Hebreo 4:8 - DIEM PROTESTANTA

⁸ Raha tàhiny efa vitan’i Josoa ny fanomezana fitsaharana ny vahoaka, dia tsy ho nilaza andro hafa indray Andriamanitra tatỳ aoriana.

Baiboly Protestanta Malagasy 2011

⁸ Fa raha i Josoa no nanome azy fitsaharana dia tsy mba ho nilaza andro hafa Izy tao aorianan’izany.

Dikateny Iombonana Eto Madagasikara

⁸ Raha tàhiny efa vitan’i Josoa ny fanomezana fitsaharana ny vahoaka, dia tsy ho nilaza andro hafa indray Andriamanitra tatỳ aoriana.

Baiboly Katolika

⁸ Fa raha tahiny efa nomen’i Jôsoe izany fialan-tsasatra izany, dia tsy ho nilaza andro hafa intsony i Davida tatỳ aorian’izany;

Baiboly Protestanta Malagasy

⁸ Fa raha Josoa no nanome azy fitsaharana, dia tsy mba ho nilaza andro hafa Izy tao aorian’izany.

Malagasy Bible

⁸ Fa raha Josoa no nanome azy fitsaharana, dia tsy mba ho nilaza andro hafa Izy tao aorian'izany.

La Bible en Malgache

⁸ Fa raha i Josoa no nanome azy fitsaharana dia tsy mba ho nilaza andro hafa Izy tao aorianan’izany.

Hebreo 4:8 Rohy Ifampitohizana

1Tantara 7:27

i Nona zanakalahin’i Elisamà, i Josoa zanakalahin’i Nona.

Salamo 105:44

nomeny azy ny tanin’ireo hafa firenena ka izay nisasaran’izy ireny no lasany,

Salamo 78:55

noroahiny ny firenen-kafa teo anoloany, nozarainy antsapaka ho azy ny taniny; ka ny tranon’ireo firenen-kafa ireo ihany no nampitoerany ny fokon’i Israely.

Asan’ny Apostoly 7:45

Dia mbola noraisin’ireo razantsika tafaraka tamin’i Josoa ilay tranolay ary nentiny niditra tao amin’ny tany fananan’ireo hafa firenena; fa noroahin’Andriamanitra teo anoloan’ny razantsika manko ireo hafa firenena. Tao hatrany ilay tranolay mandra-pahatongan’ny andro nanjakan’i Davida.

Deoteronomia 12:9

Ianareo manko tsy mbola tonga any amin’ny toeram-pitsaharana, izay omen’ny TOMPO Andriamanitrareo ho fanananareo.

Deoteronomia 25:19

Hataon’ny TOMPO Andriamanitrareo mahazo fitsaharana ianareo izao ka tsy ho voahelingelin’ny fahavalo rehetra manodidina anareo any amin’ny tany izay omen’ny TOMPO Andriamanitrareo ho anjara fanananareo; dia hovonoinareo ho faty ny Hamalekîta amin’izay mba tsy hisy olona hahatsiaro azy intsony eto amin’izao tontolo izao. Aza hadinoinareo izany!

Hebreo 1:1

Efa imbetsaka ary tamin’ny fomba samihafa no nitenenan’Andriamanitra fahiny tamin’ny razantsika tamin’ny alalan’ireo mpaminany;

Hebreo 4:9

Koa dia mbola misy fitsaharana ho an’ny vahoakan’Andriamanitra, amin’ny andro fahafito.

Josoa 1:15

ambara-panomen’ny TOMPO azy toerana tahaka izay efa natao taminareo, ka hahazoan’ireo koa ny tany izay omen’ny TOMPO Andriamanitrareo azy any andrefan’i Jôrdàna. Aorian’izany vao hiverina ianareo mba hizaka ny taninareo ety andafy atsinanan’i Jôrdàna, tany izay nomen’i Mosesy mpanompon’ny Tompo anareo.

Josoa 11:23

Dia azon’i Josoa avokoa ilay tany, araka izay rehetra efa nambaran’ny TOMPO tamin’i Mosesy; ary nomen’i Josoa ho fananan’ny Israelita izany ka nozarazarainy araka ny fokony avy. Dia nitsahatra ny ady ka nandry ny tany.

Josoa 22:4

Ankehitriny, araka izay efa nampanantenainy, dia nomen’ny TOMPO Andriamanitrareo fandriampahalemana ny mpiray firenena aminareo; koa mahazo miverina any an-dainareo ianareo ankehitriny, any amin’ny tany izay efa nomen’i Mosesy mpanompon’ny TOMPO ho anareo eny ampita atsinanan’i Jôrdàna.

Josoa 23:1

Fotoana ela taorian’ny nanomezan’ny TOMPO fandriampahalemana ho an’i Israely ka nanafahany azy tamin’ireo fahavalo rehetra nanodidina azy, dia efa antitra be i Josoa.