Eksodosy 4:1 - DIEM PROTESTANTA

¹ Dia namaly ny TOMPO i Mosesy ka nanao hoe: –Tsy hino ahy ny Israelita ary tsy hihaino ahy, fa hilaza hoe: «Tsy nisehoan’ny TOMPO akory ianao!»

Baiboly Protestanta Malagasy 2011

¹ Dia namaly i Mosesy hoe: Indro, tsy hino ahy na hihaino ny feoko izy ireo fa hilaza hoe: Tsy niseho taminao NY TOMPO!

Dikateny Iombonana Eto Madagasikara

¹ Dia namaly ny TOMPO i Mosesy ka nanao hoe: –Tsy hino ahy ny Israelita ary tsy hihaino ahy, fa hilaza hoe: «Tsy nisehoan’ny TOMPO akory ianao!»

Baiboly Katolika

¹ Fa namaly i Môizy ka nanao hoe: «Tsy hino ahy izy ireo na hihaino ny feoko akory, fa hanao hoe: Tsy niseho taminao i Iaveh.»

Baiboly Protestanta Malagasy

¹ Ary namaly Mosesy ka nanao hoe: Indro, tsy hino ahy na hihaino ny feoko izy, fa hanao hoe: Tsy niseho taminao Jehovah.

Malagasy Bible

¹ Ary namaly Mosesy ka nanao hoe: Indro, tsy hino ahy na hihaino ny feoko izy, fa hanao hoe: Tsy niseho taminao Jehovah.

La Bible en Malgache

¹ Dia namaly i Mosesy hoe: Indro, tsy hino ahy na hihaino ny feoko izy ireo fa hilaza hoe: Tsy niseho taminao NY TOMPO!

Eksodosy 4:1 Rohy Ifampitohizana

1Mpanjaka 13:3

Androtr’io ihany dia nanome famantarana ilay olon’Andriamanitra ka nanambara hoe: –Izao no famantarana ho porofo fa ny TOMPO no niteny: «Indro hitresaka ny alitara ka hiely amin’ny tany ny lavenona eo amboniny.»

Eksodosy 2:14

Fa novaliany hoe: –Iza no nanendry anao ho lehibe hitsara ny adinay? Sa tadiavinao hovonoina ho faty toy ny namonoanao an’ilay Ejiptianina aho? Fantatr’i Mosesy tamin’izany fa nisy nahalala ilay raharaha ka raiki-tahotra izy.

Eksodosy 3:15

Dia ampio hoe: «Ny TOMPO Andriamanitry ny razanareo, ilay Andriamanitr’i Abrahama sy i Itsehàka ary i Jakôba, no naniraka ahy ho atỳ aminareo.» Izany no anarako mandrakizay, ary izany no hahatsiarovana Ahy isaky ny taranaka mifandimby.

Eksodosy 3:16

Mandehana, vorio ny loholon’i Israely ka ilazao hoe: «Ny TOMPO Andriamanitry ny razanareo, ilay Andriamanitr’i Abrahama sy i Itsehàka ary i Jakôba, no efa niseho tamiko ka nilaza fa nitsinjo anareo sy nahita ny fomba afitsoka anareo atỳ Ejipta;

Eksodosy 3:18

Hihaino anao ireo Israelita; koa mandehàna ianao sy ny loholon’i Israely mankany amin’ny mpanjakan’i Ejipta, ka lazaonareo aminy hoe: «Niseho taminay ny TOMPO Andriamanitry ny Hebreo, ilay Andriamanitray, koa mba avelao izahay handeha lalana telo andro ho any an-taniefitra hanolotra sorona ho AZY.»

Eksodosy 4:10

Ary hoy i Mosesy tamin’ny TOMPO: –Indrisy, ry Tompo, fa tsy mba olona mahay mandaha-teny aho na taloha na hatramin’izao nitenenanao tamiko izao, fa votsa vava sady bada miambakavaka.

Eksodosy 4:30

Nambaran’i Aharôna azy ireo avokoa ny teny rehetra izay nolazain’ny TOMPO tamin’i Mosesy, ary notanterahiny teo imason’ny Israelita ny famantarana.

Eksodosy 4:31

Nino ny vahoaka ary nahatakatra fa efa nahita ny fahoriany tokoa ny TOMPO, ka nanao izay hanafahana azy. Dia niondrika ny Israelita mba hitsaoka ny Tompo.

Eksodosy 6:12

Fa nanambara teo anatrehan’ny TOMPO i Mosesy hoe: –Na dia ny Israelita aza tsy nihaino ahy, koa ahoana no hihainoan’ny Farao ahy izay votsa vava ity?

Eksodosy 6:30

Fa novalian’i Mosesy hoe: –Indro votsa vava aho, ka tsy hihaino ahy mihitsy ny Farao!

Jeremia 1:6

Ary namaly aho hoe: –Indrisy, ry Tompo ANDRIANANAHARY ô, mbola tanora loatra aho ka tsy mahay mandahateny.

Ezekiela 3:14

Dia nentin’ny Fanahy izay nanainga ahy niala avy tamin’ny tany aho. Voasariky ny herin’ny TOMPO aho ka tsy nahatohitra, fa lasa nandeha tamin’ny fo nalahelo sady nangitakitaka.

Asan’ny Apostoly 7:25

Noheverin’i Mosesy ho takatr’ireo Israelita havany fa izy no hampiasain’Andriamanitra ho famonjena azy; saingy tsy takany velively.

Mpitsara 6:17

Dia namaly Azy i Gidehôna hoe: –Raha sitrakao àry, dia mba omeo famantarana aho fa Ianao tokoa no miteny amiko.