Eksodosy 30:1 - DIEM PROTESTANTA

¹ «Alitara iray no hamboarina amin’ny hazo mimôzà mba handoroana ny vovo-javamanitra.

Baiboly Protestanta Malagasy 2011

¹ Manaova koa alitara handoroana ditin-kazo manitra; hazo akasia no hanamboaranao azy.

Dikateny Iombonana Eto Madagasikara

¹ «Alitara iray no hamboarina amin’ny hazo mimôzà mba handoroana ny vovo-javamanitra.

Baiboly Katolika

¹ «Hanao ôtely fandorana emboka ianao, hataonao amin’ny hazo akasià;

Baiboly Protestanta Malagasy

¹ ARY manaova alitara handoroana ditin-kazo manitra: hazo akasia no hanaovanao azy.

Malagasy Bible

¹ Ary manaova alitara handoroana ditin-kazo manitra; hazo akasia no hanaovanao azy.

La Bible en Malgache

¹ Manaova koa alitara handoroana ditin-kazo manitra; hazo akasia no hanamboaranao azy.

Eksodosy 30:1 Rohy Ifampitohizana

1Mpanjaka 6:20

Efamira io efitrano io ka samy nirefy folo metatra ny lafiny rehetra ary folo metatra koa ny haavony. Nopetahan’i Salômôna takela-bolamena tsara sady madio ny atin’io efitrano io ary koa ny atin’ny tempoly manontolo. Teo amin’ny fidirana mankao amin’io efitrano io dia nasiana rojo volamena hisakana ary nametrahana alitara hazo sedera nopetahana takela-bolamena.

1Mpanjaka 6:22

Eny, nopetahana takela-bolamena toy izany ny tempoly manontolo ary koa ny alitara manontolo teo akaikin’ny fidirana mankao amin’ny efitrano misy ny Vatamasina.

1Mpanjaka 7:48

Nampanaovin’i Salômôna koa ny kojakoja volamena rehetra izay nilaina tao amin’ny tranon’ny TOMPO: dia ny alitara volamena; ny latabatra fametrahana ny mofo aterina ho an’Andriamanitra;

1Tantara 28:18

ary ny lanjan’ny volamena voadio hanaovana ny alitara fandoroana vovo-javamanitra. Farany, nomen’i Davida an’i Salômôna ny sarin’ilay kalesy misy ireo kerobîma volamena izay samy manana elatra mivelatra manarona ny Vatamasina mirakitra ny fanekempihavanan’ny TOMPO.

1Tantara 6:49

Nomen’ny Israelita ho an’ny Levita ireo tanàna ireo sy ny kijàna samy manodidina azy.

2Tantara 26:16

Kanjo nampiavonavona am-po azy izany hery nananany izany, ka nitarika loza ho an’ny tenany. Nivadika tamin’ny TOMPO Andriamaniny izy ka niditra tao amin’ny Toeramasin’ny TOMPO mba handoro vovo-javamanitra teo amin’ny alitara fanaovana izany.

Eksodosy 30:10

Indray mandeha isan-taona i Aharôna no hanadio azy; hapetrany eo amin’ny tandroky ny alitara ny ra nalaina avy tamin’ny biby natao sorona ahazoana famelan-keloka. Havaozina isan-taona io lanonana io eo amin’ny taranaka mifandimby. Voatokana ho Ahy TOMPO io alitara io, ka hanan-kasina fatratra.»

Eksodosy 30:2

Ho efamira izy io, ka hirefy dimampolo santimetatra ny lafiny tsirairay, ary iray metatra ny haavony. Hisy tandrony hatao miray aminy avy eo amin’ny zorony efatra ambony.

Eksodosy 31:8

ny latabatra voatokana, ny fitoeran-jiro volamena madio sy ny fitaovana rehetra miaraka aminy, ny alitara fandoroana vovo-javamanitra,

Eksodosy 35:15

ny alitara fandoroana vovo-javamanitra sy ny baony, ny ilomasina fanokanana, ny vovo-javamanitra hodorana, ny varavarana lamba eo amin’ny fidirana mankao amin’ny fonena-masina;

Eksodosy 39:38

–ny alitara volamena, ny ilomasina fanokanana, ny vovo-javamanitra hodorana; –ny varavarana lamba eo amin’ny fidirana amin’ny tranolay;

Eksodosy 40:5

Hapetraka eo anoloan’ny Vatamasina misy ny raki-tsoratry ny fanekempihavanana ilay alitara volamena fandorana ditin-kazo manitra; ny efitra lamba dia hapetaka eo amin’ny fidirana mankao amin’ny fonena-masina.

Ezekiela 41:22

amin’ny alitara hazo izay mirefy iray metatra sy sasany ny haavony ary iray metatra ny sakany. Misy zorony sy fanambaniny ary sisiny hazo. Ka hoy ralehilahy tamiko: «Io no latabatra eo anatrehan’ny TOMPO.»

Levitikosy 4:18

Hakany koa io ra io hatentiny eo amin’ny tandroky ny alitara eo anoloan’ny Toeramasina Indrindra, alitara izay ao anatin’ny Tranolay fihaonana. Ary ny ra sisa rehetra dia haidiny eo am-pototry ny alitara fanaovan-tsorona dorana, alitara izay eo am-baravaran’ny Tranolay fihaonana.

Levitikosy 4:7

Hotentenany ra koa ny tandroky ny alitara fandoroana ditin-kazo manitra eo anoloan’ny Toeramasina Indrindra, alitara izay ao anatin’ny Tranolay fihaonana; ary ny ra sisa rehetra, avy amin’ilay ombilahy, dia haidiny eo am-pototry ny alitara fanaovan-tsorona dorana, alitara izay eo anoloan’ny varavaran’ny Tranolay fihaonana.

Nomery 3:31

Ny Kehatita no miandraikitra ny Vatamasina, ny latabatra masina, ny fitoeran-jiro sy ny alitara roa ary ny fanaky ny Toeramasina izay fanaovana fanompoam-pivavahana, ary ny varavarana lamba. Nisahana ny fikarakarana rehetra momba ireny ny Kehatita.

Nomery 4:11

Hamelatra lamba volomparasy eo amin’ny alitara volamena izy, ka handrakotra izany amin’ny lamba hoditra mafy, ary izay vao hapetrany ny bao.

Hebreo 9:4

tao no nisy ny alitara volamena fandoroana ditin-kazo manitra ary ny vata mirakitra ny Fanekempihavanana, vata voapetaka takela-bolamena manontolo; ary tanatin’io vata io dia nisy ny siny volamena nitahirizana ny mana, ny tehin’i Aharôna izay nitsiry, ary ny vatofisaka nanoratana ny Fanekempihavanana.

Apokalipsy 8:3

Ary nisy anjely anankiray hafa koa tonga nijoro teo anilan’ny alitara sady nitondra lovia volamena fandoroana vovo-javamanitra; dia nomena vovo-javamanitra betsaka izy mba hatolony miaraka amin’ny vavaka ataon’ny vahoakan’Andriamanitra rehetra, eo ambonin’ny alitara volamena izay manoloana ny sezafiandrianan’Andriamanitra.