16

Izao no lazain’ny TOMPO, ilay nanokatra lalana tany an-dranomasina sy nitari-dalana teo anivon’ny rano manonja,

Isaia 45:11

Izao kosa no lazain’ny TOMPO, dia ilay Masin’i Israely sady mpamorona azy: «Izaho ve no anontanianareo ny amin’ireo zanako sy homenareo baiko ny amin’izay tokony hataoko?

Isaia 48:20

Mivoaha avy ao Babilôna, mandosira avy ao Kaldea! Amin’ny horakora-pifaliana no anambarao izao vaovao mahafaly izao, hatrany amin’ny faran’ny tany; torio ary aelezo izany, ka lazao hoe: «Ny TOMPO no nanavotra ny firenen’i Jakôba mpanompony!»

Isaia 49:26

Ireo olona mpampahory anao kosa hampihinaniko ny nofon’ny tenany ihany ary hataoko mamon’ny ran’ny tenany ihany toy ny mimamo amin’ny divay vaovao. Amin’izay dia ho fantatry ny olona rehetra fa Izaho TOMPO no mpamonjy anao, ary Izaho ilay Maherin’i Jakôba no mpanavotra anao.»

Isaia 49:7

Ny TOMPO Mpanavotra sady Masin’i Israely, dia miteny aminao, ry voaeson’ny olona sy ankahalain’ny firenen-kafa, ary andevozin’ireo mpanjakazaka; ka izao no lazainy aminao: «Raha vao mahita anao ny mpanjaka dia hitsangana hiala amin’ny sezafiandrianany; ary hiankohoka ny manampahefana, raha vao mahatazana anao. Izany no hanajany Ahy TOMPO mahatoky, dia Ilay Masin’i Israely efa nifidy anao.»

Isaia 54:13

Izaho TOMPO no hahatonga ny zanakao rehetra ho mpianatro, ka hiadam-pinaritra fatratra ireo.

Isaia 54:5

Fa ilay mpanao anao no ho vadinao; ny TOMPOn’izao rehetra izao no anarany. Ilay Masin’i Israely no mpanavotra anao, dia ilay antsoina hoe «Andriamanitry ny tany tontolo.»

Isaia 54:8

Tamin’ny firongatry ny hatezerako no nandavako vetivety tsy hijery anao; fa amin’ny fitiavana mandrakizay kosa no anehoako indrafo aminao. Izaho TOMPO mpanavotra anao no milaza izany.

Jeremia 6:16

Izao no lazain’ny TOMPO: Mijanòna eny an-dalana ianareo ka mandiniha; ary anontanio ny sakeli-dalana fahiny. Tadiavo ny lalana ho amin’ny fahasambarana; araho izany, dia hahita fitsaharana ho an’ny fanahinareo ianareo! Kanefa hoy izy hoe: «Tsy hanaraka izahay!»

Mika 4:2

Maro ny firenena hankany ka hilaza hoe: Andeha isika hiakatra any an-tendrombohitry ny TOMPO, any an-tempolin’ilay Andriamanitr’i Jakôba. Hampianariny antsika ny lalana soritany, ka harahintsika izay atorony. Fa avy any Tsiôna no ivoahan’ny fampianaran’ny TOMPO; avy any Jerosalema no ipoiran’ny teniny.

Jaona 6:45

Fa izao no voalazan’ny Soratra Masina ao amin’ny bokin’ny mpaminany: «Hampianarin’Andriamanitra izy rehetra!» Koa izay rehetra nandre sy nianatra tamin’ny Ray no manatona Ahy.

Efesiana 4:21

Fa efa nandre ny aminy tokoa ianareo ary efa norosoana ny fampianarana marina ao amin’i Jesoa, araka ny maha kristianina anareo.

Josoa 3:4

Izany no hahafantaranareo ny lalana halehanareo satria tsy mbola nandalovanareo mihitsy io lalana io talohan’izao. Kanefa aza manatona akaikin’ny Vatamasina ianareo fa aoka hisy tokony ho iray kilaometatra ny elanelanareo aminy.