Hosea 10:14 - DIEM PROTESTANTA

¹⁴ Koa hitrangan-tabataban’ady ny vahoakanao, ary ho rava avokoa ny tanànamimandanao, tahaka ny nandravan’i Salmàna an’i Bety-Arbèla tamin’ny andro niadiana izay nahatorotoro ireo reny mbamin’ireo zanany.

Baiboly Protestanta Malagasy 2011

¹⁴ dia hisy tabataba hamelezana ny olonao ka horavana ny tanànanao mimanda rehetra, toy ny nandravan’i Salamana an’i Bety-Arbela tamin’ny andro niadiana ka niara-torotoro ny reniny sy ny zanany.

Dikateny Iombonana Eto Madagasikara

¹⁴ Koa hitrangan-tabataban’ady ny vahoakanao, ary ho rava avokoa ny tanànamimandanao, tahaka ny nandravan’i Salmàna an’i Bety-Arbèla tamin’ny andro niadiana izay nahatorotoro ireo reny mbamin’ireo zanany.

Baiboly Katolika

¹⁴ Indro velona ny tabataba ao amin’ny vahoakanao, ary horavana avokoa ny tanàna mimandanao, tahaka ny nandravan’i Salmanà an’i Beta-Arbela, tamin’ny andron’ny ady izay nahatorotoro ny reniny teo ambonin’ny zanany.

Baiboly Protestanta Malagasy

¹⁴ Dia hisy tabataba hamelezana ny olonareo, Ka horavana ny tanànanareo mimanda rehetra, Toy ny nandravan’i Salamana an’i Bet-arbela tamin’ny andro niadiana, Ka torotoro avokoa ny reniny mbamin’ny zanany.

Malagasy Bible

¹⁴ Dia hisy tabataba hamelezana ny olonareo, ka horavana ny tanànareo mimanda rehetra, toy ny nandravan'i Salamana an'i Bet-arbela tamin'ny andro niadiana, ka torotoro avokoa ny reniny mbamin'ny zanany.

La Bible en Malgache

¹⁴ dia hisy tabataba hamelezana ny olonao ka horavana ny tanànanao mimanda rehetra, toy ny nandravan’i Salamana an’i Bety-Arbela tamin’ny andro niadiana ka niara-torotoro ny reniny sy ny zanany.

Hosea 10:14 Rohy Ifampitohizana

Genesisy 32:11

Tsy mendrika an’ireo mari-pitiavana sy zavatra azo antoka rehetra izay nataonao tamiko mpanomponao akory aho, satria tsy nanana afa-tsy tehina ny tenako raha niampita an’ity Jôrdàna ity, ary ankehitriny kosa efa tonga antokony roa.

2Mpanjaka 17:16

Nafoiny avokoa ny didin’ny TOMPO Andriamaniny, ka nanao sarivongan’ombilahikely anankiroa izy sy nanangana tsatokazo fanajana an’i Aserà ary niankohoka teo anatrehan’ny planeta aman-kintana sady nanompo an’i Bahala.

2Mpanjaka 17:3

Tonga nanafika azy i Salmanesera mpanjakan’i Asiria, koa dia nanaiky handoa hetra ho azy i Hôsea.

2Mpanjaka 18:33

Moa nisy nahavonjy ny taniny tsy hiharan’ny fahefàko ve ireo andriamanitry ny firenen-kafa?

Isaia 17:3

Tsy hisy manda fiarovana intsony any Efraîma; tsy hisy fanjakana intsony koa any Damasy, ary izay sisa tavela amin’ny Sirianina dia tsy hisy lanjany noho ny Israelita. Izany no teny hentitry ny TOMPOn’izao rehetra izao.

Isaia 33:14

Raiki-tahotra ny mpanota ao Tsiôna, mangovitra ireo mpihatsaravelatsihy: «Iza amintsika, hoy izy, no hahajanona eo anilan’izao afo mandevona izao? Iza amintsika no hahatanty an’izao afo tsy misy farany izao?»

Jeremia 13:14

Hampifandrotehiko ny olona ka ny ray aman-dreny hamely ny zanany, hoy ny teny hentitra avy amiko TOMPO. Tsy hitsitsy na hiantra na hamindra fo Aho fa handringana azy.»

Jeremia 48:41

Azon’ny fahavalo ireo tanàna, azony ny toera-mimanda. Ary amin’izany andro izany na dia ireo miaramila maherifon’i Môaba aza, dia manaintaina toy ny vehivavy mihetsi-jaza.

Hosea 10:15

Toy izany no hanjo anareo, ry vahoakan’i Israely, noho ny haratsiana mihoa-pampana vitanareo. Vao maraina ny andro, dia ho faty ny mpanjakan’i Israely.»

Amosa 3:14

«Amin’ny andro hamaliako ny Israely noho ny helony, dia horavako ireo alitara ao Betela; hopotehiko ny tandroky ny alitara isanisany, ka hianjerazera amin’ny tany.

Amosa 3:8

Ny liona no nierona, ka iza no tsy hatahotra? Ny Tompo ANDRIANANAHARY no niteny, ka iza no tsy hampita ny hafatra ampitondrainy?

Amosa 9:5

Ny Tompo ANDRIAMANITR’izao rehetra izao, vao manendry ny tany, dia mampihovotrovotra azy; misondrotra sy mietry ny tany manontolo tahaka an’i Neily, onin’i Ejipta; ary misaona ny maty ireo mponina rehetra ao aminy.

Mika 5:11

Hofoanako tsy ho eo an-tanànanareo ny fanaovana ody ratsy ary tsy hisy eo aminareo intsony ny mpanandro.

Nahoma 3:10

Nefa na ny mponin’i Teba koa aza dia lasan-ko babo sy voasesitany. Ny zaza teo aminy dia novonoin-ko faty teny an-joron-dàlana rehetra teny, ny loholony notsinjaraina an-tsapaka, ary ny lehibeny rehetra nasiana gadra vy.

Nahoma 3:12

Ny manda mafy rehetra anananao dia ho toy ny aviavy efa masa-boa; raha hohozongozonina ny fototra, dia hihintsana eo am-bavan’izay te hihinana azy.

Habakoka 1:10

Tsy raharahany akory izay mpanjaka, ary dia ihomehezany ny mpanapaka. Tsy mampihontsina azy izay tanànamimanda; tovon-tany no asavovony, dia afany ireny.