Eksodosy 27:1 - DIEM PROTESTANTA

¹ «Hisy alitara fisoronana hamboarina amin’ny hazo mimôzà. Ho efamira izy io, ka mirefy roa metatra sy sasany ny lafy tsirairay, ary iray metatra sy sasany ny haavony.

Baiboly Protestanta Malagasy 2011

¹ Ataovy amin’ny hazo akasia ny alitara: Dimy hakiho avy ny lafiny efatra, izany hoe: Ho efamira, ary telo hakiho ny haavony.

Dikateny Iombonana Eto Madagasikara

¹ «Hisy alitara fisoronana hamboarina amin’ny hazo mimôzà. Ho efamira izy io, ka mirefy roa metatra sy sasany ny lafy tsirairay, ary iray metatra sy sasany ny haavony.

Baiboly Katolika

¹ «Hanao ôtely amin’ny hazo akasià ianao: dimy hakiho ny halavany, dimy hakiho ny sakany, ka hitovy efatra ny lafiny, ary telo hakiho ny haavony.

Baiboly Protestanta Malagasy

¹ Ary manaova ny alitara amin’ny hazo akasia: dimy hakiho avy ny lafiny efatra, dia ho efa-joro tsy mivadi-mandry izy; ary telo hakiho ny hahavony.

Malagasy Bible

¹ Ary manaova ny alitara amin'ny hazo akasia: dimy hakiho avy ny lafiny efatra, dia ho efa-joro tsy mivadi-mandry izy; ary telo hakiho ny hahavony.

La Bible en Malgache

¹ Ataovy amin’ny hazo akasia ny alitara: Dimy hakiho* avy ny lafiny efatra, izany hoe: Ho efamira, ary telo hakiho ny haavony.

Eksodosy 27:1 Rohy Ifampitohizana

2Samoela 24:18

Nankany amin’i Davida i Gada tamin’izay andro izay ka nanao taminy hoe: –Miakara any am-pamoloan’i Araonà izay Jebôsita ianao, ka manangana alitara ho an’ny TOMPO.

2Mpanjaka 16:14

Dia nesoriny hiala teo anoloan’ny tempoly ny alitara halimo izay voatokana ho an’ny TOMPO; io alitara io dia teo anelanelan’ny alitara vaovao sy ny tranon’ny TOMPO, ka nafindrany hipetraka eo avaratry ny alitara vaovao.

1Tantara 6:49

Nomen’ny Israelita ho an’ny Levita ireo tanàna ireo sy ny kijàna samy manodidina azy.

2Tantara 4:1

Dia nataon’i Horama koa ny alitara halimo efamira, izay folo metatra ny lafiny ary dimy metatra ny haavony.

Ezra 3:2

Tamin’izay i Jesoa, zanakalahin’i Jôtsadàka, sy ireo mpisorona mpiombom-panompoana aminy, ary koa i Zerôbabela, zanakalahin’i Sealtiela, sy ireo olona iray tarika aminy no nirotsaka nanorina ny alitaran’Ilay Andriamanitr’i Israely mba hanolorana sorona dorana manontolo, araka izay voasoratra ao amin’ny lalànan’i Mosesy, olon’Andriamanitra.

Eksodosy 17:15

Dia nanamboatra alitara teo i Mosesy ka nomeny anarana hoe «Ny TOMPO fanevako».

Eksodosy 24:4

Nosoratan’i Mosesy avokoa ny tenin’ny TOMPO taminy; ary nony ampitso dia nifoha maraina izy ka nanamboatra alitara iray teo am-pototry ny tendrombohitra sy nanangana tsangambato 12, ka iray avy isam-poko tao amin’ny Israely.

Eksodosy 31:9

ny alitara fanaovana sorona sy ny fitaovana rehetra miaraka aminy, ny tavy fidiovana sy ny faladiany,

Eksodosy 35:16

ny alitara fanaovana sorona sy ny makarakarany halimo ary ny baony mbamin’ny fitaovana rehetra miaraka aminy; ny kovetabe sy ny faladiany,

Eksodosy 39:39

–ny alitara halimo sy ny makarakarany halimo, ny baony sy ny fitaovana rehetra miaraka aminy; –ny kovetabe fidiovana sy ny faladiany;

Eksodosy 40:10

Hohosoranao ilomasina koa ny alitara fisoronana sy ny fitaovana rehetra momba azy; izany no hanokananao azy mba ho voatokana.

Eksodosy 40:29

avy eo dia napetraka teo anoloan’io fidirana io ny alitara fisoronana ary nodorana teo amboniny ny sorona dorana manontolo sy ny fanatitra vokatry ny tany, araka izay efa nandidian’ny TOMPO an’i Mosesy.

Eksodosy 40:6

Ny alitara fisoronana dia hatao eo anoloan’ny fidirana ao amin’ny fonena-masina na hoe Tranolay fihaonana;

Nomery 3:31

Ny Kehatita no miandraikitra ny Vatamasina, ny latabatra masina, ny fitoeran-jiro sy ny alitara roa ary ny fanaky ny Toeramasina izay fanaovana fanompoam-pivavahana, ary ny varavarana lamba. Nisahana ny fikarakarana rehetra momba ireny ny Kehatita.

Nomery 4:13

Hoesoriny ny lavenona eo amin’ny alitara ka hamelarany lamba volomparasy eo.

Nomery 4:14

Hapetrany eo amboniny avokoa ny fanaka rehetra ilaina amin’ny fanaovan-tsorona, dia ny fitondrana afo, ny fitrebika, ny sotron’afo, ny zinga famafazana ary ny kojakoja rehetra momba ny alitara. Hovelarana ny lamba mafy eo ambonin’izany, ary hapetrany ny bao.

Hebreo 13:10

Ireo mpanaraka fanompoam-pivavahana ao amin’ny toeram-pivavahana jiosy dia tsy mahazo mihinana amin’izay sorona atao eo amin’ny alitarantsika.