Isaia 26:7 - DIEM PROTESTANTA

⁷ TOMPO ô, toroanao lala-mahitsy ny olo-marina; ary tsy miolikolika ny lalana soritanao ho azy.

Baiboly Protestanta Malagasy 2011

⁷ Mahitsy ny lalan’ny marina; eny, Ianao izay mahitsy no manamora ny alehan’ny marina.

Dikateny Iombonana Eto Madagasikara

⁷ TOMPO ô, toroanao lala-mahitsy ny olo-marina; ary tsy miolikolika ny lalana soritanao ho azy.

Baiboly Katolika

⁷ Voaravona ny sakeli-dalan’ny marina; mahitsy ny lalana izay areninao ho an’ny marina.

Baiboly Protestanta Malagasy

⁷ Voaravona ny làlan’ny marina: Eny, aravonao ho marina indrindra ny alehan’ny marina.

Malagasy Bible

⁷ Voaravona ny lalan'ny marina: Eny, aravonao ho marina indrindra ny alehan'ny marina.

La Bible en Malgache

⁷ Mahitsy ny lalan’ny marina; eny, Ianao izay mahitsy no manamora ny alehan’ny marina.

Isaia 26:7 Rohy Ifampitohizana

1Tantara 29:17

Fantatro, ry Andriamanitro ô, fa mandinika ny ao am-pon’ny olona Ianao ary mankasitraka ny hitsim-po. Raha izaho, dia tamin-kitsim-po no nanolorako an-tsitrapo ireo fanomezana rehetra ireo; ary ankehitriny, dia amin-kafaliana no ahitako ny vahoakanao izay vory eto, nanolotra an-tsitrapo ny fanomezany ho Anao.

Joba 31:6

dia enga anie holanjain’Andriamanitra amin’ny mizana tsy mandainga hahafantarany fa tsy manan-tsiny aho.

Salamo 1:6

Tsimbinin’ny TOMPO tokoa ny fiainan’ny olo-marina, fa ny an’ny olon-dratsy kosa mankamin’ny fahaverezana.

Salamo 11:4

–Ny TOMPO anefa dia ao amin’ny Tempoliny masina sady eo an-tsezafiandrianany any an-danitra. Arahiny maso ny olombelona ka indray mijery dia voatombany.

Salamo 11:7

Eny, marina ny TOMPO ka tia fahamarinana; ary ny mahitsy fo no hifanatri-tava aminy.

Salamo 25:4

TOMPO ô, ampahafantaro ny lalanao aho ary ampianaro hiaina araka ny sitrakao.

Salamo 25:5

Tariho amin’ny fahamarinanao aho ka ampianaro, satria Ianao no Andriamanitra mpamonjy ahy sady hany ianteherako isan’andro.

Salamo 27:11

TOMPO ô, asehoy ahy ny lalana soritanao; noho ny amin’ireo fahavaloko, dia tariho amin’ny lala-mahitsy aho.

Salamo 5:9

TOMPO ô, tariho amin’ny fahamarinanao aho noho ny afitsok’ireo olona mitsikilo ahy; ataovy mahitsy eo anatrehako ny lalana asainao alehako.

Ohabolana 11:5

Ny fahamarinan’ny olom-banona manamora ny fiainany; fa ny olon-dratsy kosa verin’ny faharatsiany.

Ohabolana 20:7

Toetra vanona no izoran’ny olo-marina; ka sambatra izay zanaka handimby azy.

Ohabolana 21:8

Miolikolika ny lalan’ny olo-meloka; fa mahitsy kosa ny asan’ny madio fo.

Ohabolana 3:6

Mieke Azy amin’izay rehetra alehanao, dia hatorony anao ny soritra harahinao.

Ohabolana 4:18

Ny fitondrantenan’ny olo-marina dia toy ny fahazavan’ny maraina izay mihamazava mandra-pahantoandro ny andro.

Isaia 30:18

Na izany aza, mbola miandry fotoana ny TOMPO hahazoany miantra anareo, mbola hirotsaka an-tsehatra Izy hamindra fo aminareo, satria Andriamanitra mitandro ny marina ny TOMPO; sambatra izay rehetra miandry Azy.

Isaia 35:8

Any no hisy arabe voamboatra hantsoina hoe «lalana voatokana». Tsy hahazo handalo eo izay maloto ary tsy hitonantonana eo ny mpanompo sampy; fa ny Tompo dia hisava izany lalana izany, ho an’ny vahoakany ihany.

Isaia 42:16

Ny jamba hampandehaniko amin’ny lalana tsy mbola fantany; sakeli-dalana tsy mbola hainy no hitarihako azy ireo. Hovako ho mazava ny haizina eo anatrehany ary ho mahitsy ny lala-miolakolaka. Hotanterahiko ireo fikasàko ireo fa tsy hisy havelako velively.

Isaia 52:12

Satria tsy hikoropaka ianareo raha miainga hivoaka ny tanàna, ary tsy hihorohoro raha miala teto; fa ny TOMPO no hialoha lalana anareo ary ny Andriamanitr’i Israely no ho vodilalanareo.

Isaia 57:2

Nefa ho tonga ny fandriampahalemana, ka hatory milamina eo am-pandriany avy izay mizotra amin’ny hitsiny.

Jeremia 10:23

TOMPO ô, fantatrao fa ny olombelona tsy mahafehy ny lalany, ary ny mpivahiny tsy mahalamin-dia.

Hosea 14:9

Hataon’i Efraîma inona intsony izay sampy? Izaho TOMPO no mamaly vavaka azy sady mitandrina azy. Izaho no toy ny kipreso, hazo maitso mandavan-taona. Izaho no hahazoany vokatra.

Zefania 3:5

Kanefa ny TOMPO mpandala fahamarinana no eo afovoan’ny tanàna; ka tsy manao faharatsiana Izy, fa isa-maraina tsy diso no amoahany ny fitsarany. Na izany aza ny ratsy fanahy dia tsy mahalala menatra!

1Korintiana 4:5

Noho izany, aza mitsara olona alohan’ny fotoana, dia mandra-piavin’ny Tompo: Izy no hampiharihary ireo zavatra afenina anatin’ny maizina sy hampiseho ireo hevitry ny fon’ny olombelona. Ka amin’izay dia samy homen’Andriamanitra ny dera tandrify azy avy ny tsirairay.

2Korintiana 1:12

Izao manko no ireharehanay: ny fieritreretanay dia vavolombelona manambara fa ny fomba nitondranay tena teto amin’izao tontolo izao, indrindra teo aminareo, dia tamin’ny fahatsorana sy hitsimpo nomen’Andriamanitra; satria ny fahasoavan’Andriamanitra no nitarika anay fa tsy ny fahendren’olombelona.

Efesiana 2:10

Fa asan’Andriamanitra isika; Izy no nahary antsika ho tafaray amin’i Kristy Jesoa, mba hanao asa tsara izay voaoman’Andriamanitra rahateo hotontosaintsika amin’ny fiainantsika.

1Jaona 3:10

Izany no mampiavaka miharihary ireo zanak’Andriamanitra amin’ireo olona andevozin’ny devoly. Tsy mba avy amin’Andriamanitra izay rehetra tsy manao ny marina soritany sy izay tsy tia ny namana iray finoana.

1Jaona 3:7

Rey anaka, aza avela hisy hamitaka anareo; izay manao ny marina soritan’Andriamanitra ihany no marina tahaka an’i Jesoa Kristy koa.