Isaia 11:11 - DIEM PROTESTANTA

¹¹ Amin’izany andro izany ny Tompo dia haninjitra ny tanany indray mba hanavotra izay sisa velona amin’ny vahoakany, dia izay sisa velona avy any Asiria, avy any Ejipta ambany sy ambony ary avy any Etiôpia, avy any Helama sy Babilônia ary avy any Hamata na avy amin’ireo tany amoron-dranomasina.

Baiboly Protestanta Malagasy 2011

¹¹ Amin’izany andro izany dia mbola hanatsotra ny tanany fanindroany ny Tompo mba hanavotra ny olony, izay mbola sisa, avy any Asiria sy Ejipta, Patrosa sy Kosy, Elama, Sinara sy Hamata ary ny avy any amin’ny nosy an-dranomasina.

Dikateny Iombonana Eto Madagasikara

¹¹ Amin’izany andro izany ny Tompo dia haninjitra ny tanany indray mba hanavotra izay sisa velona amin’ny vahoakany, dia izay sisa velona avy any Asiria, avy any Ejipta ambany sy ambony ary avy any Etiôpia, avy any Helama sy Babilônia ary avy any Hamata na avy amin’ireo tany amoron-dranomasina.

Baiboly Katolika

¹¹ Ary izao no hitranga amin’izany andro izany: Ny Tompo haninjitra ny tanany fanindroany, hanavotra ny sisa amin’ny vahoakany, izay sisa mbola ho hita any Asiria sy Ejipta, sy Patrôsy, Etiôpia, Elama, Senaara, Hamata sy ireo nosy amin’ny ranomasina.

Baiboly Protestanta Malagasy

¹¹ Ary amin’izany andro izany ny Tompo dia mbola haninjitra ny tànany fanindroany Hanavotra ny olony, izay mbola sisa, avy any Syria sy Egypta Sy Patrosa sy Etiopia Sy Elama sy Sinara sy Hamata Ary ny avy any amin’ny moron-dranomasina.

Malagasy Bible

¹¹ Ary amin'izany andro izany ny Tompo dia mbola haninjitra ny tànany fanindroany hanavotra ny olony, izay mbola sisa, avy any Syria sy Egypta sy Patrosa sy Etiopia sy Elama sy Sinara sy Hamata Ary ny avy any amin'ny moron-dranomasina.

Isaia 11:11 Rohy Ifampitohizana

Genesisy 10:10

Ny tanàna lehibe tao amin’ny fanjakany dia i Babèla sy i Ereka ary i Akada sy i Kalne ao amin’ny tany Sinehara.

Genesisy 10:22

Ny zanakalahin’i Sema dia i Helama sy i Asora, i Arpaksàda sy i Loda ary i Arama.

Genesisy 11:2

Saingy rehefa nikisaka niantsinanana ny olona, dia nahita lemaka tao amin’ny tany Sinehara ary niorim-ponenana tao.

Genesisy 14:1

Tamin’izany andro izany, i Amrafela mpanjakan’i Sinehara, i Ariôka mpanjakan’i Elasara, i Kedôrlahômera mpanjakan’i Helama, ary i Tidehala mpanjakan’i Goîma,

Genesisy 2:13

I Gihôna no anaran’ny sampan-drano faharoa, izay manodidina ny tany Kosy manontolo.

2Mpanjaka 17:24

Fa nitondra olona avy tany Babilôna sy Kotà na avy tany Havà sy Hamata ary Sefarvaîma ny mpanjakan’i Asiria mba hapetrany amin’ireo tanànan’i Samaria hisolo ny Israelita izay voasesitany; ireo no nahazo ny faritr’i Samaria ho fananany ka nitoetra tamin’ny tanànany.

Estera 10:1

Ny amperôra Kserksesa dia nampanao asa an-terivozona ny mponina an’atitany sy amorontsiraka teo amin’ny fanjakany.

Salamo 68:22

Ny lohan’ny fahavalony kosa montsaniny, dia ireo lava volo mirehaka amin’ny ratsy.

Isaia 1:9

Raha tsy navelan’ny TOMPOn’izao rehetra izao hisy olona vitsivitsy velona aina tamintsika, dia ho efa tonga tahaka an’i Sôdôma sy ho nitovy tamin’i Gômôra isika.

Isaia 10:20

Amin’izany andro izany, ireo sisa velona amin’i Israely na ireo sisa tavela amin’ny taranak’i Jakôba, dia hitsahatra tsy hiankina amin’ireo namely azy intsony; fa ny TOMPO, ilay Masin’i Israely, no hiankinany marina tokoa.

Isaia 10:9

Tsy tahaka an’i Karkemisy ve no niafaran’ny tanànan’i Kalne? Tsy tahaka an’i Arpada ve no niafaran’i Hamata? Tsy tahaka an’i Damasy ve no niafaran’i Samaria?

Isaia 11:16

Hisy lalana ho an’ny sisa velona amin’ny vahoakany, dia izay sisa velona avy any Asiria, tahaka izay niseho fahiny tamin’i Israely fony izy niakatra avy tany Ejipta.

Isaia 19:21

Dia hampahafantatra ny tenany amin’ny Ejiptianina ny TOMPO mba hahafantarany AZY amin’izany andro izany sady hanompoany Azy amin’ny alalan’ny sorona sy fanatitra; ary hanao voady amin’ny TOMPO izy ka hanefa izany.

Isaia 19:22

Rehefa avy namely ny Ejiptianina ny TOMPO, dia hanasitrana azy: ary izy ireo mihitsy no hiverina amin’ny TOMPO ka hoekeny vavaka sady hositraniny.

Isaia 21:2

–Misy fahitana mahatsiravina naseho tamiko ny amin’izany. Lasa mpamadika fatra-pamadika sy mpandrava fatra-pandrava tokoa ny firenena sakaiza fahiny. «Miakara hanafika, ry Helamita; ataovy fahirano ny tanàna, ry Medianina, fa hatsahatro ny fampihorohoroana rehetra nafitsony, hoy ny Tompo.»

Isaia 22:6

Mitondra tsipîka sy zana-tsipîka ny Helamita, sady mitaingina kalesy sy soavaly; ary mamelatra ampinga ny mpiady avy any Kira.

Isaia 24:15

«Aoka homem-boninahitra ny TOMPO any amin’ny faritra atsinanana! Ilay TOMPO Andriamanitr’i Israely, aoka homem-boninahitra ny anarany eny amin’ny tany amoron-dranomasina!»

Isaia 37:31

Ary izay sisa velona amin’ny taranak’i Joda dia ho toy ny hazo hamaka lalina indray ary ho feno voa ny rantsany;

Isaia 42:10

Mihirà hira vaovao ho an’ny TOMPO; miderà Azy avy any am-paran’ny tany ianareo mpivezivezy eny an-dranomasina sy ianareo mponina any amin’ny nosy.

Isaia 42:12

Hanome voninahitra ny TOMPO anie ireny; ary aoka hitory ny fiderana Azy ny mponina any amin’ny nosy lavitra!

Isaia 42:4

Tsy ho reraka na ho kivy izy mandra-panoriny ny lamina ara-drariny amin’ny tany fa hiandry dia hiandry ny lalànany ireo mponina any amin’ny nosy.

Isaia 45:14

Izao, ry vahoaka Israely, no lazain’ny TOMPO aminao: Ny vokatry ny asan’ny Ejiptianina, ny tombom-barotry ny Etiôpianina sy ny an’ireo olona ranjanana avy any Seba dia handalo ao aminao avokoa, ka ho lasanao. Voafatotra ireny olona ireny no hanaraka anao ary hiankohoka handady eo anatrehanao sady hivavabavaka hifona aminao hoe: «Ato aminao tokoa tokoa Andriamanitra; ary tsy misy Andriamanitra afa-tsy Izy irery.»

Isaia 49:12

Indreny izy fa tonga avy any lavitra, ny sasany avy any avaratra, ny sasany avy any andrefana, avy any an-dranomasina, ny sasany avy any atsimo, avy any Ejipta.»

Isaia 66:19

Hapetrako eo anivony ny mariky ny fahefàko. Ary ireo sisa velona tamin’ny fitsarako dia hirahiko ho any amin’ny vahoakan’i Tarsisy sy i Pola ary i Loda izay olona kinga amin’ny fandefasana zana-tsipîka, na hirahiko ho any Tobala sy i Javàna ary any amin’ireo nosy lavitra izay tsy mbola nandre ny lazako sady tsy mbola nahita ny voninahitro. Dia hotorîn’ireo irako any amin’ny hafa firenena ny voninahitro.

Jeremia 25:25

–ireo mpanjaka rehetra any Zimrỳ sy any Helama ary any Media;

Jeremia 31:10

Mihainoa ny tenin’ny TOMPO, ianareo firenen-kafa, ambarao any amin’ireo nosy lavitra any izany ka lazao hoe: «Nampiely an’i Israely ny Tompo; fa izao manangona azy Izy ary miambina azy tahaka ny ataon’ny mpiandry amin’ny andian’ondriny.»

Jeremia 44:1

Nisy hafatra tonga tamin’i Jeremià ho an’ny Jodeanina rehetra izay nonina tany Ejipta tao an-tanànan’i Migdôla sy i Tahapanehesa sy i Memfisa ary tao amin’ny faritanin’i Patrôsa. Ka hoy i Jeremià taminy:

Jeremia 49:23

Fanambaràna ny amin’i Damasy. Very hevitra ny ao Hamata sy Harpada! Kivy izy fa nandre ny vaovao ratsy. Manahy sy mitebiteby ny fony ka tsy azo notonena.

Ezekiela 27:6

Hazo ôaka avy any Basàna no nanaovany ny fivoin-tsambonao. Hazo sedera avy any amin’ny nosy Kitima izay nasiana sisika ivoary no nanamboarany ny tokotanin-tsambonao.

Ezekiela 29:14

Hatsahatro izay manjo ny Ejiptianina, ka haveriko any Ejipta ambony tany niaviany izy, ary hanorina fanjakana osaosa any;

Ezekiela 30:14

Hosimbako i Ejipta ambony, hodorako amin’ny afo ny tanànan’i Tsôhàna ary hampihariko ny didim-pitsarako hamelezana ny tanànan’i Nao.

Ezekiela 32:24

«Any koa no tafangona ny tafika helamita manontolo sady voahodidin’ny fasany; samy voatrabaka sy maty an’ady avokoa izy rehetra. Ireo tsy voafora ireo, izay nampihorohoro taloha teny amin’ny tanin’ny velona, dia naidina any ambanin’ny tany. Izao izy rakotry ny henatra miaraka amin’ireo efa tafidina any.

Ezekiela 38:8

Ary any aoriana any, rehefa afaka taona maromaro, dia ianao no hasaiko maka an-keriny ny tanin’i Israely. Fa rehefa afaka tamin’ny ady ny mponina tao, dia niala tamin’ny firenena maro nielezany ary novorîna teo an-tendrombohitr’i Israely izay efa lao hatry ny ela. Fa rehefa navoaka avy tany amin’ireo firenen-kafa izy rehetra, dia niaina tamim-pilaminana.

Daniela 1:2

Dia natolotry ny Tompo teo an-tanany i Jôiakima mpanjakan’i Joda ary ny ampahan’ireo fanaka tao an-tranon’Andriamanitra. Nentin’i Nebokadnetsara ho any Babilônia ireo olona babo; ny fanaka kosa nentiny ho ao an-tempolin’ireo andriamaniny ary napetrany tao amin’ny efitrano firaketan’io tempoly io.

Daniela 11:18

Avy eo dia hitodika amin’ireo nosy indray izy ka hahalasa maromaro; kanjo hisy filohan-tafika vahiny iray hampitsahatra ny fanalam-baràka ataony, ka hampitsingerina izany aminy.

Daniela 8:2

Nojereko ilay fahitana, ka indro aho nahita ny tenako tao Sosàna, tanàna mimanda tao amin’ny faritanin’i Helama; ary hitako tamin’ny fahitana koa fa teo amoron’ny renirano Olay aho.

Hosea 11:10

Ny TOMPO Izay hierona tahaka ny liona no harahin’ireo voasesitany hody. Ary rehefa mierona ny TOMPO, dia ireo zanany no hihazakazaka hanatona avy any ampitan-dranomasina any.

Hosea 11:11

Avy any Ejipta koa izy no hanatona amin-kovitra toa voronkely, ary avy any Asiria no hanatona amin-kovitra toa domohina; ka dia hoentiko miverina any an-tranony indray izy. Izaho TOMPO no manao izany teny hentitra izany.

Mika 7:12

Amin’izany andro izany, dia hiverina ho aminao ny mpiray tanindrazana rehetra hatreo Asiria ka hatrany Ejipta, hatreo Tiro ka hatrany Eofrata, hatreo amin’ny ranomasina iray ka hatrany amin’ny ranomasina hafa, hatreo amin’ny tendrombohitra iray ka hatrany amin’ny tendrombohitra hafa.

Zefania 2:11

Hahatsiravina ny hataon’ny TOMPO aminy; hofoanany avokoa ireo andriamanitry ny olombelona. Koa na ireo hafa firenena faran’izay lavitra aza dia hiankohoka avokoa hitsaoka Azy, samy any amin’ny taniny avy.

Zakaria 5:11

Ka hoy izy tamiko: Any Mezôpôtamia, fa any no hanaovana tempoly ho azy ka hametrahana azy eo ambonin’ny vodivato hitoerany.

Zakaria 8:7

Eny, Izaho TOMPOn’izao rehetra izao dia mampanantena fa ny vahoakako voaeliko dia hovonjeko avy any atsinanana sy avy any andrefana.

Zakaria 9:2

Azy toraka izany ihany koa i Hamata akaikin’i Damasy ary ny tanànan’i Tiro sy i Tsidôna izay misy olona kinga tokoa.

Romana 11:15

Nony nailika ry zareo, dia voavitrana ny fihavanan’izao tontolo izao amin’Andriamanitra. Ka raha voaray indray ry zareo, inona no hitranga? Ny fiainana ho an’ireo efa maty!

Romana 11:26

Toy izany no hahavonjy an’i Israely manontolo araka ny voalazan’ny Soratra Masina hoe: «Hiainga avy ao Tsiôna ny mpanafaka, dia hanala ny haratsiam-panahy amin’ny taranak’i Jakôba.

2Korintiana 3:16

Fa isaky ny miverina amin’ny Tompo kosa ny olona, dia miesotra izany sarona izany.

Deoteronomia 9:29

Kanefa, Tompo ô, ireo no vahoaka fanananao, izay navoakanao avy tany Ejipta tamin’ny herinao lehibe sy sandrinao nahinjitra.»