Isaia 24:3 - DIEM PROTESTANTA

³ Ho simba sy ho rava tanteraka ny tany. Fa izao teny izao no nambaran’ny TOMPO:

Baiboly Protestanta Malagasy 2011

³ Ho foana tanteraka ny tany, tena horobaina manontolo izy, fa NY TOMPO no efa miteny izany.

Dikateny Iombonana Eto Madagasikara

³ Ho simba sy ho rava tanteraka ny tany. Fa izao teny izao no nambaran’ny TOMPO:

Baiboly Katolika

³ Hosimbana sy hatolotra horobaina, ny tany, fa izany no teny notononin’i Iaveh.

Baiboly Protestanta Malagasy

³ Hatao foana dia foana ny tany, Ary hobaboina dia hobaboina tokoa izy, Fa Jehovah no efa niteny.

Malagasy Bible

³ Hatao foana dia foana ny tany, ary hobaboina dia hobaboina tokoa izy, fa Jehovah no efa niteny.

La Bible en Malgache

³ Ho foana tanteraka ny tany, tena horobaina manontolo izy, fa NY TOMPO no efa miteny izany.

Isaia 24:3 Rohy Ifampitohizana

2Tantara 36:21

Izany no nahatanterahan’ny teny nampilazain’ny TOMPO an’i Jeremià hoe: «Ity tany ity dia hilaozana mandritra ny fitopolo taona, mandra-pahatapitra ny fe-potoana tokony hitsaharany mba ho onitry ny andro fitsaharana rehetra izay tsy voatandrina.»

Isaia 21:17

Ho vitsy kely sisa no tavela amin’ireo mpandefa tsipîka sy ireo miaramila voafantin’i Kedara.» Izany no tenin’ny TOMPO Andriamanitr’i Israely.

Isaia 22:25

«Amin’izany andro izany, hoy ny teny hentitry ny TOMPOn’izao rehetra izao, dia hiletsy ilay tsatòka natsatoka teo amin’ny toerana mafy; hiala izy ka hianjera, ary ho vaky avokoa ireo entana rehetra nahantona teo.» Izany no nambaran’ny TOMPO.

Isaia 24:1

Indro ny TOMPO fa hanimba ny tany ka handrava azy; havadiny ambony ambany izy ary haeliny ny mponina eo aminy.

Isaia 24:2

Koa hitovy ihany ny hanjo ny mpisorona sy ny vahoaka, ny tompolahy sy ny mpanompolahiny, ny tompovavy sy ny mpanompovaviny, ny mpivarotra sy ny mpividy, ny mpampindrana sy ny mpindrana ny mpampisambo-bola sy ny mpisambo-bola.

Isaia 24:4

«Misaona sy malazo ny tany, milofika sy malazo izao tontolo izao, milofika miaraka amin’ny tany koa ny habakabaka any ambony any.»

Isaia 42:22

ka indro ity vahoaka fa voaroba sy voasambotra: naiditra am-ponja avokoa izy rehetra ary nahiboka an-tranomaizina. Voaroba nefa tsy nisy namonjy, voasambotra nefa tsy nisy nanao hoe: «Avereno!»

Isaia 5:6

Hataoko tany lava volo ilay voaloboko ka tsy hisy hanety sy hiava azy intsony, fa tsilo sy songosongo no hitsiry eo; ary horarako mafy ny rahona tsy handatsaka ranonorana aminy.»

Isaia 6:11

Tamin’izay dia nanontany aho hoe: –Mandra-pahoviana anefa, Tompo ô? Dia namaly Izy hoe: –Mandra-pahasimba ny tanàna ka tsy hisy mponina intsony, mandra-paharava ny trano ka tsy hisy olona tavela ary mandra-pahalao tokoa ny tany.

Jeremia 13:15

Mihainoa, ka mandrenesa tsara; aza miavonavona satria ny TOMPO no miteny.

Ezekiela 36:4

Noho izany, ry tendrombohitr’i Israely, henoy ny teniko fa izao no lazain’ny Tompo ANDRIANANAHARY amin’ny tendrombohitra sy ny havoana, amin’ny renirano sy ny lohasaha, ary amin’ny toerana tonga korontam-bato sy ny tanànaaolo izay voaroba sy latsain’ny vahoaka manodidina.

Mika 2:4

Amin’izany andro izany no hanaovana oha-teny mandatsa anareo, sy hiventesana hiran-toloko ka hilazana hoe: «Levona tanteraka izahay! Lasan’olon-kafa ny anjaran’ny firenenay! Nahoana no nesorin’ny Tompo taminay ny taninay ka zarainy ho an’ny mpanohitra anay?»

Mika 4:4

Ny olona samy hipetraka eo anivon’ny voalobony sy aviaviny ka tsy hisy hampahatahotra azy.» Ny TOMPO Andriamanitr’izao rehetra izao, no mampanantena izany.

Deoteronomia 29:23

Ny firenena hafa rehetra koa dia ho loa-bolana hoe: «Nahoana re ny TOMPO no dia nanao toy izany tamin’ity tany ity? Inona no hevitr’izao fahatezerany mirehitra mafy izao?»

Deoteronomia 29:28

Anjaran’ny TOMPO Andriamanitsika ny mahafantatra ny zava-miafina. Ny tenantsika sy ny taranatsika hatrany hatrany kosa no mahafantatra ny zavatra ambarany, mba hanatanterahantsika ny didy rehetra raketin’ity Lalàna ity.