Hosea 4:16 - DIEM PROTESTANTA

¹⁶ Fa mafy hatoka toy ny ombivavy tsy mety ziogaina i Israely. Koa nahoana ny TOMPO no hitondra azy toy ny zanak’ondry andrasana eny an-kijana?

Baiboly Protestanta Malagasy 2011

¹⁶ Fa maditra toy ny vantotra ombivavy maditra ny Israely; koa ankehitriny dia handrasan’NY TOMPO toy ny zanak’ondry eny amin’ny malalaka izy.

Dikateny Iombonana Eto Madagasikara

¹⁶ Fa mafy hatoka toy ny ombivavy tsy mety ziogaina i Israely. Koa nahoana ny TOMPO no hitondra azy toy ny zanak’ondry andrasana eny an-kijana?

Baiboly Katolika

¹⁶ Satria i Israely efa naditra, toy ny vantotr’ombivavy mitokona; ankehitriny kosa i Iaveh hiandry azy toy ny zanak’ondry eny amin’ny tany lemaka malalaka.

Baiboly Protestanta Malagasy

¹⁶ Fa ny Isiraely dia maditra toy ny vantotr’ombivavy maditra; Ankehitriny dia handrasan’i Jehovah toy ny zanak’ondry eny amin’ny malalaka izy.

Malagasy Bible

¹⁶ Fa ny Isiraely dia maditra toy ny vantotr'ombivavy maditra; Ankehitriny dia handrasan'i Jehovah toy ny zanak'ondry eny amin'ny malalaka izy.

La Bible en Malgache

¹⁶ Fa maditra toy ny vantotra ombivavy maditra ny Israely; koa ankehitriny dia handrasan’NY TOMPO toy ny zanak’ondry eny amin’ny malalaka izy.

Hosea 4:16 Rohy Ifampitohizana

Salamo 78:8

Amin’izay ireto tsy hanahaka ireo razany izay taranaka naditra sy nikomy, taranaka nanana fo niovaova sy fanahy tsy natoky an’Andriamanitra.

Isaia 22:18

sy hahorony toy ny bolabolan-javatra ka hakodiadiany ho any amin’ny tany anankiray izay misy faritra malalaka. Any no hahafaty ny tenanao mbamin’ny kalesim-boninahitrao, ry ilay manala baràka ny ao an-tranon’ny tomponao.

Isaia 30:23

Handrotsaka ranonorana ny Tompo ho an’ny voa izay nafafinao any an-tsaha, ka ny sakafo hovokarin’ny tany dia sady ho betsaka no hatsiro. Amin’izany andro izany, ny biby fiompinao dia hiraoka amin’ny kijàna midadasika.

Isaia 5:17

Eny amin’ny tanàna rava eny no hiraofan’ny zanak’ondry toy ny any amin’ny tany fiandrasana azy; eny koa ny zanak’osy afahy no hitady ny sakafony.

Jeremia 14:7

TOMPO ô, miampanga anay ny fahadisoanay; nefa miasà Ianao ho voninahitry ny anaranao. Niodina taminao matetika izahay; taminao no nanotanay.

Jeremia 3:11

Fa mbola niteny tamiko indray ny TOMPO hoe: –Toa marimarina ihany i Israely mpiodina raha miohatra amin’i Joda mpivadika.

Jeremia 3:6

Tamin’ny andron’i Jôsià mpanjaka dia hoy ny TOMPO tamiko: –Hitanao ve izay nataon’i Israely mpiodina? Nankeny amin’ny havoana rehetra sy teny am-pototry ny hazo maitso rehetra izy ka nanolo-tena hijangajanga.

Jeremia 3:8

Hitany fa nomeko taratasy fisaoram-bady i Israely mpiodina, ary nisaorako noho izy nijangajanga. Kanefa tsy natahotra akory i Joda mpivadika fa mba lasa koa aza izy nijangajanga.

Jeremia 31:18

Reko tsara mihitsy ny olon’i Efraîma nitaraina hoe: ‹TOMPO ô, nofaizinao izahay ary dia manaiky hofaizinao tahaka ny ombilahy tanora tsy tena folaka. Nefa ampodio aminao izahay mba hiverenanay tokoa aminao, satria Ianao, TOMPO ô, no Andriamanitray.

Jeremia 5:6

Noho izany dia hivoaka hamely azy avy ao amin’ny kirihitr’ala ny liona; ary handrotidrotika azy eny an-tsaha ny amboadia. Ny leôparda hamitsaka eo akaikin’ny tanànany ka hamiravira izay rehetra mivoaka avy ao, satria nohamaroiny ny fahadisoany ary tsy hita isa ny fiodinany.

Jeremia 7:24

Kanjo tsy nihaino sady tsy niraharaha Ahy izy fa nanaraka ny heviny araka ny ditran’ny fony. Tsy nitodika tamiko izy fa niamboho Ahy.

Jeremia 8:5

Koa nahoana àry ity vahoaka ity, no niodina, ry Jerosalema, ka mikiribiby amin’izany fiodinany izany? Mifikitra amin’ny andriamani-tsiizy izy ka tsy mety miverina amiko.

Hosea 10:11

I Efraîma dia ombivavy kely efa voafolaka tsara ary tia mively vary. Raha nahita ny vozony tsara tarehy aho, dia nanisy zioga azy: ka i Joda hiasa tany ary i Israely handravona.

Hosea 11:6

Hisy ady mafotaka ao an-tanànany, ka handrava ny fiarovany ary hahatonga fandripadripahana; izany no vokatry ny pôlitikan’i Israely.

Hosea 11:7

Minia miodina amiko ny vahoakako; ary antsoina mba hanatona Ahy ilay Avo izy fa tsy misy mety miainga izy rehetra.

Levitikosy 26:33

Ianareo kosa, ady no hapoakako hamelezana anareo ka haeliko any amin’ny firenen-kafa ianareo; dia ho lao ny taninareo ary ho rava ny tanànanareo.

Zakaria 7:11

Kanefa tsy nety nihaino izany ny olona; fa nanainga soroka ho fandavana izy sady nanentsin-tadiny mba tsy handre.

1Samoela 15:11

–Tena nanenenako ny nanaovako an’i Saoly ho mpanjaka, satria nivadika tamiko izy ka tsy nanaraka ny teniko. Tezitra sady nalahelo i Samoela, ka nitaraina mafy tamin’ny TOMPO ny alina tontolo.