Isaia 1:8 - DIEM PROTESTANTA

⁸ I Jerosalema irery sisa no hany tafajoro, toy ny tranotomboka ao anaty tanimboaloboka, sy toy ny kitranotrano rantsan-kazo ao anaty tanimbolin-kôkômbra, ary toy ny tanàna efa atao fahirano.

Baiboly Protestanta Malagasy 2011

⁸ Nilaozana i Ziona zanakavavy, tahaka ny trano rantsan-kazo ao anaty tanim-boaloboka sy tahaka ny trano fialofan’ny mpiandry voly ao anaty tanim-boatango, tahaka ny tanàna natao fahirano.

Dikateny Iombonana Eto Madagasikara

⁸ I Jerosalema irery sisa no hany tafajoro, toy ny tranotomboka ao anaty tanimboaloboka, sy toy ny kitranotrano rantsan-kazo ao anaty tanimbolin-kôkômbra, ary toy ny tanàna efa atao fahirano.

Baiboly Katolika

⁸ Ary ny zanaka vavin’i Siôna dia tafajanona toy ny trano bongo anaty tanimboaloboka, toy ny tranotomboka, anaty tanim-boatango, toy ny tilikambo fiambenana.

Baiboly Protestanta Malagasy

⁸ Ary Ziona zanakavavy dia nilaozana tahaka ny trano rantsan-kazo ao anaty tanimboaloboka, Sy tahaka ny fandriana mihantona an’ny mpiandry voly ao anaty tanimbolim-boantango, Dia tahaka ny tanàna atao fahirano.

Malagasy Bible

⁸ Ary Ziona zanakavavy dia nilaozana tahaka ny trano rantsan-kazo ao anaty tanim-boaloboka, Sy tahaka ny fandriana mihantona an'ny mpiandry voly ao anaty tanimbolim-boantango, Dia tahaka ny tanàna atao fahirano.

La Bible en Malgache

⁸ Nilaozana i Ziona* zanakavavy, tahaka ny trano rantsan-kazo ao anaty tanim-boaloboka sy tahaka ny trano fialofan’ny mpiandry voly ao anaty tanim-boatango, tahaka ny tanàna natao fahirano.

Isaia 1:8 Rohy Ifampitohizana

Joba 27:18

Mora simba ny trano aorin’ny olon-dratsy fa toy ny kitranotranon’ny mpiandry voly.

Salamo 9:14

Iantrao aho, TOMPO ô, ka jereo ny fahoriako, noho ny afitsoky ny mpankahala ahy; Ianao no misintona ahy ho afaka amin’ny hasomparan’ny fahafatesana.

Isaia 1:7

Efa lao ny taninareo, kilan’ny afo ny tanànanareo; ny tany novolenareo aza dia ny vahiny no nihinana ny vokany teo anatrehanareo, ka efa lao tokoa izany tahaka ny faharavàn’i Sôdôma.

Isaia 1:9

Raha tsy navelan’ny TOMPOn’izao rehetra izao hisy olona vitsivitsy velona aina tamintsika, dia ho efa tonga tahaka an’i Sôdôma sy ho nitovy tamin’i Gômôra isika.

Isaia 10:32

Fa androtr’io ihany ny fahavalo dia maka toerana ao Nôba, ka maninji-tanana mandrahona an’i Tsiôna, dia ilay tendrombohitra mampahonena, ilay havoana iorenan’i Jerosalema.

Isaia 29:3

Hanao fahirano anao tahaka ny nataon’i Davida Aho ary hanisy miaramila hanemitra anao sy hanangana tovon-tany hamelezana anao.

Isaia 30:17

Fahavalo iray monja no mandrahona, dia hampandositra ny arivo aminareo; ary raha misy dimy aminy no mandrahona dia handositra avokoa ianareo rehetra. Ka singantsingany no sisa ho velona aminareo, tahaka ny famantarana eny an-tampon-tendrombohitra na tahaka ny faneva tavela eny amin’ny havoana.

Isaia 37:22

Izao no teny tononin’ny TOMPO hamelezana azy: Manao tsinontsinona sy maneso anao ny tanàna kanton’i Tsiôna, ry Saneheriba; mihifikifi-doha ho fanamavoana anao ny tanànan’i Jerosalema.

Isaia 37:4

Angamba ho ren’ny TOMPO Andriamanitrao ny tenin’ilay dekà asirianina izay nirahin’ny mpanjakan’i Asiria tompony hanevateva an’Andriamanitra velona; ka hofaizin’ny TOMPO Andriamanitrao izy noho izany. Fa manandrata vavaka ianao ho an’ireo sisa tavela amin’ny vahoakany.»

Isaia 4:4

Hisy Fanahy fahamarinana sy fanadiovana hitsoka; koa rehefa voadion’ny Tompo ho afaka amin’ny lotony ireo andriambavilanitr’i Tsiôna, ary voasasan’ny Tompo ho afaka amin’ny ra nalatsaka tao aminy i Jerosalema,

Isaia 49:21

Ianao kosa, ry Tsiôna, dia hanontany tena hoe: «Iza no nanome ahy ireto zanaka ireto? Maty anaka aho teo ary tsy mba nanantena ny hanan-janaka intsony, sady natao sesitany sy ankilabao. Koa iza no nahalehibe an’ireto? Indro aho navela hanirery, fa mba avy taiza kosa ireto?»

Isaia 62:11

Injay nisy baiko nampitain’ny TOMPO hatrany amin’ny faran’ny tany! Koa lazao amin’ny olona ao Tsiôna hoe: «Indro tonga ny Mpamonjinareo, indro entiny miaraka aminy ny karama azony ary eo anoloany ny valin-kasasarany.»

Isaia 8:8

hibosesika any Joda sady hanafotra azy, ary hiakatra hatreny am-bozony. Eny, hihanaka lavitra amin’ny sisiny roa i Eofrata ka hanenika ny velaran’ny taninao, ry Himanoela.

Jeremia 4:17

Manodidina an’i Jerosalema tahaka ny olona miandry saha izy. Vokatry ny fikomianao tamiko izao, teny hentitry ny TOMPO izany.

Jeremia 6:2

Indro rava ianao ry Tsiôna, tanàna tsara tarehy sy miaingitraingitra!

Fitomaniana 2:1

Indrisy! Tezitra ny Tompo ka nanaron-draho-mainty an’i Tsiôna. Avy any an-danitra no nanjerany amin’ny tany izay natao ho voninahitr’i Israely. Tamin’ny androm-pahatezerany dia hadinony fa i Tsiôna no fandiavan-tongony.

Fitomaniana 2:6

Noravany ny zaridaina sy ny tranobongony, nosimbany ny toeram-pihaonany. Nataon’ny TOMPO hadino tao Tsiôna ny andro fety sy ny sabata. Tamin-katezerana mirehitra no nanesorany ny mpanjaka mbamin’ny mpisorona.

Zakaria 2:10

Hoy ny teny hentitry ny TOMPO hoe: «He! Ianareo izay naeliko any amin’ny vazan-tany efatra, mandosira ankehitriny, ialao ny tany avaratra.» Hoy koa ny teny hentitry ny TOMPO hoe:

Zakaria 9:9

Mifalia dia mifalia, ry mponin’i Tsiôna! Manaova fihobiana, ry vahoakan’i Jerosalema! Indro ny Mpanjakanareo avy aty aminareo; marina sady mandresy Izy, feno halemem-panahy sady mitaingina boriky, dia boriky tanora zana-borikivavy.

Jaona 12:15

«Aza matahotra, ry mponina ao Tsiôna! Indro fa tonga ny Mpanjakanareo mitaingina zana-boriky!»