Isaia 17:10 - DIEM PROTESTANTA

¹⁰ Nohadinoinao, ry Israely, ilay Andriamanitra mpamonjy anao ary tsy notsarovanao ilay vatolampy fiarovanao; ka namboly zavatra faingam-paniry ho an’ny sampy ianao sy namafy masomboly ho an’ny andriamani-tsiizy.

Baiboly Protestanta Malagasy 2011

¹⁰ Satria nanadino an’Andriamanitry ny famonjena anao ianao, dia tsy nahatsiaro ny Vatolampy fiarovana mafy ho anao. Noho izany dia nanao voly mahafinaritra ianao ary zana-kazo avy amin’ny firenena hafa no nambolenao teo;

Dikateny Iombonana Eto Madagasikara

¹⁰ Nohadinoinao, ry Israely, ilay Andriamanitra mpamonjy anao ary tsy notsarovanao ilay vatolampy fiarovanao; ka namboly zavatra faingam-paniry ho an’ny sampy ianao sy namafy masomboly ho an’ny andriamani-tsiizy.

Baiboly Katolika

¹⁰ Satria ianao nanadino ny Andriamanitry ny famonjena anao, tsy nahatsiaro ny Vatolampin’ny herinao. Koa dia mamboly voly mahafinaritra ianao, ary foto-boaloboky ny olon-kafa firenena no ataonao ao.

Baiboly Protestanta Malagasy

¹⁰ Fa nanadino an’Andriamanitry ny famonjena anao hianao Ary tsy nahatsiaro ny Vatolampy fiarovana mafy ho anao, Ka dia nanao voly mahafinaritra hianao Ary zana-boaloboka avy amin’ny firenena hafa no nambolenao teo;

Malagasy Bible

¹⁰ Fa nanadino an'Andriamanitry ny famonjena anao ianao ary tsy nahatsiaro ny vatolampy fiarovana mafy ho anao, ka dia nanao voly mahafinaritra ianao ary zana-boaloboka avy amin'ny firenena hafa no nambolenao teo;

La Bible en Malgache

¹⁰ Satria nanadino an’Andriamanitry ny famonjena anao ianao, dia tsy nahatsiaro ny Vatolampy fiarovana mafy ho anao. Noho izany dia nanao voly mahafinaritra ianao ary zana-kazo avy amin’ny firenena hafa no nambolenao teo;

Isaia 17:10 Rohy Ifampitohizana

1Tantara 16:35

Lazao hoe: «Vonjeo izahay, ry Andriamanitra mpamonjy anay ô! Afaho avy any amin’ny hafa firenena izahay ka angony mba hideranay ny anaranao masina, sy hireharehanay amin’ny fankalazana Anao!»

Salamo 106:13

Vetivety anefa dia hadinon’ireo razanay ny asa nataon’Andriamanitra ka tsy andriny akory ny fandaharany.

Salamo 106:21

Hadinony Andriamanitra mpamonjy azy, Ilay nanao zava-dehibe tany Ejipta,

Salamo 18:2

TOMPO ô, tiako Ianao fa Ianao no heriko!

Salamo 31:2

TOMPO ô, Ianao no fialofako; tsy ho diso fanantenana na oviana na oviana aho. Araka ny fahamarinanao dia afaho amin’ny loza aho!

Salamo 65:5

Sambatra ny olona izay voafidinao ka asainao honina ao an-kianjanao! Hamoky anay ny zava-tsoan’ny tranonao, dia ny zava-masin’ny tempolinao.

Salamo 79:9

Andriamanitra mpamonjinay ô, vonjeo izahay noho ny voninahitrao; mba avelao re ny fahotanay, ka afaho izahay noho ny lazanao.

Salamo 85:4

Nofoananao manontolo ny fahatezeranao ka nialanao ny fahaviniranao mirehitra.

Salamo 9:17

Nampahafantatra ny tenany ny TOMPO fony Izy namoaka ny didim-pitsarany: ny fandrika nataon’ny olon-dratsy no indro nahavoa azy ireo. Fiatoana

Isaia 12:2

Indro Andriamanitra namonjy ahy, matoky Azy aho ka tsy mangovitra intsony. Ny TOMPO no heriko sy fidèrako, fa Izy no mpamonjy ahy.»

Isaia 17:9

Amin’izany andro izany, dia hilaozana ireo tanàna mimandan’i Israely, tahaka ny nandaozana ny tanànan’ny Hivita sy ny Amôrita fahiny tamin’ny nahatongavan’ny Israelita; ka taniefitra mampalahelo no ho hany tavela.

Isaia 18:5

Fa alohan’ny fotoam-pijinjana, rehefa tapitra namelana avokoa ny voaloboka ary rehefa tonga voany mihamasaka ny voniny, dia horantsanana amin’ny hety ny rantsany, ary hotapahina ny sakeliny sy ny raviny.

Isaia 25:4

Fa Ianao tokoa no fiarovana mafy ho an’ny osa; eny, fiarovana mafy ho an’ny malahelo Ianao amin’ny andro mampahory azy ireny. Fialofana amin’ny orana Ianao sady alokaloka amin’ny hainandro, satria ny fisafoaky ny mpanjakazaka dia toy ny oram-batravatra hamely tamboho

Isaia 26:4

Matokia ny TOMPO hatrany hatrany ianareo, satria ny TOMPO no vatolampy mandrakizay.

Isaia 30:29

Fa ianareo ao Jerosalema kosa hihira toy ny fanao amin’ny alina fankalazana ny fety ary hiravoravo am-po toy ny olona mandeha miaraka amin’ny feon-tsodina ho any an-tendrombohitry ny TOMPO, ilay Vatolampin’i Israely.

Isaia 33:2

TOMPO ô, iantrao izahay fa manantena Anao. Aoka Ianao no ho herinay isa-maraina sady ho mpamonjy anay amin’ny androm-pahoriana!

Isaia 44:8

Aza mangovitra na matahotra ianareo, ry vahoakako. Tsy Izaho ve no nampandre anareo ka nanambara izany taminareo hatry ny ela? Ianareo tokoa no vavolombeloko fa tsy misy Andriamanitra afa-tsy Izaho. Eny, tsy misy vatolampy hafa, tsy misy fantatro na iray aza.»

Isaia 51:13

Hadinonao Izaho TOMPO, Ilay nahary anao, Ilay namelatra ny lanitra sy nanorina ny tany. Fa tsy mitsaha-mangovitra isan’andro ianao eo anoloan’ny fahatezeran’ny mpampahory, izay toy ny efa mikendry hanimba anao. Kanefa aiza izao ny fahatezerany?

Isaia 61:10

Hifaly dia hifaly amin’ny TOMPO aho; eny, hiravoravo amin’ny Andriamanitro satria ny famonjena no toa akanjo nampiakanjoany ahy ary ny fahamarinana no toa lamba nampitafiany ahy; ka faly toy ny mpampakatra misatroka fehiloha aho na toy ny ampakarina miraratra ny firavany.

Isaia 62:11

Injay nisy baiko nampitain’ny TOMPO hatrany amin’ny faran’ny tany! Koa lazao amin’ny olona ao Tsiôna hoe: «Indro tonga ny Mpamonjinareo, indro entiny miaraka aminy ny karama azony ary eo anoloany ny valin-kasasarany.»

Jeremia 12:13

Vary no nafafinareo nefa tsilo no jinjainareo. Nisahirana mafy ny tenanareo fa tsy nisy tombontsoa akory izany. Aoka ho menatra ianareo amin’ny vokatra azonareo! Fa ny fahatezeran’ny TOMPO no mirehitra mamely anareo.

Jeremia 17:13

Ry TOMPO fanantenàn’i Israely ô, ho menatra izay rehetra mandao Anao. Voasoratra anarana eo am-bovoka izay nihataka taminao, noho izy efa nandao Anao, ry TOMPO loharano velona ô.

Jeremia 2:32

Moa manadino ny firàvany ve ny virijiny? sa manadino ny etrany voarandrana ve ny ampakarina? Tsia, nefa ianareo vahoakako efa nanadino Ahy hatramin’ny andro maro tsy voaisa.

Jeremia 3:21

Injany misy feo re any an-tampon-kavoana: tsy inona izany fa ireo Israelita izay mitomany sy mitaraina mafy satria diso lalana tamin’izay nalehany ka nanadino Ahy TOMPO Andriamaniny.

Ezekiela 22:12

Ao aminao misy manaiky hotambazam-bola mba hamono olona, misy mampindram-bola hakana zanany tafahoatra sy mangoron-karena tamin’ny fandrobana ny namany, ka manadino Ahy mihitsy. Teny hentitra avy amiko Tompo ANDRIANANAHARY izany.

Ezekiela 23:35

«Izao manko no lazain’ny Tompo ANDRIANANAHARY: ‹Satria nanadino Ahy ianao ka niodina tamiko, dia hizaka ny vokatry ny filibàna amam-pijangajanganao›. »

Hosea 4:6

Ho ringana ny vahoakako noho ny tsifisian’ny fahalalana Ahy. Satria efa nandà ny fahalalana Ahy ianao, ka dia mba holaviko tsy ho mpisorona intsony. Nanadino ny lalànan’Andriamanitrao ianao, ka dia mba hohadinoiko koa ny zanakao.

Hosea 8:14

«Nanangan-dapa maro i Israely, ka nanadino ny Mpanao azy. I Joda koa etsy an-daniny dia nampitombo tanànamimanda; nefa handefasako afo ny tanànany ka holevonin’izany ny lapany.

Joela 1:17

Maina tao ambanin’ny bainga ny voa; foana ny sompitra, mirodana ny trano fitehirizana fa tsy misy intsony ny vary.

Levitikosy 26:16

dia izao no hataoko anareo: loza mampivarahontsana no halefako hamelezana anareo, dia areti-mahasaozanina sy tazo mahery izay mahalali-maso sy mandreraka aina anareo; ary hafafinareo foana ny voa famafinareo, fa ny fahavalonareo no hihinana azy.

Levitikosy 26:20

Ho lany foana ny herinareo, fa tsy hahavokatra ny tany volenareo ary tsy hamoa ny hazo.

Amosa 5:11

Nohosihosenareo ny malahelo ka nangalanareo am-paham-bary ny vokatra avy aminy. Noho izany, dia tsy hitoetra amin’ny trano vato voapaika nataonareo ianareo, ary tsy hisotro ny divay avy amin’ny voaloboka tsara nambolenareo.

Habakoka 3:18

dia mbola ho faly sy ravo ihany aho satria ny TOMPO Andriamanitra no Mpamonjy ahy.

Zefania 1:13

Koa dia hobaboina ny hareny ary horavana ny tranony; hanao trano izy nefa tsy hitoetra ao; hamboly voaloboka izy, nefa tsy hisotro ny divay avy aminy.

Deoteronomia 28:30

Hisy vehivavy efa fofombadinareo fa lehilahy hafa no hahazo azy; hanao trano ianareo, fa tsy hitoetra ao; hamboly voaloboka ianareo, fa tsy handray ny vokany.

Deoteronomia 32:15

Koa nihinana ny taranak’i Jakôba, ka voky; nihanatavy i Jesoròna, ka namely daka. Eny, tonga natavy izy, vory nofo sy dongadonga ka nandao an’Andriamanitra Izay nanao azy ary nanamavo an’ilay Vatolampy famonjena azy.

Deoteronomia 32:18

«Tsy raharahainao, ry Israely, ilay Vatolampy niteraka anao; hadinonao ilay Andriamanitra nahitanao masoandro.»

Deoteronomia 32:31

Na ny fahavalony aza no mitsara, dia miaiky fa tsy mitovy amin’ilay Vatolampy ianteheran’i Israely ny vatolampy izay mba ianteherany.

Deoteronomia 32:4

Ny TOMPO no Vatolampy: lavorary ny asany; ny sori-dàlany rehetra rariny avokoa. Andriamanitra mahatoky Izy, tsy misy ratsy eo aminy: marina sy mahitsy Izy.

Deoteronomia 6:12

Amin’izay, dia tandremonareo fandrao hadinoinareo ny TOMPO Izay nampiala anareo tany Ejipta, toera-nanandevozana anareo.

Deoteronomia 8:11

Kanefa tandremo fandrao hadinoinareo ny TOMPO Andriamanitrareo ka tsy tandremanareo ny didy sy ny fitsipika aman-dalàny, izay ampitaiko aminareo anio.

Deoteronomia 8:14

saingy tandremo fandrao hiavonavona ny fonareo ka hohadinoinareo ny TOMPO Andriamanitrareo, Izay nampiala anareo tany Ejipta toera-nanandevozana anareo.

Deoteronomia 8:19

Fa raha hadinoinareo tokoa ny TOMPO Andriamanitrareo ka andriamani-kafa no harahinareo sy hotompoinareo ary hiankohofanareo, dia milaza marimarina aminareo aho fa haringana mihitsy ianareo.