Genesisy 18:8 - DIEM PROTESTANTA

⁸ Dia nalainy ny dibera sy ronono ary ny zanak’omby efa voavoatra ka narosony tamin’ireo vahiny. Dia nihinana ireo fa i Abrahama kosa nitsangana teo akaikiny teo am-pototry ny hazo.

Baiboly Protestanta Malagasy 2011

⁸ Ary naka rononomandry sy ronono ary ilay zanak’omby namboariny izy, dia narosony teo anoloan’izy telo lahy; nijoro teo anilan’izy telo lahy teo ambanin’ny hazo izy raha mbola nisakafo ireo.

Dikateny Iombonana Eto Madagasikara

⁸ Dia nalainy ny dibera sy ronono ary ny zanak’omby efa voavoatra ka narosony tamin’ireo vahiny. Dia nihinana ireo fa i Abrahama kosa nitsangana teo akaikiny teo am-pototry ny hazo.

Baiboly Katolika

⁸ Avy eo i Abrahama dia nandeha faingana ho any amin’ny andian’omby, dia naka zanak’omby anankiray tanora sy tsara izy, ary nomeny ny mpanompony izay nahandro izany faingana; dia nandray mena-dronono sy ronono mbamin’ilay zanak’omby efa nandrahoina izy, ary narosony izany teo anoloan’izy ireo, ary izy kosa nitsangana teo anilany, teo am-poto-kazo. Ary nihinana izy ireo.

Baiboly Protestanta Malagasy

⁸ Ary Abrahama naka rononomandry sy ronono ary ilay zanak’omby efa namboariny, dia narosony teo anoloan’izy telo lahy; ary nijanona teo anilany teo ambanin’ny hazo izy, dia nihinana izy telo lahy.

Malagasy Bible

⁸ Ary Abrahama naka ronono mandry sy ronono ary ilay zanak'omby efa namboariny, dia narosony teo anoloan'izy telo lahy; ary nijanona teo anilany teo ambanin'ny hazo izy, dia nihinana izy telo lahy.

La Bible en Malgache

⁸ Ary naka rononomandry sy ronono ary ilay zanak’omby namboariny izy, dia narosony teo anoloan’izy telo lahy; nijoro teo anilan’izy telo lahy teo ambanin’ny hazo izy raha mbola nisakafo ireo.

Genesisy 18:8 Rohy Ifampitohizana

Genesisy 18:7

Avy teo i Abrahama dia nihazakazaka nankany amin’ny andian’ombiny ary naka zanak’omby matavy tsara ka nomeny ny mpanompony mba hamboariny haingana.

Genesisy 18:9

Ary nanontany izy telo lahy hoe: –Aiza i Sarà vadinao? Ka hoy ny navaliny azy: –Indro ao an-day izy.

Genesisy 19:3

Fa noteren’i Lôta fatratra izy, ka nivily ary niditra tao an-tranony. Dia nanamboarany sakafo sy nanendasany mofo tsy misy leviora ireo, ka nihinana.

Nehemia 12:44

Tamin’izay koa dia nisy olona notendrena hitandrina ny efitrano fitehirizana ny fanatitra avahana sy ny voaloham-bokatra ary ny fahafolon-karena. Ao no nasaina hangonin’ireo olona ireo ny anjara voadidin’ny lalàna mba ho an’ny mpisorona sy ny levita, avy any amin’ny saha manodidina ny isan-tanàna; nifalian’ny vahoakan’i Joda manko ireo mpisorona sy levita izay samy teo amin’ny anjara toerany avy,

Isaia 7:15

Rononomandry sy tantely no ho sakafony ambara-pahalalàny mandà ny ratsy sy mifidy ny tsara.

Isaia 7:22

ka noho ny habetsahan’ny ronono avy aminy dia rononomandry no hohanin’ny olona fa rononomandry sy tantely no ho foto-tsakafo ho an’izay rehetra sisa tavela eto amin’ny tany.

Lioka 12:37

Sambatra ireo mpanompo hitan’ny tompony miari-tory raha tonga izy. Lazaiko marina aminareo fa hisikina lamba ny tompony ka hampipetraka azy hihinana ary handroso sakafo ho azy.

Lioka 17:8

Tsia, fa izao no hatao aminy: «Anamboary sakafo aho; ary misikîna hampihinana ahy mandritra ny isakafoanako. Aorian’izany vao hisakafo ianao.»

Lioka 24:30

Raha nipetraka hiara-misakafo iny izy telo mianaka, dia nandray ny mofo i Jesoa; ary nisaorany an’Andriamanitra izany ka nozarainy sy nomeny azy roa lahy.

Lioka 24:43

ka nandray sy nihinana teo anatrehan’ny mpianany.

Jaona 12:2

Nanaovan’ny tao fanasana Izy; ary i Marta no nandroso sakafo, fa i Lazara kosa isan’izay niara-nihinana tamin’i Jesoa.

Asan’ny Apostoly 10:41

tsy tamin’ny vahoaka ankapobeny fa taminay vavolombelona efa notendren’Andriamanitra mialoha hanambara an’i Jesoa. Niara-nihinana sy nisotro taminy izahay taorian’ny nananganan’Andriamanitra Azy ho velona avy any amin’ny maty;

Galatiana 5:13

Fa ianareo, ry havana, dia efa nantsoina ho amin’ny fahafahana; saingy tsy hoe ilay fahafahana hahazoana manao izay sitraky ny maha olona mpanota, fa aoka hifanompo ianareo amin’ny alalan’ny fitiavana.

Deoteronomia 32:14

novokisany mena-drononon’omby, sy rononon’ondry aman’osy izy, nofahanany henan-janakondry sy ondrilahy matavy aman’osilahy ary notolorany vary tsara indrindra sy ranom-boaloboka ho divay fisotro.

Apokalipsy 3:20

Indro mijoro eo am-baravarana Aho, sady mandondòna; ka raha misy olona mihaino ny feoko sy mamoha ny varavarana, dia hiditra ao an-tranony Aho ka hiara-misakafo aminy, ary izy hiara-misakafo amiko.

Mpitsara 13:15

Ary hoy i Manôà tamin’ilay anjelin’ny TOMPO: –Mba mijanòna kely aloha ianao ambara-pamboatray zanak’osy ho anao.

Mpitsara 5:25

Fa rano no nangatahin’i Siserà; nefa ronono kosa no nomeny azy, dia rononomandry tao anaty tsatokaty marevaka.