Eksodosy 7:19 - DIEM PROTESTANTA

¹⁹ Ary hoy koa ny TOMPO tamin’i Mosesy: –Lazao i Aharôna handray ny tehinao ka haninjitra ny tanany manandrify ny rano rehetra eto Ejipta, izany hoe ny renirano sy ny lakan-drano mbamin’ny farihy rehetra; dia hiova ho ra ny rano amin’ireny. Ary hisy ra manerana ny tany Ejipta manontolo, hatrany an-tsinibe hazo sy vato.

Baiboly Protestanta Malagasy 2011

¹⁹ Nanafatra an’i Mosesy koa NY TOMPO hoe: Lazao amin’i Arona hoe: Raiso ny tehinao ka atsory eo ambonin’ny ranon’i Ejipta ny tananao, dia eny ambonin’ny sampan-dranony, eny ambonin’ny lakandranony, eny ambonin’ny heniheniny ary eny ambonin’ny kamoriny rehetra, mba ho tonga ra ireny. Ary hisy ra manerana ny tany Ejipta manontolo, na amin’ny fitoeran-drano hazo na amin’ny fitoeran-drano vato.

Dikateny Iombonana Eto Madagasikara

¹⁹ Ary hoy koa ny TOMPO tamin’i Mosesy: –Lazao i Aharôna handray ny tehinao ka haninjitra ny tanany manandrify ny rano rehetra eto Ejipta, izany hoe ny renirano sy ny lakan-drano mbamin’ny farihy rehetra; dia hiova ho ra ny rano amin’ireny. Ary hisy ra manerana ny tany Ejipta manontolo, hatrany an-tsinibe hazo sy vato.

Baiboly Katolika

¹⁹ Hoy i Iaveh tamin’i Môizy: «Lazao amin’i Aarôna hoe: Raiso ny tehinao ary ahinjiro eo ambonin’ny ranon’i Ejipta ny tananao, dia amin’ny reniranony, amin’ny lakan-dranony, amin’ny dobo aman-kamoriny rehetra. Hanjary ra ireny ary hisy ra amin’ny tany Ejipta manontolo, na amin’ny fasian-drano hazo, na amin’ny fasian-drano vato.»

Baiboly Protestanta Malagasy

¹⁹ Ary hoy Jehovah tamin’i Mosesy: Lazao amin’i Arona hoe: Raiso ny tehinao, ka ahinjiro ambonin’ny ranon’i Egypta ny tànanao, dia ambonin’ny sampan-dranony sy ambonin’ny lahin-dranony, sy ambonin,ny heniheniny, ary ambonin’ny kamoriny rehetra, mba ho tonga ra ireny; ary hisy ra eran’ny tany Egypta rehetra, na amin’ny fitoeran-drano hazo na amin’ny fitoeran-drano vato.

Malagasy Bible

¹⁹ Ary hoy Jehovah tamin'i Mosesy: Lazao amin'i Arona hoe: Raiso ny tehinao, ka ahinjiro ambonin'ny ranon'i Egypta ny tananao, dia ambonin'ny sampan-dranony sy ambonin'ny lahin-dranony, sy ambonin'ny heniheniny, ary ambonin'ny kamoriny rehetra, mba ho tonga rà ireny; ary hisy rà eran'ny tany Egypta rehetra, na amin'ny fitoeran-drano hazo na amin'ny fitoeran-drano vato.

La Bible en Malgache

¹⁹ Nanafatra an’i Mosesy koa NY TOMPO hoe: Lazao amin’i Arona hoe: Raiso ny tehinao ka atsory eo ambonin’ny ranon’i Ejipta ny tananao, dia eny ambonin’ny sampan-dranony, eny ambonin’ny lakandranony, eny ambonin’ny heniheniny ary eny ambonin’ny kamoriny rehetra, mba ho tonga ra ireny. Ary hisy ra manerana ny tany Ejipta manontolo, na amin’ny fitoeran-drano hazo na amin’ny fitoeran-drano vato.

Eksodosy 7:19 Rohy Ifampitohizana

Genesisy 1:10

Ny toerana maina dia nantsoin’Andriamanitra hoe tany, ary ny rano nihandrona kosa nantsoiny hoe ranomasina; ka hitany fa tsara izany.

2Mpanjaka 4:29

Hoy i Elisà tamin’i Gehazỳ: –Mivonòna ianao handeha! Raiso ny tehiko maha mpaminany ahy, dia mankanesa any Sonema. Raha mifanena amin’olona ianao eny an-dalana, dia aza mijanona hiarahaba azy; ary raha misy miarahaba anao, dia aza mamaly akory. Rehefa mby any ianao, dia atehefo eo amin’ny tavan’ny zaza ny tehiko.

Eksodosy 10:12

Ary hoy ny TOMPO tamin’i Mosesy: –Ahinjiro eo ambonin’ny tany Ejipta ny tananao mba hiantso ny valala, dia hiakatra ao Ejipta ireny ka hihinana ny zava-maniry rehetra sisan’ny havandra.

Eksodosy 10:21

Hoy ny TOMPO tamin’i Mosesy: –Atsangano manondro lanitra ny tananao hisian’ny haizina manerana an’i Ejipta, dia haizina mikitroka.

Eksodosy 14:16

Ingao ny tehinao, ka ahinjiro eo ambony ranomasina ny tananao. Ary saraho ny rano, dia hamaky eo afovoan’ny rano eo amin’ny tany maina ny Israelita.

Eksodosy 14:21

Nahinjitr’i Mosesy teo ambony ranomasina ny tanany. Ary ny TOMPO nampitsoka rivo-mahery avy any atsinanana nandritra ny alina manontolo ka nanosika ny ranomasina hanamaina azy. Nisaraka ny ranomasina,

Eksodosy 14:26

Hoy ny TOMPO tamin’i Mosesy: –Ahinjiro eo ambony ranomasina ny tananao mba hiverenan’ny rano eo amin’ny Ejiptianina sy ny kalesiny ary ny mpitaingin-tsoavaliny.

Eksodosy 4:9

Ary raha mbola tsy mino anao izy ka tsy mihaino anao amin’ireo famantarana roa ireo, dia makà rano avy ao Neily ka aidino amin’ny tany maina, fa ho tonga ra eo amin’ny tany io rano io.

Eksodosy 8:16

Hoy ny TOMPO tamin’i Mosesy: –Mifohaza maraina ianao rahampitso, mandehana hiseho eo anatrehan’ny Farao amin’iny izy midina ho eo amoron-drano iny, ka lazao azy hoe: «Izao no andidian’ny TOMPO anao: Alefaso ny vahoakako hanao fanompoam-pivavahana amiko;

Eksodosy 9:33

Dia niala teo anatrehan’ny Farao i Mosesy ary nivoaka ny tanàna. Nanandra-tanana tamin’ny TOMPO izy ka nivavaka dia nitsahatra ny kotroka sy ny havandra, ary tsy nilatsaka intsony ny orana.

Isaia 19:10

Trotraka ireo mpanao zava-pisotro ary variana ireo mpamboatra labiera.

Isaia 5:25

Izany indrindra no nampirehitra ny fahatezeran’ny TOMPO tamin’ny vahoakany. Naninji-tanana taminy sy namely azy Izy, Nampihovitrovitra ny tendrombohitra izany; ary toy ny fako tavela eny an-dàlambe no niampatramparan’ny fatin’olona. Saingy, na teo aza izany rehetra izany, dia tsy mbola afaka ny fahatezeran’ny TOMPO fa maninji-tanana mandrahona ihany Izy.

Habakoka 3:8

Moa ny ony va, TOMPO ô, no irehetan’ny fahatezeranao sa ny ranomasina no isafoahanao, no dia ny rahona no toa kalesy tarihin-tsoavaly itaingenanao mba hahazoam-pandresena?