Genesisy 17:6 - DIEM PROTESTANTA

⁶ Hataoko maro taranaka fatratra ianao ka hanjary firenena maro, sady hisy mpanjaka hipoitra avy aminao.

Baiboly Protestanta Malagasy 2011

⁶ Hahamaro ny taranakao indrindra Aho ka hataoko firenena maro ianao; hisy mpanjaka maro hiseho avy aminao.

Dikateny Iombonana Eto Madagasikara

⁶ Hataoko maro taranaka fatratra ianao ka hanjary firenena maro, sady hisy mpanjaka hipoitra avy aminao.

Baiboly Katolika

⁶ Hampitomboiko dia hampitomboiko ianao, hataoko firenena maro ianao, ary hisy mpanjaka avy aminao.

Baiboly Protestanta Malagasy

⁶ Dia hahamaro ny taranakao indrindra Aho, ka hataoko ho firenena maro hianao; ary hisy mpanjaka hiseho avy aminao.

Malagasy Bible

⁶ Dia hahamaro ny taranakao indrindra Aho, ka hataoko ho firenena maro ianao; ary hisy mpanjaka hiseho avy aminao.

La Bible en Malgache

⁶ Hahamaro ny taranakao indrindra Aho ka hataoko firenena maro ianao; hisy mpanjaka maro hiseho avy aminao.

Genesisy 17:6 Rohy Ifampitohizana

Genesisy 13:16

Hohamaroiko tahaka ny vovo-tany ny taranakao ka tsy ho hita isa, tahaka ny tsy ahazoan’ny olona manisa ny vovo-tany.

Genesisy 17:16

Hotahîko izy ary homeko zanakalahy avy aminy koa ianao. Hotahîko izy ka ho tonga razamben’ny firenena maro, ary hisy mpanjakam-pirenena avy amin’ny taranany.

Genesisy 17:20

Ary ny momba an’i Jismahela dia efa nohenoiko ny hatakao; indro hotahîko izy, ka hataoko maro anaka ary hampitomboiko fatratra ny taranany. Hiteraka andriana 12 izy sady ho razamben’ny firenen-dehibe iray.

Genesisy 17:4

–Amiko, dia izao no fanekempihavanako aminao: Hanjary razamben’ny firenena maro ianao.

Genesisy 26:22

Koa niala tao izy ary nampandavaka fantsakana hafa indray; fa tsy mba niadian’ireo kosa io ka nantsoin’i Itsehàka hoe Rehôbôta na Fahalalahana, satria hoy izy hoe: «Ankehitriny ny TOMPO dia efa nanome toera-malalaka ho antsika mba hahazoantsika fahombiazana eto amin’ity tany ity.»

Genesisy 28:3

Hitahy anao anie ilay Andriamanitra Tsitoha, ka hanome taranaka maro mba hahatonga anao ho razamben’ny firenena maro

Genesisy 35:11

sady hoy koa Izy taminy: –Izaho no Andriamanitra Tsitoha. Mihamaroa sy mitomboa, ka hisy firenena sy vondrom-pirenena hipoitra avy aminao ary mpanjaka maro avy amin’ny taranakao.

Genesisy 41:52

Nantsoiny hoe Efraîma kosa ny faharoa, fa hoy izy hoe: «Andriamanitra efa nampahamaro anaka ahy teto amin’ity tany nijalijaliako ity.»

Genesisy 47:27

Nipetraka tany Ejipta, tao amin’ny faritr’i Gôsena, ny Israelita. Nahazo zaratany tao izy, dia niteraka, ka nihamaro fatratra.

Genesisy 48:3

Ary hoy i Jakôba tamin’i Jôsefa: –Niseho tamiko tao Lozy tany amin’ny tany Kanahàna ilay Andriamanitra Tsitoha ka nitsodrano ahy

Genesisy 48:4

sady niteny tamiko hoe: «Indro Aho hahamaro anaka anao sady hampitombo anao, hahatonga anao ho vondrom-pirenena; ka homeko ny taranakao mandimby anao ho lova raikitra ity tany ity.»

Ezra 4:20

Efa nisy mpanjaka mahery izay nanjaka tany Jerosalema, ka nanapaka ny tany rehetra any andafy andrefan’ny ony Eofrata sady nandoavana hetra sy haba ary sara.

Levitikosy 26:9

Hijery anareo am-pitiavana Aho ka hahamaro ny taranakareo sy hampitombo anareo ary hitazona ny fanekempihavanako aminareo.