Hebreo 3:16 - DIEM PROTESTANTA

¹⁶ Iza moa ireo nandre ny feon’Andriamanitra nefa niodina taminy? Ireo rehetra nentin’i Mosesy niala tany Ejipta.

Baiboly Protestanta Malagasy 2011

¹⁶ Fa iza moa no nahatezitra Azy rehefa nandre? Tsy izay rehetra noentin’i Mosesy niala tany Ejipta va?

Dikateny Iombonana Eto Madagasikara

¹⁶ Iza moa ireo nandre ny feon’Andriamanitra nefa niodina taminy? Ireo rehetra nentin’i Mosesy niala tany Ejipta.

Baiboly Katolika

¹⁶ Fa iza moa ireny nahasosotra Azy nony efa nandre ny feony? Moa tsy ireo rehetra nentin’i Môizy niala tany Ejipta va?

Baiboly Protestanta Malagasy

¹⁶ Fa iza moa no nahatezitra Azy, rehefa nandre? Tsy izay rehetra nentin’i Mosesy niala tany Egypta va?

Malagasy Bible

¹⁶ Fa iza moa no nahatezitra Azy, rehefa nandre? Tsy izay rehetra nentin'i Mosesy niala tany Egypta va?

La Bible en Malgache

¹⁶ Fa iza moa no nahatezitra Azy rehefa nandre? Tsy izay rehetra noentin’i Mosesy niala tany Ejipta va?

Hebreo 3:16 Rohy Ifampitohizana

Salamo 78:17

Kanjo nanohy ny fahotany ihany ireo ka nikomy tamin’ilay Avo Indrindra, tao amin’izany tany karankaina izany.

Salamo 78:40

Impiry impiry akory moa ireo no efa nikomy taminy tany an-taniefitra ka nampahatezitra Azy tany an-tany foana!

Jeremia 32:29

Eo am-panafihana azy ny Babilônianina izao ka ho tafiditra ao an-tanàna, dia handrava sy handoro azy amin’ny afo, indrindra ireo trano izay nampahasosotra Ahy satria teo amin’ny tafony marin-tampona no nandoroana zava-manitra mifangaro ho an’i Bahala sy nanolorana fanatitra divay ho an’ireo andriamani-kafa.

Jeremia 44:3

satria nampahasosotra Ahy ny mponina tao tamin’ireo ratsy nataony, fa nandeha nanao sorona sy nanompo ireo andriamani-kafa izay tsy misy ifandraisana aminy na aminareo na amin’ny razanareo akory izy.

Jeremia 44:8

Moa mitady hampahasosotra Ahy va ianareo amin’ny asan-tananareo sy ny fanoloranareo sorona ho an’ireo andriamani-kafa ao amin’ny tany Ejipta izay ialokalofanareo? Sa tianareo haringana ny tenanareo ka ho tonga oha-panozonana sy oha-pandatsana any amin’ny firenen-kafa rehetra eran-tany!

Nomery 14:11

Dia hoy ny TOMPO tamin’i Mosesy: –Mandra-pahoviana no hanamavoan’ity vahoaka ity Ahy? Ary mandra-pahoviana no handavany tsy hino Ahy, na dia teo aza ny famantarana rehetra izay nataoko teo aminy?

Nomery 14:2

Nimonomonona tamin’i Mosesy sy I Aharôna ny Israelita rehetra ka nanao hoe: –Tsara kokoa ho antsika ny maty tany Ejipta na koa maty tatỳ an-taniefitra.

Nomery 14:24

Fa i Kaleba mpanompoko, izay nanam-panahy hafa ka tsy nisalasala nanaraka Ahy, dia hampidiriko any amin’ny tany efa nalehany; ary hahazo izany tany izany ny taranany,

Nomery 14:30

Mianiana Aho fa tsy hisy hiditra amin’ny tany izay efa nampanantenaiko hamponenana anareo ianareo, afa-tsy i Kaleba zanakalahin’i Jefonè sy i Josoa zanakalahin’i Nona;

Nomery 14:38

Fa i Josoa zanakalahin’i Nona sy i Kaleba zanakalahin’i Jefonè no sisa velona tamin’ireo nandeha nisafo ny tany.

Nomery 14:4

Dia nifampilaza izy ireo nanao hoe: –Aoka isika hanendry mpitarika, dia hiverina any Ejipta!

Nomery 26:65

satria ny TOMPO efa nilaza fa ho faty any an-taniefitra ireo. Koa tsy nisy niangana tamin’ireo, afa-tsy i Kaleba zanakalahin’i Jefone ary i Josoa zanakalahin’i Nona.

Deoteronomia 1:38

fa i Josoa mpanomponao, i Josoa zanakalahin’i Nona, no hiditra any. Koa ampaherezo izy, fa izy no hampahazo ny Israelita izany tany izany.

Joda 1:5

Na dia efa fantatrareo aza ny zavatra rehetra, dia tiako hampahatsiarovina anareo ireto: rehefa novonjen’ny Tompo tanteraka ho afaka tany Ejipta ny vahokany, dia naringany ihany tatỳ aoriana izay tsy nino,