Estera 8:10 - DIEM PROTESTANTA

¹⁰ Nosoniavina tamin’ny anaran’ny amperôra ireo taratasy ireo sy notombohina tamin’ny peratra tombokaseny ary dia nampitondraina iraka, mitaingina soavalim-panjakana haingam-pandeha avy amin’ny fiompian-tsoavalin’ny amperôra.

Baiboly Protestanta Malagasy 2011

¹⁰ Nisy taratasy nosoratana tamin’ny anaran’i Ahasoerosy mpanjaka ka notombohina tamin’ny peratra fitombo-kasen’ny mpanjaka; ary ny taratasy dia nampitondraina ny iraka haingam-pandeha mitaingin-tsoavaly sy soavaly haingam-pandeha ary ampondra avy ao amin’ny tranon-tsoavalin’ny mpanjaka.

Dikateny Iombonana Eto Madagasikara

¹⁰ Nosoniavina tamin’ny anaran’ny amperôra ireo taratasy ireo sy notombohina tamin’ny peratra tombokaseny ary dia nampitondraina iraka, mitaingina soavalim-panjakana haingam-pandeha avy amin’ny fiompian-tsoavalin’ny amperôra.

Baiboly Protestanta Malagasy

¹⁰ Ary nanoratra taratasy tamin’ny anaran’i Ahasoerosy mpanjaka izy ka notombohiny tamin’ny peratra fanombohan’ny mpanjaka, ary ny taratasy dia nampitondrainy ny tsimandoa mitaingin-tsoavaly sy soavaly haingam-pandeha ary ampondra, zanaky ny soavalivavy;

Malagasy Bible

¹⁰ Ary nanoratra taratasy tamin'ny anaran'i Ahasoerosy mpanjaka izy ka notombohiny tamin'ny peratra fanombohan'ny mpanjaka, ary ny taratasy dia nampitondrainy ny tsimandoa mitaingin-tsoavaly sy soavaly haingam-pandeha ary ampondra, zanaky ny soavalivavy;

La Bible en Malgache

¹⁰ Nisy taratasy nosoratana tamin’ny anaran’i Ahasoerosy mpanjaka ka notombohina tamin’ny peratra fitombo-kasen’ny mpanjaka; ary ny taratasy dia nampitondraina ny iraka haingam-pandeha mitaingin-tsoavaly sy soavaly haingam-pandeha ary ampondra avy ao amin’ny tranon-tsoavalin’ny mpanjaka.

Estera 8:10 Rohy Ifampitohizana

1Mpanjaka 21:8

Dia tamin’ny anaran’i Ahaba no nanoratan’i Jezebela taratasy, ka nasiany tombon-kasem-panjakana ireny ary nalefany ho an’ny loholona sy ny manampahefana tao an-tanàna nonenan’i Nabôta.

2Tantara 30:6

Dia lasa ireto iraka haingam-pandeha nitety ny faritra rehetra amin’i Israely sy i Joda, ombàn’ny taratasy avy tamin’ny mpanjaka sy ny manampahefana; araka ny didin’ny mpanjaka, dia izao no teny nolazainy: –Ianareo Israelita izay sisa tavela tamin’ny famelezan’ireo mpanjakan’i Asiria, miverena amin’ny TOMPO Andriamanitr’i Abrahama sy i Itsehàka ary i Jakôba.

Estera 8:8

Tsy azo foanana rehefa taratasy voasoratra tamin’ny anarako sy voatomboka tamin’ny peratro; kanefa manorata taratasy amin’ny anarako ianareo, araka izay sitrakareo mba hamonjena ny Jiosy, ka tombohy amin’ny peratro izany.

Joba 9:25

Nandeha faingana noho ny mpihazakazaka ny androko, ka nandositra tsy nahita hasambarana akory,

Mpitoriteny 8:4

Tsy refesi-mandidy ny teniny ary tsy misy olona afaka manontany azy ny anton’ny zavatra ataony.

Isaia 60:6

Rameva maro no handrakotra ny taninao, dia andian-drameva avy any Midiana sy Hefà; tonga koa ny olona rehetra avy any Sabà. Volamena sy vovo-javamanitra no hoentiny ary ny fiderana ny TOMPO no hafatra soa hambarany.

Isaia 66:20

Ary hitondra ireo rehetra mpiray firenena aminareo avy amin’ny firenen-drehetra kosa ireto hafa firenena ireto. Mitaingin-tsoavaly ny mpiray firenena aminareo, entina an-kalesy na am-pilanjana, mitaingina boriky na rameva hatrany an-tendrombohitro masina any Jerosalema. Izany no ho fanatitr’ireo hafa firenena ho Ahy TOMPO, ka horaisiko tahaka ny fanatitra entin’ireo Israelita ao anaty lovia madio hankao an-tranoko.

Jeremia 2:23

Ahoana no ahasahianao nilaza hoe: «Tsy nandoto tena aho, tsy nanaraka ny fivavahana tamin’i Bahala?» Jereo ange izay nataonao tao an-tsaha e! Aoka hiaiky izay nataonao ianao, fa toy ny ramevavavy mihazakazaka etsy sy eroa.

Jeremia 51:21

Ianao no nampiasaiko hanorotoroana ny soavaly sy ny mpitaingina azy.

Daniela 4:1

«Izaho Nebokadnetsara dia niadam-pinaritra tato an-dapako.

Daniela 6:8

Ny mpitantan-draharaha ambony ato amin’ny fanjakana sy ny mpanapaka sy ny solotenan’andriamanjaka sy ny mpanolotsaina ary ny governora dia nifanaraka fa tokony hamoaka lalàm-panjakana ianao, ry mpanjaka, fa ato anatin’ny telopolo andro, na iza na iza manao fivavahana na amin’Andriamanitra na amin’olona, afa-tsy aminao ihany, ry mpanjaka ô, dia hatsipy ao an-davaky ny liona izy.