Eksodosy 3:14 - DIEM PROTESTANTA

¹⁴ Dia hoy Andriamanitra tamin’i Mosesy: –Izaho no Ilay hatrizay ka ho mandrakizay. Koa izao no holazainao amin’ny Israelita: «Ilay hatrizay ka ho mandrakizay no naniraka ahy ho atỳ aminareo.»

Baiboly Protestanta Malagasy 2011

¹⁴ Hoy Andriamanitra tamin’i Mosesy: Izaho izay Izy. Ary hoy koa Izy: Izao no holazainao amin’ny Zanak’Israely: Izaho izay Izy no naniraka ahy ho atỳ aminareo.

Dikateny Iombonana Eto Madagasikara

¹⁴ Dia hoy Andriamanitra tamin’i Mosesy: –Izaho no Ilay hatrizay ka ho mandrakizay. Koa izao no holazainao amin’ny Israelita: «Ilay hatrizay ka ho mandrakizay no naniraka ahy ho atỳ aminareo.»

Baiboly Katolika

¹⁴ Hoy Andriamanitra tamin’i Môizy: «Izaho no Ilay misy. Izany, hoy izy, no havalinao ny zanak’i Israely: Ilay misy no maniraka ahy atỳ aminareo.»

Baiboly Protestanta Malagasy

¹⁴ Ary hoy Andriamanitra tamin’i Mosesy: izaho, izay izy hatrizay hatrizay ka ho mandrakizay. Ary hoy koa Izy: Izao no holazainao amin’ny Zanak’Isiraely: izaho izay izy no efa naniraka ahy ho atỳ aminareo.

Malagasy Bible

¹⁴ Ary hoy Andriamanitra tamin'i Mosesy: IZAHO, IZAY IZY HATRIZAY HATRIZAY KA HO MANDRAKIZAY. Ary hoy koa Izy: Izao no holazainao amin'ny Zanak'Isiraely: IZAHO IZAY Izy no efa naniraka ahy ho atỳ aminareo.

La Bible en Malgache

¹⁴ Hoy Andriamanitra tamin’i Mosesy: Izaho izay Izy. Ary hoy koa Izy: Izao no holazainao amin’ny Zanak’Israely: Izaho izay Izy no naniraka ahy ho atỳ aminareo.

Eksodosy 3:14 Rohy Ifampitohizana

Joba 11:7

Moa azonao takarina ve ny zava-dalina momba an’Andriamanitra na koa azonao fantarina ve ny fahatanterahan’ilay Tsitoha?

Salamo 68:4

Ny olo-marina kosa anie hifaly sy hiravo ary dia hibita-kafaliana eo anoloany!

Salamo 90:2

Fony tsy mbola ary akory ny tendrombohitra, tsy mbola voaforonao ny tany sy izao tontolo izao, dia efa Andriamanitra Ianao hatrizay ka ho mandrakizay.

Eksodosy 15:3

Mpiady mahery ny TOMPO; mandia ny anarany hoe TOMPO.

Eksodosy 23:21

Mitandrema tsara eo anatrehany ka henoy izay lazainy, ary aza manohitra azy; fa tsy mahazaka fikomiana izy, satria mitondra ny anarako.

Eksodosy 3:13

Ka hoy i Mosesy tamin’Andriamanitra: –Eny àry fa hankany amin’ny Israelita aho izao hilaza aminy hoe: «Ilay Andriamanitry ny razanareo no naniraka ahy ho atỳ aminareo.» Saingy hanontany ahy ny anaranao izy, koa inona no havaliko azy?

Eksodosy 6:2

Ary Andriamanitra niteny tamin’i Mosesy hoe: –Izaho no «TOMPO».

Eksodosy 6:3

Tamin’ny anarana hoe «Andriamanitra Tsitoha» no nisehoako tamin’i Abrahama sy i Itsehàka ary i Jakôba fa tsy mbola fantatr’ireo ny anarako hoe «TOMPO.»

Isaia 42:8

Izaho no TOMPO, izany no anarako ka ny voninahitro tsy homeko ny hafa ary ny fiderana Ahy tsy avelako ho an’ny sampy.

Isaia 44:6

Izao no lazain’ny TOMPO dia ilay TOMPOn’izao rehetra izao sady Mpanjakan’i Israely sy Mpanavotra azy: «Izaho no voalohany ary Izaho no farany, ka tsy misy Andriamanitra afa-tsy Izaho.

Matio 18:20

Satria na aiza na aiza iangonan’olona roa na telo amin’ny anarako, dia eo afovoany Aho.

Matio 28:20

sady ampianaro hitandrina ny zavatra rehetra nandidiako anareo. Ary indro Aho miaraka aminareo isan’andro vaky mandra-pahatongan’ny fiafaran’izao tontolo izao.

Jaona 8:24

Koa izany no nilazako taminareo hoe: «Ho faty amin’ny fahotanareo ianareo»; satria raha tsy inoanareo fa «Izaho no Ilay hatrizay ka ho mandrakizay», dia ho faty amin’ny fahotanareo ianareo!

Jaona 8:28

Ka hoy i Jesoa taminy: –Rehefa voasandratrareo ny Zanak’olona, dia ho fantatrareo fa «Izaho no Ilay hatrizay ka ho mandrakizay»; sady tsy manao na inona na inona avy amin’ny tenako aho, fa izay nampianarin’ny Ray Ahy no lazaiko.

Jaona 8:58

Fa novalian’i Jesoa hoe: –Lazaiko marina dia marina aminareo fa tsy mbola ary i Abrahama, dia «Izaho no Ilay hatrizay ka ho mandrakizay»!

2Korintiana 1:20

koa Izy no ilay «eny» mahatò ny fampanantenana rehetra nataon’Andriamanitra. Izany koa no anton’ny anononantsika ny «Amen» amin’ny alalan’i Jesoa Kristy ho voninahitr’Andriamanitra.

Hebreo 13:8

I Jesoa Kristy no tsy miova omaly sy anio ary mandrakizay.

Apokalipsy 1:17

Vao nahita ny Zanak’olona aho, dia lavo niankohoka toy ny maty teo anoloan’ny tongony. Fa nametraka teo amboniko ny tanany ankavanana Izy ka nanao hoe: –Aoka izay ny tahotra! Izaho no Voalohany sy Farany,

Apokalipsy 1:4

Avy amiko Jôhany ireto taratasy ireto, ary mamangy ny Fiangonana fito ao amin’ny faritany Azia aho. Ho aminareo anie ny fahasoavana sy ny fiadanana avy amin’Ilay ankehitriny sy taloha ary avy; ho aminareo anie ny fahasoavana sy ny fiadanana avy amin’ny Fanahy Masina, ombàm-panomezana fito, Izay eo anoloan’ny sezafiandrianan’Andriamanitra;

Apokalipsy 1:8

«Izaho no Alfa sy Ômega», hoy ny Tompo Andriamanitra, Ilay ankehitriny sy taloha ary ho avy, ilay Tsitoha.

Apokalipsy 4:8

Ireo zava-miaina efatra ireo dia samy manana elatra enina avy, sady feno maso ny tenany manontolo teo ivelany sy tao anatiny; ary tsy mitsahatra andro aman’alina izy efatra manao hoe: «Masina, masina, masina ny Tompo Andriamanitra Tsitoha Ilay taloha sy ankehitriny ary avy!»