Eksodosy 33:9 - DIEM PROTESTANTA

⁹ Rehefa tafiditra i Mosesy, dia nidina ny andry rahona ka nijanona teo am-baravaran’ny Tranolay fihaonana ary niresaka tamin’i Mosesy ny TOMPO.

Baiboly Protestanta Malagasy 2011

⁹ Ary rehefa niditra tao amin’ny tranolay i Mosesy dia nidina ny andry rahona ka nijanona teo anoloan’ny varavaran’ny tranolay, ary NY TOMPO niresaka tamin’i Mosesy.

Dikateny Iombonana Eto Madagasikara

⁹ Rehefa tafiditra i Mosesy, dia nidina ny andry rahona ka nijanona teo am-baravaran’ny Tranolay fihaonana ary niresaka tamin’i Mosesy ny TOMPO.

Baiboly Katolika

⁹ Raha vao tafiditra ao an-day i Môizy, ny andry rahona midina mijanona eo anoloan’ny trano lay, ary i Iaveh miresaka amin’i Môizy.

Baiboly Protestanta Malagasy

⁹ Ary raha niditra tao amin’ny lay Mosesy, dia nidina ny andri-rahona ka nijanona teo anoloan’ny varavaran’ny lay, ary Jehovah dia niresaka tamin’i Mosesy.

Malagasy Bible

⁹ Ary raha niditra tao amin'ny lay Mosesy, dia nidina ny andri-rahona ka nijanona teo anoloan'ny varavaran'ny lay, ary Jehovah dia niresaka tamin'i Mosesy.

La Bible en Malgache

⁹ Ary rehefa niditra tao amin’ny tranolay i Mosesy dia nidina ny andry rahona ka nijanona teo anoloan’ny varavaran’ny tranolay, ary NY TOMPO niresaka tamin’i Mosesy.

Eksodosy 33:9 Rohy Ifampitohizana

Genesisy 17:22

Rehefa vitan’Andriamanitra ny resaka nifanaovany tamin’i Abrahama, dia nandao azy Izy.

Genesisy 18:33

Rehefa nahavita ny resaka nataony tamin’i Abrahama ny TOMPO, dia lasa; fa i Abrahama kosa niverina any amin’ny fonenany.

Salamo 99:7

Tao anaty andry rahona ny Tompo no niteny tamin’ny vahoakany; dia nankatoavin’ireo ny baikony mbamin’ny fitsipika nomeny azy.

Eksodosy 25:22

Eo ambonin’ny Vatamasina, eo anelanelan’ny kerobima roa, no hisehoako aminao; eo no hanomezako anao ny baiko rehetra momba ny Israelita.

Eksodosy 31:18

Rehefa vitan’Andriamanitra ny resaka nataony tamin’i Mosesy tao an-tendrombohitra Sinay, dia nomeny an’i Mosesy ny vatofisaka misy ny lalàna izay nosoratan’ny rantsan-tanan’Andriamanitra.

Eksodosy 33:10

Raha vao hitan’ny Israelita rehetra ny andry rahona nijanona teo am-baravaran’ny tranolay masina, dia samy niankohoka amin’ny tany teo am-baravaran’ny tranolay avy ny tsirairay.

Eksodosy 33:11

Ary ny TOMPO niteny nifanatrika tamin’i Mosesy tahaka ny olona miresaka amin’ny sakaizany. Taorian’izay dia niverina ho an-toby i Mosesy; fa i Josoa, zanakalahin’i Nona sady zatovo mpanompon’i Mosesy, no mbola nijanona tao anatin’ny tranolay masina.

Eksodosy 33:8

Rehefa mankany i Mosesy, dia mitsangana avokoa ny olona mankeo am-baravaran’ny tranolainy avy, ka mijery an’i Mosesy ambara-pidiny ao amin’ny tranolay masina.

Eksodosy 34:3

Aoka tsy hisy olona hiaraka aminao! Aoka koa tsy hisy olona ho hita mihitsy eny an-tendrombohitra manontolo; ary aoka tsy hisy biby handrasana eny akaiky eny na iray aza, na ondry aman’osy na omby.

Eksodosy 34:5

Nidina tao tamin’ny andry rahona ny TOMPO, ka nijanona tao niaraka tamin’i Mosesy. Nambarany azy ny anarany hoe «Ny TOMPO».

Eksodosy 34:9

sady niantso hoe: –Tompo ô, efa nahazo fanambinana teo imasonao ihany aho, koa miangavy anao mba hiara-dia aminay. Maditra mafy hatoka ity vahoaka ity, nefa mba avelao ny heloka amam-pahotany, ka raiso ho vahoakanao izahay.

Ezekiela 3:22

Ary voasariky ny herin’ny TOMPO indray aho, ka hoy Izy tamiko: «Mitsangàna, mankanesa any an-dohasaha fa any no hitenenako aminao.»

Nomery 11:17

Fa hidina eo Aho ka hiteny aminao; ary haka amin’ny fanahy izay nomeko anao Aho ka hametraka izany amin’izy ireo mba hiarahany mitondra aminao ity firenena ity; koa tsy ianao irery intsony no hitondra azy.

Nomery 7:89

Rehefa niditra tao amin’ny Tranolay fihaonana i Mosesy mba hiresaka amin’ny TOMPO, dia nandre feo niteny taminy avy teo anelanelan’ny kerobima roa izy, dia teo ambonin’ny rakotry ny Vatamasina misy ny raki-tsoratry ny fanekempihavanana; ary niresahan’ny TOMPO i Mosesy.

Deoteronomia 31:14

Dia hoy ny TOMPO tamin’i Mosesy: –Indro antomotra ny andro hahafatesanao; koa antsoy i Josoa, ary tongava eo anoloan’ny Tranolay fihaonana ianareo mba hameperako azy. Dia nandeha nankeo anoloan’ny Tranolay fihaonana ry i Mosesy sy i Josoa

Deoteronomia 31:15

ka nisehoan’ny TOMPO tamin’ny andry rahona; ary nijanona teo anoloan’ny varavaran’ny Tranolay izany andry rahona izany.