Isaia 14:6 - DIEM PROTESTANTA

⁶ izay nikapoka ny vahoaka tamim-pahavinirana; nikapoka azy tsy an-kiato izy ka namolaka azy tamim-pahatezerana sady nanenjika azy tsy nisy indrafo.

Baiboly Protestanta Malagasy 2011

⁶ izay namely firenena tamin-katezerana, tamin’ny kapoka tsy nanam-pitsaharana sady nampanompo firenena tamin’ny fahavinirana, tamin’ny fanenjehana tsy misy antra.

Dikateny Iombonana Eto Madagasikara

⁶ izay nikapoka ny vahoaka tamim-pahavinirana; nikapoka azy tsy an-kiato izy ka namolaka azy tamim-pahatezerana sady nanenjika azy tsy nisy indrafo.

Baiboly Katolika

⁶ Nikapoka ny vahoaka tamin-katezerana mafy Izy, tamin’ny kapoka tsy an-kijanona; nentin’ny fisafoahany dia nataony ambany jioga ny firenena, tamin’ny fanenjehana tsy misy hiainana.

Baiboly Protestanta Malagasy

⁶ Izay namely firenena tamin’ny fahatezerana, Tamin’ny famelezana tsy nanam-pitsaharana, Sady nampanompo firenena tamin’ny fahatezerana, Tamin’ny fanenjehana tsy misy antra.

Malagasy Bible

⁶ Izay namely firenena tamin'ny fahatezerana, tamin'ny famelezana tsy nanam-pitsaharana, sady nampanompo firenena tamin'ny fahatezerana, tamin'ny fanenjehana tsy misy antra.

La Bible en Malgache

⁶ izay namely firenena tamin-katezerana, tamin’ny kapoka tsy nanam-pitsaharana sady nampanompo firenena tamin’ny fahavinirana, tamin’ny fanenjehana tsy misy antra.

Isaia 14:6 Rohy Ifampitohizana

2Tantara 36:17

Ny mpanjakan’ny Babilônianina no nentin’ny Tompo namely ny vahoakany sy namono nahafaty ny miaramilany tamin’ny sabatra hatrany an-tempoliny mihitsy aza, ka tsy nisy olona nangorahan’io mpanjaka io, na tovolahy na tovovavy na ny olon-dehibe na ny antitra; eny, natolotr’Andriamanitra teo an-tanan’i Nebokadnetsara avokoa ny zava-drehetra.

Joba 9:13

Tsy voatana Andriamanitra rehefa tezitra. Milefitra eo anatrehany i Rahaba sy ny tariny.

Ohabolana 21:30

Ny fahendren’olombelona sy ny fahaizana amam-pisainany dia maivana eo anatrehan’ny TOMPO.

Ohabolana 28:15

Tahaka ny liona mierona sy orsa noana ny olon-dratsy izay manapaka amin’ny vahoaka mahantra.

Isaia 10:14

Toy ny fakàna ny akanim-borona ka angoronana ny atody nilaozan-dreniny no nakako ny haren’ireo firenena sy nangoronako ny fananan’ny tany tontolo, ka tsy nisy afa-nikopaka elatra, na nisoka-bava na nikiakiaka.»

Isaia 14:5

Nopotehin’ny TOMPO ny fahefana mandoza, dia ny tehin’ilay mpanjakazaka,

Isaia 33:1

Lozanao, ry ilay tsy norobaina nefa mandroba sy ry ilay tsy nofitahina nefa mamitaka. Rehefa mitsahatra mandrava ianao, dia mba horavana koa; ary rehefa mitsahatra mamitaka, dia mba hofitahina koa.

Jeremia 25:26

–ireo mpanjaka rehetra any avaratra, na ny lavitra na ny akaiky. Izany hoe ny fanjakana rehetra teto amin’izao tontolo izao, manerana ny velaran-tany, dia samy tsy maintsy nisotro tsirairay tamin’izany tsangambava feno ny divaim-pahatezeran’ny Tompo izany; ary ny mpanjakan’i Sesàka no nisotro namarana azy.

Jeremia 25:9

dia hampaniraka haka ireo fokom-pirenena rehetra any avaratra Aho, ary hiantso an’i Nebokadnetsara mpanjakan’i Babilôna sady mpanompoko. Hasaiko tonga izy hamely ity tany ity sy ny mponina eo ary koa hamely ireto firenena rehetra manodidina anareo ireto; samy haringako tokoa ireo ka hampahonena sy hampivarahontsana ary ho tonga oha-pandatsana mandrakizay. Teny hentitra avy amiko TOMPO izany.

Jeremia 48:17

Koa ianareo rehetra mpifanila aminy sady mahalala ny lazany dia manehoa fiaraha-miory ka manaova hoe: «Ahoana no nahapotika ity hery màzana sy ity fahefàna be voninahitra ity?»

Jeremia 50:31

Indro Aho hifanandrina aminao ry Babilôna mpiavonavona, Izaho Tompo ANDRIAMANITR’izao rehetra izao no manao izany teny hentitra izany. Fa tonga ny andronao izao, dia ny fotoana hamaliako anao.

Fitomaniana 1:21

Henon’ny firenena manodidina fa misento aho; nefa tsy misy mampionona ahy. Henon’ny fahavaloko rehetra ny lozako; ka nahafaly azy ny nampiharinao tamiko. Ataovy tonga ilay andro nambaranao; dia aoka hihatra aminy koa izay nanjo ahy!

Habakoka 1:17

Mbola hanatsoaka sabatra hatrany ve ry zareo, ka handringana tsisy indrafo ny firenena maro?

Habakoka 2:5

Eny, mamitaka ny harena: Tsy mahatombina mihitsy ny mpiavonavona, fa homan-dava tahaka ny toeran’ny maty izy ary tsy mety voky toy ny fahafatesana ka dia manangona ny firenen-drehetra ho an’ny tenany sy mamory ny olon-drehetra ho eo ambany fifehezany.

Jakoba 2:13

satria fitsarana tsy misy indrafo no hataon’Andriamanitra amin’izay tsy namindra fo; ny famindrampo kosa afa-mirehareha tsy matahotra ny fitsarana.