Eksodosy 7:2 - DIEM PROTESTANTA

² Ambarao amin’i Aharôna rahalahinao izay rehetra handidiako anao, ary izy kosa no hiteny amin’ny Farao mba handefasany ny Israelita hiala amin’ny taniny.

Baiboly Protestanta Malagasy 2011

² Ianao no hilaza izay rehetra handidiako anao, ary i Arona rahalahinao kosa no hiteny amin’i Farao, mba hamelany ny Zanak’Israely hiala avy ao amin’ny taniny.

Dikateny Iombonana Eto Madagasikara

² Ambarao amin’i Aharôna rahalahinao izay rehetra handidiako anao, ary izy kosa no hiteny amin’ny Farao mba handefasany ny Israelita hiala amin’ny taniny.

Baiboly Katolika

² Ianao moa hilaza izay rehetra hiandidiako anao; i Aarôna rahalahinao kosa, hiteny amin’i Faraôna mba handefany ny zanak’i Israely hiala amin’ny taniny.

Baiboly Protestanta Malagasy

² Hianao hilaza izay rehetra nandidiako anao, ary Arona rahalahinao kosa hilaza amin’i Farao, mba handefasany ny Zanak’Isiraely hiala amin’ny taniny.

Malagasy Bible

² Hianao hilaza izay rehetra nandidiako anao, ary Arona rahalahinao kosa hilaza amin'i Farao, mba handefasany ny Zanak'Isiraely hiala amin'ny taniny,

La Bible en Malgache

² Ianao no hilaza izay rehetra handidiako anao, ary i Arona rahalahinao kosa no hiteny amin’i Farao, mba hamelany ny Zanak’Israely hiala avy ao amin’ny taniny.

Eksodosy 7:2 Rohy Ifampitohizana

1Mpanjaka 22:14

Fa hoy i Mikaià hoe: –Velona ny TOMPO, ka mianiana aho fa izay lazain’ny TOMPO amiko ihany no hambarako.

Eksodosy 4:15

Holazainao azy ary hampitainao aminy izay tokony holazainy. Izaho kosa homba anareo; ka rehefa hiteny ianareo, dia Izaho no hanoro anareo izay hataonareo.

Eksodosy 4:16

Izy no hiteny amin’ny vahoaka hisolo anao, izy no hisolo vava anao; ary ianao kosa aminy dia ho tahaka an’Andriamanitra manolo-tsaina.

Eksodosy 5:1

Taorian’izany dia nankany amin’ny Farao i Mosesy sy i Aharôna ka niteny taminy hoe: –Izao no nambaran’ny TOMPO, Andriamanitr’i Israely: «Alefaso ny vahoakako mba hanao fety any an-taniefitra ho fanajana Ahy.»

Eksodosy 6:29

dia hoy Izy taminy: –Izaho no TOMPO! Koa lazao amin’ny Farao, mpanjakan’i Ejipta, izay rehetra ambarako aminao.

Eksodosy 7:6

Dia notanterahin’i Mosesy sy i Aharôna izany, ka araka izay nandidian’ny TOMPO azy no nataony.

Jeremia 1:17

Fa ianao kosa, ry Jeremià, misikìna, mitsangàna ka ambarao azy izay rehetra nandidiako anao. Aza matahotra azy ianao fandrao hataoko raiki-tahotra eo anatrehany.

Jeremia 1:7

Fa hoy ny TOMPO tamiko hoe: –Aza manao hoe «mbola tanora loatra aho» fa tsy maintsy handeha amin’izay rehetra hanirahako anao ianao ka hilaza aminy izay rehetra nandidiako anao.

Ezekiela 3:10

Dia notohizany hoe: «Ry ilay taranak’olombelona, raiso ao am-ponao ary henoy tsara ny teny rehetra izay ambarako anao.

Ezekiela 3:17

«Ry ilay taranak’olombelona, ataoko mpitily ho an’ny Israelita ianao; koa hohenoinao ny teniko ary hampitainao aminy ny fampitandremana avy amiko.

Matio 28:20

sady ampianaro hitandrina ny zavatra rehetra nandidiako anareo. Ary indro Aho miaraka aminareo isan’andro vaky mandra-pahatongan’ny fiafaran’izao tontolo izao.

Asan’ny Apostoly 20:27

Tsy nafeniko fa notorîko taminareo avokoa ny fikasan’Andriamanitra.

Deoteronomia 4:2

Aza ampianareo ny teny izay andidiako anareo ary aza anesorana; fa tandremo ny didin’ny TOMPO Andriamanitrareo, izay ampitaiko aminareo.