Hosea 9:6 - DIEM PROTESTANTA

⁶ Rehefa tonga ny fandringanana ka mihahaka ny vahoaka, dia hanangona anareo i Ejipta; saingy Memfisa no ho fasanareo. Ho lovan-tsongosongo ny fana-bolafotsinareo sarobidy ary ho tongan’ny tsilo ny fonenanareo.

Baiboly Protestanta Malagasy 2011

⁶ Fa e! Lasa nandositra ny fandringanana izy; i Ejipta no hanangona azy, i Memfisa no handevina azy; ho rakotry ny songosongo mandady ny fanaka volafotsiny sarobidy; tsilo no ho ao an-dainy.

Dikateny Iombonana Eto Madagasikara

⁶ Rehefa tonga ny fandringanana ka mihahaka ny vahoaka, dia hanangona anareo i Ejipta; saingy Memfisa no ho fasanareo. Ho lovan-tsongosongo ny fana-bolafotsinareo sarobidy ary ho tongan’ny tsilo ny fonenanareo.

Baiboly Katolika

⁶ Fa indro lasa izy ireo teo anatrehan’ny fandringanana: i Ejipta handray azy, ary i Memfisy handevina azy; ny fanaka volafotsiny sarobidy, ho rembin’ny beroberok’amboa ny lainy ho tongan’ny tsilo.

Baiboly Protestanta Malagasy

⁶ Fa he! lasa izy noho ny fandringanana; Egypta no hanangona azy, Memfisa no handevina azy; Ny fana-bolafotsiny mahafinaritra dia ho lasan’ny amiana, Tsilo no ho ao an-dainy.

Malagasy Bible

⁶ Fa he! lasa izy noho ny fandringanana; Egypta no hanangona azy, Memfisa no handevina azy; Ny fana-bolafotsiny mahafinaritra dia ho lasan'ny amiana, tsilo no ho ao an-dainy.

La Bible en Malgache

⁶ Fa e! Lasa nandositra ny fandringanana izy; i Ejipta no hanangona azy, i Memfisa no handevina azy; ho rakotry ny songosongo mandady ny fanaka volafotsiny sarobidy; tsilo no ho ao an-dainy.

Hosea 9:6 Rohy Ifampitohizana

2Mpanjaka 13:7

Tamin’ny farany ny tafik’i Jôahaza dia tsy nisy afa-tsy mpitaingin-tsoavaly dimampolo sy kalesy folo ary miaramila mpandeha an-tongotra antokony folo; fa maro taminy no efa naringan’ny mpanjakan’i Siria sy nataony ho toy ny vovoka hohitsahin’ny olona.

Salamo 107:34

ary ny tany lonaka ho tanin-tsira, noho ny faharatsian’ny mponina eo.

Ohabolana 24:31

Indro tsilo sy ahidratsy sisa no hitako hatraiza hatraiza; ary ny fefy vato manodidina dia nirodana.

Isaia 11:11

Amin’izany andro izany ny Tompo dia haninjitra ny tanany indray mba hanavotra izay sisa velona amin’ny vahoakany, dia izay sisa velona avy any Asiria, avy any Ejipta ambany sy ambony ary avy any Etiôpia, avy any Helama sy Babilônia ary avy any Hamata na avy amin’ireo tany amoron-dranomasina.

Isaia 19:13

Lasa adala ny printsin’i Tsôhàna ary tena voafitaka ny ao Memfisa; ireo filohan’ny faritaniny ireo ihany no nampivembena an’i Ejipta.

Isaia 27:12

Amin’izany andro izany, dia hovelesin’ny TOMPO ireo salohim-bary voajinja manomboka eo amin’ny ony Eofrata ka hatrany amin’ny ranon-driakan’i Ejipta. Amin’izay ianareo, ry Israelita, dia samy hotsimponina tsirairay.

Isaia 32:13

malahelova amin’ny tanin’ny vahoakako izay rakotry ny kirihitra tsilo; eny, malahelova tokoa ianareo; ny amin’ny korana fanao isan-trano eto amin’ity tanàna revon-danonana ity.

Isaia 34:13

Haniry tsilo ny lapan’ny mpanjaka; ary songosongo sy voaroy no hanenika ny trano fiarovany. Ho fonenan’ny amboadia sy sehatry ny vorombe ireo,

Isaia 5:6

Hataoko tany lava volo ilay voaloboko ka tsy hisy hanety sy hiava azy intsony, fa tsilo sy songosongo no hitsiry eo; ary horarako mafy ny rahona tsy handatsaka ranonorana aminy.»

Isaia 7:23

Amin’izany andro izany koa ny saha rehetra nisy voaloboka arivo fototra izay mitentina volafotsy arivo dia ho rakotry ny tsilo sy ny songosongo.

Jeremia 2:16

Na dia ny mponina tao Memfisa sy tao Tahapanehesa aza mba nanety ny lohanao hangadihady, ry Israely.

Jeremia 42:22

Noho izany, dia aoka ho fantatrareo tokoa fa ho fatin’ny ady sy ny mosary ary ny areti-mandringana ianareo any amin’io tany izay tianareo haleha hialokalofana io!

Jeremia 44:1

Nisy hafatra tonga tamin’i Jeremià ho an’ny Jodeanina rehetra izay nonina tany Ejipta tao an-tanànan’i Migdôla sy i Tahapanehesa sy i Memfisa ary tao amin’ny faritanin’i Patrôsa. Ka hoy i Jeremià taminy:

Jeremia 44:12

Halaiko ireo Jodeanina sisa tavela izay nanapa-kevitra handeha hialokaloka any Ejipta, ka ho lany ritra izy rehetra. Any amin’io tany io no hahalavoany sy hahalany ritra azy amin’ny ady sy ny mosary; eny, toy izany no hahafaty azy na ny kely na ny lehibe. Dia hatao ohatra filazàn-javatra maharikoriko sy mampivarahontsana na filazana ozona sy latsa ireo.

Jeremia 44:13

Hirotsaka an-tsehatra hamely izay monina any Ejipta Aho, tahaka izay namelezako ny mponina tao Jerosalema tamin’ny ady sy ny mosary ary ny areti-mandringana.

Jeremia 46:14

Ambarao any Ejipta ny vaovao ary ampandreneso ao Migdôla sy ao Memfisa ary ao Tahapanehesa, ka ataovy hoe: «Mivonòna hiady ary miomàna, fa efa ripaky ny ady ny manodidina anao.»

Jeremia 46:19

Ry mponina any Ejipta ô, mifeheza entana mba handeha any amin’ny fahababoana. Fa hodorana ny tanànan’i Memfisa, ka ho lao tsy hisy mponina intsony.

Ezekiela 30:13

«Izao no lazain’ny Tompo ANDRIANANAHARY: Horavako tanteraka ireo sampy sy andriamani-tsiizy an’i Memfîsa. Tsy hisy mpitondra intsony any Ejipta ary hataoko manenika io tany io ny tahotra.

Ezekiela 30:16

Hodorako amin’ny afo i Ejipta. Hisavoritaka ny mponina ao Sina; ary hisy vaky ny mandan’i Nao ka ho safotry ny rano ilay tanàna.

Hosea 10:8

Ho rava ireo toeram-panasinana: izany no hadisoana sy fahotan’i Israely. Songosongo aman-tsilo no handadina ny alitarany. Amin’izay no hitenenana hoe: «Ry tendrombohitra, saròny izahay!» «Ry havoana, mianjerà aminay».

Hosea 11:11

Avy any Ejipta koa izy no hanatona amin-kovitra toa voronkely, ary avy any Asiria no hanatona amin-kovitra toa domohina; ka dia hoentiko miverina any an-tranony indray izy. Izaho TOMPO no manao izany teny hentitra izany.

Hosea 2:6

Tsy ho tia ireo zanany Aho satria zanaky ny fivarotan-tena ireny.

Hosea 7:11

I Efraîma dia tahaka ny domohina izay adaladala sady tsy manan-tsaina; miantso an’i Ejipta izy, ary mankany Asiria.

Hosea 7:13

«Lozan’ireo olon’i Efraîma, satria nandositra Ahy izy. Faharavana no eo aminy, satria nikomy tamiko izy! Ny tenako dia te hanavotra azy; fa izy kosa milaza lainga, isaky ny miteny momba Ahy.

Hosea 7:16

Raha misy ny fiverenany, dia tsy ho amiko ilay Avo izany; fa mandiso fanantenana tahaka ny tsipîka ketraka izy. Ho lavon-tsabatra ny mpifehy azy noho ny fitsaontsaom-bavany; izany no handatsana azy any Ejipta!

Hosea 8:13

Mahavatra manatitra sorona izy satria te hihinan-kena. Nefa Izaho TOMPO tsy faly amin’izany; ankehitriny tsaroako ny heloka nataony ary teteziko tsirairay ny fahotany. Tsy maintsy hiverina any Ejipta izy.

Hosea 9:3

I Efraîma dia tsy hahazo monina intsony eo amin’ny tanin’ny TOMPO; fa tsy maintsy hiverina any Ejipta izy na hankany Asiria hihinan-java-pady.

Levitikosy 26:33

Ianareo kosa, ady no hapoakako hamelezana anareo ka haeliko any amin’ny firenen-kafa ianareo; dia ho lao ny taninareo ary ho rava ny tanànanareo.

Zefania 1:11

Midradradradrà ianareo, ry mponina an-tanàna ambany, fa ho faty avokoa ny mpivarotra, ho lany ringana avokoa ny mpandranto.

1Samoela 13:6

Rehefa hitan’ny Israelita fa tandidomin-doza izy, dia lasa ny olona niery tany anaty zohy, sy tany anaty kirihitra, tany amin’ny harambato sy tany ambanin’ny tany, ary tany an-dava-pantsakana.