Estera 2:16 - DIEM PROTESTANTA

¹⁶ Nentina hankao an-dapa ho any amin’ny amperôra izy tamin’ny taona fahafito nanjakan’i Kserksesa, volana fahafolo na volana Tebeta.

Baiboly Protestanta Malagasy 2011

¹⁶ Dia noentina ho ao amin’i Ahasoerosy mpanjaka i Estera, ho ao amin’ny tranon’ny fanjakana, tamin’ny volana fahafolo na ny volana Tebeta, tamin’ny taona fahafito nanjakany.

Dikateny Iombonana Eto Madagasikara

¹⁶ Nentina hankao an-dapa ho any amin’ny amperôra izy tamin’ny taona fahafito nanjakan’i Kserksesa, volana fahafolo na volana Tebeta.

Baiboly Protestanta Malagasy

¹⁶ Dia nentina ho ao amin’i Ahasoerosy mpanjaka Estera, ho ao an-tranon’ny fanjakana, tamin’ny volana fahafolo (volana Tebeta izany) tamin’ny taona fahafito nanjakany.

Malagasy Bible

¹⁶ Dia nentina ho ao amin'i Ahasoerosy mpanjaka Estera, ho ao an-tranon'ny fanjakana, tamin'ny volana fahafolo (volana Tebeta izany) tamin'ny taona fahafito nanjakany.

La Bible en Malgache

¹⁶ Dia noentina ho ao amin’i Ahasoerosy mpanjaka i Estera, ho ao amin’ny tranon’ny fanjakana, tamin’ny volana fahafolo na ny volana Tebeta, tamin’ny taona fahafito nanjakany.

Estera 2:16 Rohy Ifampitohizana

Ezra 4:6

Raha vao nanjaka i Kserksesa, dia nanoratra taratasy ho azy ny fahavalon’ny Jiosy mba hanendrikendrika ny mponina tao Jerosalema sy eran’i Joda.

Ezra 7:8

Niaraka tamin’ireo i Hezrà ka tonga tany Jerosalema tamin’ny volana fahadimin’io taona fahafito nanjakàn’i Artakserksesa io.

Estera 2:1

Taorian’izany, rehefa nionona ny fahatezeran’ny amperôra Kserksesa, dia nahatsiaro izay efa nataon’i Vastỳ sy izay tinapaka ny aminy izy.

Estera 2:15

Indray andro, dia anjaran’i Estera zanakavavin’i Abihaîla rahalahin-drain’i Môrdôkay sady zanaka natsangan’i Môrdôkay rahateo ny mandeha any amin’ny amperôra. Tsy nila na inona na inona razazavavy, afa-tsy izay natoron’i Hegay tandapa mpitandrina ny vehivavy; kanefa i Estera dia nahazo fitia teo imason’ny olona rehetra nahita azy.

Estera 2:17

Naharaiki-pitia ny amperôra mihoatra noho ny vehivavy hafa i Estera; ka tamin’ireo tovovavy rehetra ireo, dia izy no nahazo fitia sy fanambinana teo anatrehan’ny amperôra. Ary nosatrohan’i Kserksesa ny satroboninahi-piandrianana izy sady nambarany ho mpanjakavavy hisolo an’i Vastỳ.

Estera 2:3

Anendreo olona any amin’ny faritany isan-tokony eran’ny fanjakanao, dia aoka ireo no hamory ny tovovavy virijiny sady tsara tarehy ho atỳ Sosany renivohitra. I Hegay, tandapa mpiandraikitra ny tranom-behivavy, no hitandrina azy sady hanome ny fitaovana hikarakarany tena;

Estera 8:9

Tamin’io andro io, andro faha-23 tamin’ny volana fahatelo na volana Sivàna, dia nantsoina ny mpitantsoratry ny amperôra. Araka izay rehetra nandidian’i Môrdôkay no nanoratany taratasy ho an’ny Jiosy sy ny solotenan’ny amperôra mbamin’ny governora sy mpitondra any amin’ny faritany 127 hatreo India ka hatrany Etiôpia. Taratasy araka ny fomba fiteny sy fanoratry ny firenena isan-tokony na araka ny fomba fiteny sy fanoratry ny Jiosy no nataony.