Eksodosy 9:23 - DIEM PROTESTANTA

²³ Natsangan’i Mosesy nanondro lanitra ny tehiny, dia nampisy kotrokorana sy havandra ny TOMPO: nilatsaka ny varatra, ary nampirotsaka havandra tamin’ny tany Ejipta ny TOMPO.

Baiboly Protestanta Malagasy 2011

²³ Dia natsotran’i Mosesy nanandrify ny lanitra ny tehiny ka nalefan’NY TOMPO ny kotrokorana sy havandra ary nisy afo nifanaretsadretsaka teny ambonin’ny tany. Ary NY TOMPO dia nandatsaka havandra tamin’ny tany Ejipta.

Dikateny Iombonana Eto Madagasikara

²³ Natsangan’i Mosesy nanondro lanitra ny tehiny, dia nampisy kotrokorana sy havandra ny TOMPO: nilatsaka ny varatra, ary nampirotsaka havandra tamin’ny tany Ejipta ny TOMPO.

Baiboly Katolika

²³ Dia nahinjitr’i Môizy nanandrify ny lanitra ny tehiny, ka nalefan’i Iaveh ny kotro-baratra sy ny havandra, ary nivarina tamin’ny tany ny afo. Ary i Iaveh nandatsaka havandra tamin’ny tany Ejipta.

Baiboly Protestanta Malagasy

²³ Dia nahinjitr’i Mosesy manandrify ny lanitra ny tehiny; ary Jehovah nanisy kotrokorana sy havandra, ary nisy afo nifanaretsadretsaka teny ambonin’ny tany; ary Jehovah nandatsaka havandra tamin’ny tany Egypta.

Malagasy Bible

²³ Dia nahinjitr'i Mosesy manandrify ny lanitra ny tehiny; ary Jehovah nanisy kotrokorana sy havandra, ary nisy afo nifanaretsadretsaka teny ambonin'ny tany; ary Jehovah nandatsaka havandra tamin'ny tany Egypta.

La Bible en Malgache

²³ Dia natsotran’i Mosesy nanandrify ny lanitra ny tehiny ka nalefan’NY TOMPO ny kotrokorana sy havandra ary nisy afo nifanaretsadretsaka teny ambonin’ny tany. Ary NY TOMPO dia nandatsaka havandra tamin’ny tany Ejipta.

Eksodosy 9:23 Rohy Ifampitohizana

Genesisy 19:24

Tamin’izay indrindra ny TOMPO no nampidina afo sy solifara avy tany an-danitra handoroana an’i Sôdôma sy i Gômôra,

Joba 37:13

Izany no ataon’Andriamanitra mitranga na hamaizana ny tany, na hanambinana azy.

Salamo 147:17

manipy ranomandry toa sombi-mofo ka tsy misy mahazaka ny hatsiakany.

Salamo 148:8

ry afo sy havandra, ry orampanala sy zavona, ry rivotra mahery izay mpankatò ny teniny;

Salamo 18:13

Manoloana Azy nisy hazavam-be ary koa rahona nandalo nifanesy niteraka havandra sy afo mitselatra.

Salamo 29:3

Andriamanitra be voninahitra no mampikotrokotroka ny orana; mitrena eny ambony rano ny feon’ny TOMPO: ny TOMPO no manapaka eny ambony ranobe.

Salamo 77:18

Nandrotsaka oram-be ny rahona, namoaka kotro-baratra ny raho-matevina, ary nifanaretsaka ny zana-tsipîkanao.

Eksodosy 19:16

Nony afakampitso, vao maraina be, dia nisy kotro-baratra sy tselatra ary rahona matevina teny an-tendrombohitra. Injany nisy feon’anjomara naneno mafy; koa tora-kovitra ny vahoaka rehetra tao an-toby.

Eksodosy 20:18

Samy nandre ny kotro-baratra sy ny feon’ny anjomara ny Israelita rehetra ary samy nahita ny tsela-baratra sy ny tendrombohitra nidona-tsetroka, hany ka nangovitra noho ny tahotra ary nihataka teny lavitra teny.

Eksodosy 9:18

Noho izany, rahampitso amin’ny ora toy izao aho dia hampilatsaka havandra be dia be izay tsy mbola nisy toa azy hatramin’ny andro niorenan’ny Ejipta ka mandraka androany.›

Eksodosy 9:24

Dia nisy havandra niaraka amin’ny tafiotra sy ny varatra, ka tsy mbola nisy havandra be toy izany manerana Ejipta manontolo hatramin’izay nahafirenena azy.

Isaia 30:30

Hataon’ny TOMPO re tokoa ny feony heni-piandrianana ary hataony hita ny fiantraikan’ny tanany mamely, rehefa mirehitra ny fahatezerany eo anivon’ny firedaredan’ny lelafo mandevona ary ao anatin’ny ranonoram-baratra sy ny havandra vaventy mifafy.

Ezekiela 38:22

Hofaiziko amin’ny areti-mifindra sy amin’ny fandringanana ianao. Harotsako aminao sy amin’ny tafikao ary amin’ireo firenena maro mpomba anao ny oram-be mivatravatra sy ny havandra arahina solifara mivaivay.

Josoa 10:11

Fa iny nandositra teo anoloan’ny Israelita iny ry zareo, ka tonga teo am-pidinana avy ao Bety-Hôrôna, dia nandatsahan’ny TOMPO havandra vaventy avy tany an-danitra ambara-pahatongany tao Hazekà; ka be lavitra ny matin’ny havandra noho izay naripaky ny Israelita tamin’ny sabatra.

Apokalipsy 16:18

Dia nisy tselatra sy kotrokorana aman-kotro-baratra; nisy koa horohorontany mafy, ka tsy mbola nisy toy izany hatrizay nisian’olona tetỳ ambonin’ny tany, satria tena horohorontany mafy sy mahery vaika.

Apokalipsy 16:21

ny olona, nilatsahan’ny havandra vaventy avy tany an-danitra, dia havandra milanja tokony ho efapolo kilao ny anankiray. Ary nanevateva an’Andriamanitra ny olona noho ny loza vokatry ny havandra, fa lehibe loatra izany loza izany!

Apokalipsy 8:7

Nitsoka trompetra ilay anjely voalohany, dia nisy havandra sy afo niharo ra nalatsaka tamin’ny tany; ka may ny ampahatelon’ny tany, may ny ampahatelon’ny hazo ary may ny ahi-maitso rehetra.