Eksodosy 34:1 - DIEM PROTESTANTA

¹ Nandidy an’i Mosesy ny TOMPO hoe: –Manamboara vatofisaka roa toy ny teo aloha; hosoratako amin’ireo ny teny mitovy amin’izay voasoratra tamin’ireo vatofisaka voalohany efa nopotipotehinao.

Baiboly Protestanta Malagasy 2011

¹ Ary hoy NY TOMPO tamin’i Mosesy: Aoka ianao hipaika vato fisaka roa tahaka ireo teo aloha dia hosoratako amin’ireo vato fisaka ireo ny teny izay tamin’ireo vato fisaka teo aloha izay nopotehinao;

Dikateny Iombonana Eto Madagasikara

¹ Nandidy an’i Mosesy ny TOMPO hoe: –Manamboara vatofisaka roa toy ny teo aloha; hosoratako amin’ireo ny teny mitovy amin’izay voasoratra tamin’ireo vatofisaka voalohany efa nopotipotehinao.

Baiboly Katolika

¹ Ary hoy i Iaveh tamin’i Môizy: «Manaova takelaka vato roa tahaka ireo voalohany ka hanoratako ny teny izay efa teo amin’ireo takelaka voalohany notorotoroinao.

Baiboly Protestanta Malagasy

¹ ARY hoy Jehovah tamin’i Mosesy: Manamboara ho anao vato fisaka roa tahaka ilay teo, dia hosoratako amin’ireo vato fisaka ireo ny teny izay tamin’ilay vato fisaka teo, izay novakivakinao;

Malagasy Bible

¹ Ary hoy Jehovah tamin'i Mosesy: Manamboara ho anao vato fisaka roa tahaka ilay teo, dia hosoratako amin'ireo vato fisaka ireo ny teny izay tamin'ilay vato fisaka teo, izay novakivakinao;

La Bible en Malgache

¹ Ary hoy NY TOMPO tamin’i Mosesy: Aoka ianao hipaika vato fisaka roa tahaka ireo teo aloha dia hosoratako amin’ireo vato fisaka ireo ny teny izay tamin’ireo vato fisaka teo aloha izay nopotehinao;

Eksodosy 34:1 Rohy Ifampitohizana

Salamo 119:89

Maharitra mandrakizay, TOMPO ô, no nanorenanao any an-danitra ny teninao.

Eksodosy 24:12

Hoy ny TOMPO tamin’i Mosesy: –Miakara etỳ akaikiko etỳ an-tendrombohitra, ary mijanòna eo. Homeko anao ny vatofisaka izay nanoratako ny didy aman-dalàna mba hampianarinao ny Israelita.

Eksodosy 31:18

Rehefa vitan’Andriamanitra ny resaka nataony tamin’i Mosesy tao an-tendrombohitra Sinay, dia nomeny an’i Mosesy ny vatofisaka misy ny lalàna izay nosoratan’ny rantsan-tanan’Andriamanitra.

Eksodosy 32:16

Asan’Andriamanitra ireo vatofisaka roa ireo, nosoratan’ny tanan’Andriamanitra mihitsy.

Eksodosy 32:19

Raha vao nanatona ny toby izy, dia hitan’i Mosesy ny sarivongana ombilahikely sy ny vahoaka nandihy. Tezitra i Mosesy, ka natsipiny ny vatofisaka teny an-tanany sady nopotipotehiny teo am-pototry ny tendrombohitra.

Eksodosy 34:28

Dia nijanona tao niaraka tamin’ny TOMPO efapolo andro sy efapolo alina i Mosesy, nefa tsy nihinana na nisotro; ary izy no nanoratra tamin’ny vatofisaka roa ny didy folo, fototry ny fanekempihavanana.

Eksodosy 34:4

Dia nanamboatra vatofisaka roa mitovy amin’ny teo aloha i Mosesy. Ny ampitso vao maraina dia niakatra teny Sinay araka ny baiko nomen’ny TOMPO azy izy, sady nitondra ireo vatofisaka roa.

Jeremia 36:32

Dia naka horonan-taratasy iray hafa i Jeremià ka nomeny an’i Baròka, zanakalahin’i Nera sady mpanoratra. Ary nosoratany tao izay notononin’i Jeremià, dia ireo hafatra rehetra izay efa tao amin’ilay boky nodoran’i Jôiakima mpanjakan’i Joda; sady mbola niampy hafatra maro tahaka ireny koa.

Deoteronomia 4:13

Dia nambarany taminareo ny fanekempihavanany, izay nodidiany harahinareo, dia ny didy folo; ary nosoratany teo amin’ny takela-bato anankiroa ireo.