Estera 3:12 - DIEM PROTESTANTA

¹² Tamin’ny volana voalohany, andro faha-13, dia nantsoina ireo mpitantsoratry ny amperôra: Araka izay rehetra nandidian’i Hamàna no nanoratany taratasy ho an’ny solotenan’ny amperôra sy ho an’ny governora isam-paritany ary ho an’ny mpitondra isam-pirenena, dia taratasy araka ny fomba fiteny sy fanoratry ny firenena isan-tokony. Tamin’ny anaran’i Kserksesa no nanasoniavana azy ka nasiana tombokase tamin’ny peratry ny amperôra.

Baiboly Protestanta Malagasy 2011

¹² Dia nantsoina ny mpitantsoratry ny mpanjaka tamin’ny andro fahatelo amby folo tamin’ny volana voalohany ka nosoratana araka ny didy rehetra nomen’i Hamana izany, ho amin’ireo solontenan’ny mpanjaka sy ireo governora amin’ny fari-piadidiana tsirairay ary ny mpitondra ny firenena rehetra, ho any amin’ny fari-piadidiana tsirairay araka ny fomba fanoratany avy ary ho amin’ny firenena tsirairay araka ny fiteniny avy. Tamin’ny anaran’i Ahasoerosy mpanjaka no nanoratany azy ka notombohiny tamin’ny peratra fitombo-kasen’ny mpanjaka.

Dikateny Iombonana Eto Madagasikara

¹² Tamin’ny volana voalohany, andro faha-13, dia nantsoina ireo mpitantsoratry ny amperôra: Araka izay rehetra nandidian’i Hamàna no nanoratany taratasy ho an’ny solotenan’ny amperôra sy ho an’ny governora isam-paritany ary ho an’ny mpitondra isam-pirenena, dia taratasy araka ny fomba fiteny sy fanoratry ny firenena isan-tokony. Tamin’ny anaran’i Kserksesa no nanasoniavana azy ka nasiana tombokase tamin’ny peratry ny amperôra.

Baiboly Protestanta Malagasy

¹² Dia nantsoina ny mpanoratry ny mpanjaka tamin’ny andro fahatelo ambin’ny folo tamin’ny volana voalohany, ka nosoratana izany araka izay rehetra nandidian’i Hamana ho an’ny solo-mpanjaka sy ny governora tamin’ny isan-tokony ary ny mpanapaka ny firenena rehetra, ho any amin’ny isan-tokony araka ny sorany avy, ary ho amin’ny isam-pirenena araka ny fiteniny avy; dia tamin’ny anaran’i Ahasoerosy mpanjaka no nanoratany azy ka notombohiny tamin’ny peratra fanombohan’ny mpanjaka.

Malagasy Bible

¹² Dia nantsoina ny mpanoratry ny mpanjaka tamin'ny andro fahatelo ambin'ny folo tamin'ny volana voalohany, ka nosoratana izany araka izay rehetra nandidian'i Hamana ho an'ny solo-mpanjaka sy ny governora tamin'ny isan-tokony ary ny mpanapaka ny firenena rehetra, ho any amin'ny isan-tokony araka ny sorany avy, ary ho amin'ny isam-pirenena araka ny fiteniny avy; dia tamin'ny anaran'i Ahasoerosy mpanjaka no nanoratany azy ka notombohiny tamin'ny peratra fanombohan'ny mpanjaka.

La Bible en Malgache

¹² Dia nantsoina ny mpitantsoratry ny mpanjaka tamin’ny andro fahatelo amby folo tamin’ny volana voalohany ka nosoratana araka ny didy rehetra nomen’i Hamana izany, ho amin’ireo solontenan’ny mpanjaka sy ireo governora amin’ny fari-piadidiana tsirairay ary ny mpitondra ny firenena rehetra, ho any amin’ny fari-piadidiana tsirairay araka ny fomba fanoratany avy ary ho amin’ny firenena tsirairay araka ny fiteniny avy. Tamin’ny anaran’i Ahasoerosy mpanjaka no nanoratany azy ka notombohiny tamin’ny peratra fitombo-kasen’ny mpanjaka.

Estera 3:12 Rohy Ifampitohizana

1Mpanjaka 21:8

Dia tamin’ny anaran’i Ahaba no nanoratan’i Jezebela taratasy, ka nasiany tombon-kasem-panjakana ireny ary nalefany ho an’ny loholona sy ny manampahefana tao an-tanàna nonenan’i Nabôta.

Ezra 8:36

Avy eo dia natolotray an’ireo solotenan’ny andriamanjaka sy ireo governoran’ny faritra atỳ andafy andrefan’ny ony Eofrata ny didin’i Artakserksesa; ka nampian-dry zareo ny vahoaka israelita sy ny tranon’Andriamanitra.

Estera 1:22

Nandefasany taratasy ny faritany rehetra manerana ny fanjakany, dia taratasy araka ny fomba fiteny sy fanoratry ny firenena isan-tokony; notakina mba ho masi-mandidy ao an-tranony avy ny lehilahy rehetra ary mba ho ny fitenim-pireneny no hampisain’ny ankohonany.

Estera 3:11

ary hoy izy tamin’i Hamàna: –Afoy ho anao ny volafotsy; ary hatolotra anao koa izany firenena izany hanaovanao azy araka izay sitrakao.

Estera 8:2

Ary nesorin’i Kserksesa ilay peratra tombokase, izay efa nalainy tamin’i Hamàna, ka nomeny an’i Môrdôkay. Ankoatra izany i Môrdôkay dia notendren’i Estera hitantana ireo fananan’i Hamàna.

Estera 9:27

no nahatonga azy ireo hampijoro sy handraikitra izany fanao izany ho an’ny tenany sy ny taranany ary izay rehetra miray aminy: dia ny hankalaza isan-taona ireo andro roa ireo araka ny voasoratr’i Môrdôkay sy araka ny fotoana voatendry.

Daniela 3:10

Namoaka didy ianao, ry mpanjaka, nanao hoe: «Ny olona rehetra dia hiankohoka sy hivavaka amin’ny sarivongan’olona volamena rehefa mandre ny feon’ny trompetra sy sodina ary kabôsy aman-dokanga mbamy valiha sy farara ary zava-maneno isan-karazany.

Daniela 6:12

Dodona erỳ ireo lehilahy ireo nitsikilo ka nahita an’i Daniela nivavaka sy nitalaho tamin’ny Andriamaniny;

Daniela 6:15

Nalahelo mafy ny mpanjaka raha nandre izany zavatra izany; dia nisaintsaina ny hanavotra an’i Daniela izy ary nitady izay hamonjena azy mandra-pilentiky ny masoandro.

Daniela 6:25

Ary nanome baiko ny mpanjaka mba halaina ireo lehilahy izay niampanga an’i Daniela ka hatsipy ao an-davaky ny liona izy mbamin’ny vady aman-janany. Fa raha tsy mbola nipaka tamin’ny vody lavaka akory izy mianakavy, dia nifandrombahan’ny liona ka nopotipotehiny ny taolany rehetra.

Daniela 6:8

Ny mpitantan-draharaha ambony ato amin’ny fanjakana sy ny mpanapaka sy ny solotenan’andriamanjaka sy ny mpanolotsaina ary ny governora dia nifanaraka fa tokony hamoaka lalàm-panjakana ianao, ry mpanjaka, fa ato anatin’ny telopolo andro, na iza na iza manao fivavahana na amin’Andriamanitra na amin’olona, afa-tsy aminao ihany, ry mpanjaka ô, dia hatsipy ao an-davaky ny liona izy.