Isaia 1:4 - DIEM PROTESTANTA

⁴ Loza! firenena mpanota ianao, ry Joda; vahoaka mivesatra heloka ianareo, solofon’ny mpanao ratsy, taranaka lomorina! Nilaozanareo ny TOMPO, nataonareo tsinontsinona ilay Masin’i Israely, fa niamboho Azy ianareo.

Baiboly Protestanta Malagasy 2011

⁴ Indrisy! Firenena mpanota, olona mavesa-keloka, taranaka mpanao ratsy, zanaka mpanao meloka! Nahafoy NY TOMPO izy, nanamavo ny Iray Masin’ny Israely, efa nikomy izy.

Dikateny Iombonana Eto Madagasikara

⁴ Loza! firenena mpanota ianao, ry Joda; vahoaka mivesatra heloka ianareo, solofon’ny mpanao ratsy, taranaka lomorina! Nilaozanareo ny TOMPO, nataonareo tsinontsinona ilay Masin’i Israely, fa niamboho Azy ianareo.

Baiboly Katolika

⁴ Adray! ry ilay firenena mpanota, vahoaka mavesa-keloka, tarana-dratsy, zana-meloka! Nandao an’i Iaveh izy ireo, naniratsira an’Ilay Masin’i Israely, nihataka nihemotra.

Baiboly Protestanta Malagasy

⁴ Indrisy! firenena mpanota, olona mavesa-keloka, Taranaka mpanao ratsy, zanaka mpanao meloka! Efa nahafoy an’i Jehovah izy, Efa nanamavo ny Iray Masin’ny Isiraely, Efa nihodina izy.

Malagasy Bible

⁴ Indrisy! firenena mpanota, olona mavesa-keloka, Taranaka mpanao ratsy, zanaka mpanao meloka! Efa nahafoy an'i Jehovah izy, Efa nanamavo ny Iray Masin'ny Isiraely. Efa nihodina izy.

La Bible en Malgache

⁴ Indrisy! Firenena mpanota, olona mavesa-keloka, taranaka mpanao ratsy, zanaka mpanao meloka! Nahafoy NY TOMPO izy, nanamavo ny Iray Masin’ny Israely, efa nikomy izy.

Isaia 1:4 Rohy Ifampitohizana

Genesisy 13:13

Ny mponina tao Sôdôma dia tena ratsy toetra sady nanota mafy tamin’ny TOMPO.

2Mpanjaka 21:22

Nandao ny TOMPO Andriamanitry ny razany izy fa tsy nanaraka ny sori-dalan’ny TOMPO.

2Tantara 12:1

Rehefa nampandry ny fanjakany sady nanamafy fahefana i Rehabohama, dia nandao ny lalànan’ny TOMPO na ny tenany na ny Israelita rehetra tatsimo.

2Tantara 27:2

Nanao izay mahitsy eo imason’ny TOMPO i Jôtama, tahaka izay nataon’i Hozià rainy, kanefa tsy mba niditra tao amin’ny Toeramasin’ny TOMPO. Saingy mbola niharatsy toetra ihany ny vahoaka.

Nehemia 1:7

efa nanao izay ratsy indrindra taminao izahay, ka tsy nitandrina ny didy sy lalàna amam-pitsipika nampitainao tamin’i Mosesy mpanomponao.

Salamo 58:3

Tsy izany, fa minia manao ny ratsy ianareo; ny herisetra ataonareo no afafinareo amin’ity tany ity.

Salamo 71:22

Izaho kosa hidera Anao amim-baliha noho ny toetranao mahatoky, ry Andriamanitro ô, sy hiredona salamo arahin-dokanga ho Anao, ry ilay Masin’i Israely.

Salamo 78:40

Impiry impiry akory moa ireo no efa nikomy taminy tany an-taniefitra ka nampahatezitra Azy tany an-tany foana!

Salamo 78:41

Fa nikiry nihantsy an’Andriamanitra izy ka nampalahelo an’ilay Masin’i Israely.

Salamo 78:57

nihemotra sy nivadika toy ireo razany izy, eny, nisampotina toy ny tsipîka manody.

Salamo 78:8

Amin’izay ireto tsy hanahaka ireo razany izay taranaka naditra sy nikomy, taranaka nanana fo niovaova sy fanahy tsy natoky an’Andriamanitra.

Salamo 89:18

Ianao no hery lehibe ho anay ary ny fitiavanao no hireharehanay,

Eksodosy 32:7

Dia nilaza tamin’i Mosesy ny TOMPO hoe: –Andeha midina izao ianao, fa efa nanao heloka bevava ny vahoaka izay navoakanao hiala tany Ejipta.

Isaia 1:23

Mpikomy ireo mpanapaka anao, sady mpiray tsikombakomba amin’ny mpangalatra. Samy tia tsolotra izy rehetra, ary mpandray kolikoly avokoa. Ny kamboty tsy entiny ara-drariny ary ny adin’ny mpitondratena tsy tsarainy.

Isaia 1:28

Fa ny mpikomy sy ny mpanota kosa dia hiara-potika, ary izay mahafoy ny TOMPO dia ho levona.

Isaia 10:6

Nirahiko izy hamely firenena tsy mpivavaka ary nalefako hamely vahoaka ratsy fanahy mba handroba sy hanangona babo avy aminy, ka hanosihosy azy toy ny fotaka eny an-dalambe.

Isaia 12:6

Mifalia sy miravoravoa, ry mponina ao Tsiôna, fa lehibe Ilay eo anivonareo, dia Ilay Masin’i Israely.

Isaia 14:20

nefa tsy mba halevina miaraka aminy ianao satria nanimba ny taninao sady namono ny vahoakanao. Tsy ho voatonona mandrakizay ny anaran’ny taranakao mpanao ratsy.

Isaia 29:19

Ny malahelo hiravoravo amin’ny TOMPO hatrany, ary ny mahantra ho dibo-kafaliana noho ny amin’Ilay Masin’i Israely.

Isaia 3:8

Eny, lavo i Jerosalema ary potraka i Joda; ka na ny tenin’ny olona na ny asany dia samy manohitra ny TOMPO sy mihantsy ny voninahiny eo imaso.

Isaia 30:1

Lozanareo zanaka maditra, hoy ny TOMPO! Manao tetikasa ianareo, nefa tsy avy amiko ireny; manao fifanekena, nefa tsy araka ny Fanahiko. Heloka ampiana heloka izany.

Isaia 30:15

Izao no lazain’ny Tompo ANDRIANANAHARY, dia ilay Masin’i Israely: Ho voavonjy ianareo, raha miverina amiko sady milamina; hahery ianareo, raha tony sy matoky Ahy. Kanefa tsy mety ianareo,

Isaia 30:9

Fa vahoaka maditra izy ireo, zanaka mandainga, tsy mety mihaino ny fampianaran’ny TOMPO.

Isaia 31:2

Izy koa anefa mahay zavatra, afaka mahatonga loza ary tsy mitsoaka amin’izay nolazainy. Eny, ny TOMPO efa nitsangan-kamely ny antokon’ny olon-dratsy ary koa ireo mpanao heloka izay fitadiavam-pamonjena.

Isaia 37:23

Fa iza moa no voatevatevanao sy nompanao? Ary iza no nanaovanao lela miakatra sy niandranandranan’ny masonao? Tsy iza fa Izaho Ilay Masin’i Israely!

Isaia 41:14

Hoy ny teny hentitry ny TOMPO hoe: Aza matahotra ianao, ry vahoaka Israely, firenen’i Jakôba, lazaina hoe mora vonoina toa kankana. Izaho TOMPO mihitsy no tonga hamonjy anao, Izaho ilay Masin’i Israely no mpanavotra anao.

Isaia 41:16

Hokororohinao hoentin’ny rivotra izy sy haelin’ny tadio; fa ianao kosa dia Izaho TOMPO no hifalianao ary Izaho ilay Masin’i Israely no hireharehanao.

Isaia 41:20

Amin’izay dia ho hitan’ny olona sy ho fantany, ary ho tsapany sy ho takany fa Izaho TOMPO, ilay Masin’i Israely, no namboatra sy nahary izany fanovana izany.

Isaia 5:19

Fa hoy indrindra izy ireo hoe: «Aoka ho tanteraka haingana dia haingana izay hataon’ny TOMPO, mba hojerenay! Aoka ho tonga amin’ny fotoany ny fikasan’Ilay Masin’i Israely fa tianay ho fantatra!»

Isaia 5:24

Noho izany, dia ho tahaka ny mololo voadoron’ny afo sy ho tahaka ny bozaka levonin’ny afo no hanjo azy. Ho lò avy any am-potony izy ka ho lasa vovoka ny voniny, satria nariany ny fampianarana naroson’ny TOMPOn’izao rehetra izao ary notsiratsirainy ny tenin’ilay Masin’i Israely.

Isaia 57:17

Ny fahadisoan’ny vahoakako no nahatezitra Ahy vetivety. Noho Izaho tezitra no nikapohako azy sady tsy netezako hijery azy. Nefa nikomy hatrany izy ka nanaraka ny ditran’ny fony,

Isaia 58:2

Isan’andro isan’andro dia mitady Ahy izy ary maniry hahafantatra ny lalako, tahaka ny firenena iray manao ny marina ka tsy nanary ny fitsipik’Andriamaniny. Ny fitsarana araka ny rariny no angatahiny amiko ary ny fanatrehako azy no zavatra irîny.

Isaia 65:11

Ianareo izay nandao Ahy TOMPO kosa ka nanadino ny mankeny an-tendrombohitro masina, ianareo izay nandroso sakafo ho an’i Gada sady nanatitra divay voaharoharo ho an’i Menỳ,

Isaia 65:3

Vahoaka mampahatezitra Ahy mandrakariva izany; sady eo imasoko no anaovany sorona eny an-tanimboly sy andoroany zava-manitra mifangaro eny amin’ny alitara tanimanga ho fanajana ny andriamani-kafa.

Isaia 9:17

Eny, midedadeda tokoa ny faharatsiana toy ny afo mandoro ny tsilo sy ny songosongo sady mandrehitra ny kirihitr’ala ka mampisavoana ny setroka mitambolina.

Jeremia 15:6

Ianao no nandao Ahy sy niamboho Ahy, hoy ny teny hentitra avy amiko TOMPO. Koa nahinjitro hamely anao ny tanako mba handevona anao fa efa sasatry ny mandefitra Aho.

Jeremia 2:13

Faharatsiana roa sosona no nataon’ny vahoakako: fa sady nahafoy Ahy loharano velona izy no nihady lava-drano ho azy, kanjo lava-drano mitriatra ireny ka tsy nahatan-drano.

Jeremia 2:17

Ny nahatonga izany taminao ve tsy noho ny nandaozanao ny TOMPO Andriamanitrao tamin’ny andro nitantanany anao teny an-dalana?

Jeremia 2:19

Aoka ho voasazy ianao noho ny ratsy nataonao ary hofaizina noho ny fivadihanao! Ho fantatrao amin’izay fa mangidy sy ratsy ny nandaozanao Ahy TOMPO Andriamanitrao sy ny tsy anajanao Ahy intsony, hoy ny teny hentitry ny Tompo, ANDRIAMANITR’izao rehetra izao.

Jeremia 2:31

Aoka hodinihinareo ny tenin’ny TOMPO ry taranaka ankehitriny! Moa ve efa nanjary mahatahotra toy ny taniefitra na toy ny tany ao anaty haizina Aho, ry Israely? Ry vahoakako, nahoana no ilazanareo hoe: «Efa afaka izahay ka tsy hiverina aminao intsony?»

Jeremia 2:33

Endrey izany tetikao hitady fitia, hany ka nihazatra nanao heloka ianao!

Jeremia 2:5

fa izao no lazainy aminareo: Inona moa no hadisoana hitan’ny razanareo tamiko no dia nanalavitra Ahy TOMPO izy? Nandeha nanaraka zava-poana izy ka dia tonga zava-poana koa!

Jeremia 32:32

Nanao izay nampalahelo Ahy ny Israelita sy ny Jodeanina tamin’ny ratsy rehetra nataony, dia ny mpanjakany sy ny mpitondrany ary ny mpisorony sy ny mpaminaniny mbamin’ireo olon’i Joda sy ny mponina eto Jerosalema.

Jeremia 50:29

Antsoy ny mpandefa zana-tsipîka, dia ireo rehetra mpanenjana tsipîka, ka vorio hamely an’i Babilôna. Aoka ireo hitoby manodidina azy ka tsy hamela ny mponiny ho afa-miala. Aoka hovaliana araka ny ratsy nataony izy ka izay rehetra nataony tamin’ny hafa no mba ampiharo aminy kosa! Satria izy niavonavona tamin’ny TOMPO, dia tamin’ilay Masin’i Israely.

Jeremia 51:5

Satria manenika an’i Babilônia ny fahotany tamin’ilay Masin’i Israely. –Ilay Andriamanitra TOMPOn’izao rehetra izao kosa tsy mba namela an’i Israely sy i Joda ho mpitondratena.–

Jeremia 7:19

Koa mampahasosotra Ahy tokoa ve izy, hoy ny teny hentitry ny TOMPO. Tsia, fa ny tenany ihany no ampahasosoriny, ka hampahamenatra azy izany.

Jeremia 7:26

Nefa tsy nihaino Ahy ianareo sady tsy niraharaha Ahy fa nanamafy hatoka sy nanao ratsy mihoatra noho ny razanareo aza.

Ezekiela 14:5

Ary ny valin-teniko dia hambabo ny fon’ny Israelita, izay nandao Ahy noho ny fitiavany ny sampiny.›

Ezekiela 16:33

Ny vehivavy janga dia mila tambiny fa ianao kosa manome tambiny ho an’ireo lehilahinao; eny, nandoa vola taminy ianao mba hiaviany avy eny amin’ny manodidina handry aminao.

Ezekiela 16:45

Hay tokoa moa ianao no zanakavavin-dreninao, dia ilay vehivavy nankahala ny vady aman-janany. Mitovy amin’ireo rahavavinao izay nankahala ny vady aman-janany ianao. Hetita ny reninareo ary Amôrita ny rainareo.

Daniela 9:11

Nandika ny lalànao i Israely manontolo, ary nihodina tsy hihaino ny feonao; ka dia natosakao taminay ny ozona sy ny fianianana voasoratra tao amin’ny lalànan’i Mosesy mpanomponao, satria nanota taminao izahay.

Zefania 1:6

Holevoniko izay mihataka miala amiko TOMPO ka tsy mitady AHY sady tsy mila hevitra amiko.»

Nomery 32:14

Ary ianareo, ry andian’olona mpanota, indreo ianareo fa manara-dia ireo rainareo ka hampirehitra indray ny fahatezeran’ny TOMPO amin’ny Israelita.

Matio 11:28

Mankanesa atỳ amiko ianareo rehetra torovana sy vesaran’ny lalàna, fa Izaho no hanome fialan-tsasatra anareo.

Matio 23:33

–Ry bibilava, tarana-menarana, hataonareo ahoana no fandositra tsy ho voaheloka any amin’ny lohasahan’afo?

Matio 3:7

Rehefa hitan’i Jôhany ny Farisianina sy ny Tsadoseanina maro nanatona azy mba hataony batisa, dia nilazany hoe: –Ry tarana-menarana, iza no nanoro hevitra anareo mba handositra tsy ho tratra amin’ny hatezeran’Andriamanitra izay efa antomotra.

Romana 8:7

Ny firònan’ny maha olona mpanota dia mifanohitra amin’Andriamanitra, ka tsy manoa sady tsy afa-manoa ny lalànan’Andriamanitra akory.

1Korintiana 10:22

Sa te hampahasaro-piaro ny Tompo ve isika? Mihevitra ho mahery noho Izy Tompo ve isika?

Deoteronomia 29:25

kanjo nandeha nanompo andriamani-kafa izy ka niankohoka teo anatrehan’ireny andriamanitra tsy fantany sady tsy navela hotompoiny ireny.

Deoteronomia 31:16

Dia hoy ny TOMPO tamin’i Mosesy: –Indro hodimandry any amin’ny razanao ianao; ary ity vahoaka ity kosa hiainga hanompo sampy ka hanaraka andriamani-kafa tompoina any amin’ny tany izay efa hidirany honenana. Hilaozany Aho ary hivadihany ny fanekempihavanana izay nataoko taminy.

Deoteronomia 32:19

Hitan’ny TOMPO ka nampisafoaka Azy ny zanany izay naniratsira Azy;

Deoteronomia 32:5

Nanjary simba ianareo, ka tsy zanany intsony fa feno tsiny; taranaka melo-tsaina sady mpivadibadika.

Kolosiana 1:24

Ankehitriny aho dia mifaly amin’ny fijaliana iaretako noho ny aminareo, satria miferinaina ara-batana aho ka mameno izay tsy ampy tamin’ny fahorian’i Kristy ho an’ny tenany, izany hoe ho an’ny Fiangonana.

Apokalipsy 18:5

satria efa niavosa nitehika tamin’ny lanitra ny fahotany ary tsy hadinon’Andriamanitra ny hanasazy ny ratsy nataony.

Mpitsara 10:10

Noho izany dia niantso vonjy tamin’ny TOMPO izy ka nanao hoe: –Nanota taminao izahay, satria nandao Anao Andriamanitray ka nanompo ny Bahala andriamani-tsiizy.