Isaia 10:3 - DIEM PROTESTANTA

³ Amin’ny andro famalian’ny TOMPO, raha ho tonga avy any lavitra ny rambondanitra handrava, inona no azonareo atao, aiza no handosiranareo hitadiavam-bonjy ary aiza no hametrahanareo ny harenareo?

Baiboly Protestanta Malagasy 2011

³ Inona no hataonareo amin’ny andro famaliana, rehefa ho tonga avy any lavitra ny fandringanana? Ho any amin’iza no handosiranareo hamonjy anareo? Ary aiza no hametrahanareo ny voninahitrareo?

Dikateny Iombonana Eto Madagasikara

³ Amin’ny andro famalian’ny TOMPO, raha ho tonga avy any lavitra ny rambondanitra handrava, inona no azonareo atao, aiza no handosiranareo hitadiavam-bonjy ary aiza no hametrahanareo ny harenareo?

Baiboly Katolika

³ Hanao ahoana re ianareo, amin’ny andro famangiana sy amin’ny loza amin’antambo ho tonga avy lavitra? Any amin’iza no handosiranareo, hamonjy anareo, ary aiza no hanaovanareo ny harenareo?

Baiboly Protestanta Malagasy

³ Ary ahoana no hataonareo amin’ny andro famaliana Sy amin’ny fandravana izay avy amin’ny lavitra? Ho any amin’iza no handosiranareo hamonjy anareo? Ary aiza no hametrahanareo ny harenareo?

Malagasy Bible

³ Ary ahoana no hataonareo amin'ny andro famaliana sy amin'ny fandravana izay avy amin'ny lavitra? Ho any amin'iza no handosiranareo hamonjy anareo? Ary aiza no hametrahanareo ny harenareo?

La Bible en Malgache

³ Inona no hataonareo amin’ny andro famaliana, rehefa ho tonga avy any lavitra ny fandringanana? Ho any amin’iza no handosiranareo hamonjy anareo? Ary aiza no hametrahanareo ny voninahitrareo?

Isaia 10:3 Rohy Ifampitohizana

Genesisy 31:1

Kanefa ren’i Jakôba fa ny zanakalahin’i Labàna efa nilaza hoe: «Lasan’i Jakôba avokoa ny fananan-draintsika, ary avy tamin’izany fananan-draintsika izany no nananany izao harena rehetra izao.»

2Mpanjaka 7:15

Koa nanaraka ny diany hatrany Jôrdàna ny mpisafo, ary indreny hitany manerana ny arabe ny fitafiana sy fitaovana maro izay narian’ny Sirianina noho izy dodona handositra. Dia niverina nampandre ny mpanjaka ireto iraka.

Joba 31:14

Raha tsy izany, dia inona no hataoko, rehefa hitsangana hiampanga ahy Andriamanitra? Ary inona no havaliko, rehefa mamototra Izy?

Ohabolana 11:4

Tsy misy ilana ny harena amin’ny andro fitsarana; fa ny fahamarinana no manafaka amin’ny fahafatesana.

Isaia 13:6

Manaova kiakiakam-pisaonana, satria akaiky ny andron’ny TOMPO; toy ny loza tsy hay tohaina no firongany avy amin’Andriamanitra Tsitoha.

Isaia 17:4

Amin’izany andro izany dia hihena ny lanjan’ny taranak’i Jakôba ary ny hatavezany hanjary fahiazana.

Isaia 20:6

Amin’izany andro izany, dia hiteny ireo mponina amoron-tsiraka hoe: «Jereo ity manjo ny firenena nantenaintsika hialofana sy hitadiavam-bonjy ary hahafaka antsika manoloana ny mpanjakan’i Asiria! Ka aiza indray izao no handosirantsika?»

Isaia 26:14

Ny maty tsy ho velona intsony ary ny matoatoa tsy hitsangana koa; fa efa nirotsaka handringana azy Ianao ka nolevoninao mbamin’ny fahatsiarovana azy.

Isaia 26:21

Fa indro ny TOMPO mivoaka ny fonenany mba hanadina ny mponina amin’ny tany momba ny heloka vitany. Hasehon’ny tany ireo ra notrohiny ary tsy hafeniny intsony ireo novonoina ho faty teo aminy.

Isaia 28:20

Eny, hoy ny ohabolana, fohy loatra ny farafara ka tsy misy hitsorana, ary kely loatra ny lamba ka tsy ampy hirakofana.

Isaia 29:6

no hiavian’ny famaliana hamonjena anao avy amin’ny TOMPOn’izao rehetra izao, Izay hombàn’ny kotro-baratra sy ny horohoron-tany ary firohondrohona mafy, hombàn’ny tadio sy ny tafio-drivotra ary ny lelafo mandevona.

Isaia 30:16

fa mamaly hoe: «Tsia, fa hiriotra izahay, hiriotra mitaingin-tsoavaly izahay.» Koa hitaingin-tsoavaly tokoa ianareo, saingy hitsoaka handositra. Hoy koa ianareo hoe: «Haingam-pandeha ny kalesy hitaingenanay.» Eny, kanefa ireo mpanenjika anareo dia vao mainka ho haingam-pandeha kokoa.

Isaia 30:5

Izy rehetra samy ho diso fanantenana amin’io firenena izay tsy hahasoa azy io, firenena tsy hahavonjy na hahasoa azy akory, fa handiso fanantenana sy hitondra latsa aza.

Isaia 30:7

Tsinontsinona sy zava-poana ny famonjen’i Ejipta; koa izany no iantsoako azy hoe: «Ilay be rehaka tsy mahavita na inona na inona».

Isaia 33:14

Raiki-tahotra ny mpanota ao Tsiôna, mangovitra ireo mpihatsaravelatsihy: «Iza amintsika, hoy izy, no hahajanona eo anilan’izao afo mandevona izao? Iza amintsika no hahatanty an’izao afo tsy misy farany izao?»

Isaia 39:3

Taorian’izany dia nankany amin’i Hezekià mpanjaka i Isaià mpaminany ka nanontany azy hoe: –Inona no nolazain’ireny olona ireny? Avy aiza hono izy no nankatỳ aminao? Dia novalian’i Hezekià hoe: –Avy any Babilôna lavitra any izy no nankatỳ amiko.

Isaia 5:14

Koa nitanatana vava izaitsizy ny fonenan’ny maty sady nanitatra ny tendany hanao telimoka azy; any no hivarinan’ny olomanga sy ny sarambabem-bahoakan’i Jerosalema miaraka amin’ny tabatabam-pifaliany.

Isaia 5:26

Faneva famantarana no natsangan’ny TOMPO ho an’ny firenena iray any lavitra any; ka misioka ny Tompo mba hiantsoana azy avy any am-paran’ny tany. Indro izany firenena izany fa nilomay ka ho avy faingana dia faingana tokoa.

Jeremia 22:7

Hanetsika mpandrava hamely anao Aho, dia mpandrava izay samy ary fitaovana. Hokapainy ny sederanao voafantina ka hatsipiny any anaty afo.

Jeremia 4:30

Ary inona ity ataonao, ry Jerosalema? Na miakanjo marevaka aza ianao sy miravaka volamena sady manao manja maso, dia tsy misy ilana ny hatsaran-tarehinao. Fa harian’ireo lehilahy naka anao ianao, sady tadiaviny hovonoina ho faty.

Jeremia 5:31

maminany lainga ny mpaminany, mitady ny tombontsoany ny mpisorona, ary ny vahoakako mankasitraka izany. Koa rehefa tonga ny farany, inona kosa no hataonareo?

Jeremia 9:9

Noho ny amin’ny tendrombohitra no hitomaniako sy hitarainako, ary noho ny amin’ny kijana any an-taniefitra no hanaovako hira fisaonana, satria voadoro avokoa izy rehetra ka tsy andalovan’olona intsony. Tsy re any intsony ny fitrenan’ny andian’omby; ary samy lasa nandositra avokoa ny voro-manidina sy ny bibidia.

Hosea 5:13

Hitan’i Efraîma ny aretiny ary tsapan’i Joda ny feriny; ka nankany amin’i Asiria i Efraîma ary nandefa iraka tany amin’ilay mpanjaka lehibe; nefa tsy nahasitrana anareo izy sady tsy nahafaka ny ferinareo, ry olon’i Efraîma.

Hosea 9:5

Inona kosa no hataonareo amin’ny androm-pankalazana manetriketrika, dia amin’ny andro fetin’ny TOMPO?

Hosea 9:7

Tonga ny andro famaizana. Tonga ny andro famaliana. Ho fantatr’i Israely anie izany! Hoy ianareo hoe: «Adala ny mpaminany; ary mirediredy ny tsindriam-panahy.» Vokatry ny hamaroan’ny helokao sy ny fanohera-mafy nataonao izany.

Amosa 5:19

toy ny amin’ny olona mandositra liona kanefa mifanehatra amin’ny orsa; na toy ny amin’ny olona tonga ao an-trano sy mitehina amin’ny rindrina, kanefa kaikerin’ny menarana.

Mika 7:4

Ny tsara indrindra aminy dia toy ny roy, ary ny mahitsy indrindra aminy dia ratsy noho ny fefy tsilo. Ho avy ny andro famaizana anareo araka ny nambaran’ireo mpaminany mpitilinareo; ary, ankehitriny aza, dia efa manahy mafy ianareo.

Zefania 1:18

Amin’ny androm-pahatezeran’ny TOMPO, dia samy tsy hahavonjy ny olona na ny volafotsiny na ny volamenany. Fa hiredareda ny fahasaro-piaron’ny TOMPO ka handevona ny tany tontolo. Eny, hahatsiravina tokoa izany, satria haringan’ny TOMPO ny mponina rehetra amin’ny tany.

Lioka 19:44

Hofongorana tanteraka ianao sy ny mponina ao anatinao ka tsy havelany hisy vato mifanongoa eo aminao, noho ianao tsy nahalala ny andro notendren’Andriamanitra hamangiana anao!

Deoteronomia 28:49

Firenena avy lavitra, firenena avy any am-paran’ny tany sady tsy fantatrareo ny fiteniny, izany no hoentin’ny TOMPO hiady aminareo; tahaka ny voromahery miantonta hipaoka remby no hiavian’izany firenena izany aminareo:

1Petera 2:12

Manàna fitondrantena tsara eo anivon’ny mpanompo sampy; fa na dia endrikendrehiny ho mpanao ratsy aza ianareo, dia ho hitany tokoa ny asa tsara ataonareo, ka hanomezany voninahitra an’Andriamanitra amin’ny andro hiavian’i Kristy.