Genesisy 18:4 - DIEM PROTESTANTA

⁴ Fa aoka hakana rano kely hanasanareo tongotra, ka hiala sasatra eto am-pototr’ity hazo ity ianareo.

Baiboly Protestanta Malagasy 2011

⁴ Aoka hakana rano kely ianareo hanasana ny tongotrareo, ary aoka mba hiala sasatra kely eo am-pototry ny hazo ianareo!

Dikateny Iombonana Eto Madagasikara

⁴ Fa aoka hakana rano kely hanasanareo tongotra, ka hiala sasatra eto am-pototr’ity hazo ity ianareo.

Baiboly Katolika

⁴ fa aoka hangalana rano kely ianareo, hanasana ny tongotrareo. Mialà sasatra eo am-pototr’ity hazo ity ianareo;

Baiboly Protestanta Malagasy

⁴ Aoka hangalana rano kely hianareo hanasana ny tongotrareo; ary aoka mba hiala sasatra kely eo am-pototry ny hazo hianareo;

Malagasy Bible

⁴ Aoka hangalana rano kely ianareo hanasana ny tongotrareo; ary aoka mba hiala sasatra kely eo am-pototry ny hazo ianareo;

La Bible en Malgache

⁴ Aoka hakana rano kely ianareo hanasana ny tongotrareo, ary aoka mba hiala sasatra kely eo am-pototry ny hazo ianareo!

Genesisy 18:4 Rohy Ifampitohizana

Genesisy 18:3

Ka ny anankiray tamin’ireo no nilazany hoe: –Tompoko, raha mba mahita fitia eo imasonao aho, dia aza lalovana fotsiny.

Genesisy 19:2

sady niteny hoe: –Miangavy re, Tompoko, mba mivilia hiantrano ao amiko ianareo; ka sasao ny tongotrareo, ary mandria anio alina fa rahampitso maraina no hanohy ny dia ianareo. Ka hoy ny navalin’ireo anjely roa hoe: –Tsia, fa ho eto an-kianja ihany izahay no handany ny alina.

Genesisy 24:32

Dia nandroso tao an-trano ilay mpanompon’i Abrahama. Novahana ny rameva, ka nomena mololo sy vilona; ary nitondrana rano hisasan-tongotra koa ilay rangahy sy ireo olona niaraka taminy.

Genesisy 43:24

ka nasainy niditra tao an-tranon’i Jôsefa izy rehetra, ary nomeny rano hanasany tongotra; sady nomeny vilona koa ny borikiny.

Lioka 7:44

Dia nitodika nijery an-dravehivavy Izy sady nanao tamin’i Simôna hoe: –Hitanao ve ity vehivavy ity? Niditra ny tranonao Aho: ianao tsy nanome rano Ahy hanasako tongotra; izy kosa ny ranomasony no nanondrahany ny tongotro ary ny volon-dohany no namaohany azy.

1Timoty 5:10

ary tsara laza amin’ny asa soa vitany; vehivavy nitaiza tsara ny zanany, nampiantrano vahiny, nanasa ny tongotr’ireo namana kristianina, nanampy ny nozoim-pahoriana, nazoto tamin’ny asa soa isan-karazany.

Mpitsara 19:21

Dia nampidiriny tao an-tranony izy telo mianaka, ary nomeny vilona ireo borikiny. Dia nisasa tongotra ny vahiny ary nihinana sy nisotro.

1Samoela 25:41

Dia nitsangana i Abigaîla ka niankohoka tamin’ny tany ary niteny hoe: –Ho mpanompon’i Davida aho, ka vonona hanasa ny tongotr’ireo mpanompony toy ny andevo.