Eksodosy 23:8 - DIEM PROTESTANTA

⁸ Aza mandray tsolotra fa ny tsolotra no mahajamba ny mason’ny mahiratra sy mamadika ny tenin’ny olo-marina.

Baiboly Protestanta Malagasy 2011

⁸ Aza mandray kolikoly, fa ny kolikoly dia mahajamba ny mason’ny mahiratra sy mamadika ny tenin’ny marina.

Dikateny Iombonana Eto Madagasikara

⁸ Aza mandray tsolotra fa ny tsolotra no mahajamba ny mason’ny mahiratra sy mamadika ny tenin’ny olo-marina.

Baiboly Katolika

⁸ Aza mandray kolikoly fa mahajamba ny mahiratra ny kolikoly, ka tsy ahombiazan’ny ady marina.

Baiboly Protestanta Malagasy

⁸ Ary aza mandray kolikoly, fa ny kolikoly mahajamba ny mason’ny mahiratra sy mamadika ny tenin’ny marina.

Malagasy Bible

⁸ Ary aza mandray kolikoly, fa ny kolikoly mahajamba ny mason'ny mahiratra sy mamadika ny tenin'ny marina.

La Bible en Malgache

⁸ Aza mandray kolikoly, fa ny kolikoly dia mahajamba ny mason’ny mahiratra sy mamadika ny tenin’ny marina.

Eksodosy 23:8 Rohy Ifampitohizana

Salamo 15:5

sady tsy mba manisy zana-bola rehefa mampisambotra no tsy mba mandray tsolotra hamelezana ny tsy manan-tsiny. Izay manao izany sy izany dia tsy hihontsona na oviana na oviana.

Salamo 26:10

dia ireo mivimbina ody ratsy an-tanan’ila ary ny ilany indray feno tsolotra noraisina.

Ohabolana 15:27

Ny olona adalam-bola dia mampikorontana ny ankohonana; fa izay mankahala risoriso no ho velona.

Ohabolana 17:23

Mandray kolikoly mangingina ny olon-dratsy hamadihany ny fizotran’ny ara-drariny.

Ohabolana 17:8

Ny kolikoly dia heverina hanambina ny mpanolotra azy, ka hampahomby ny zavatra rehetra hataony.

Ohabolana 19:4

Ny mpanankarena dia manan-tsakaiza maro; fa ny mahantra kosa mety hilaozan’ilay hany sakaizany.

Mpitoriteny 7:7

Fa mety hahalasa adala ny hendry ny fahazoa-mampahory; ary mety hahasimba toetra azy ny fandraisan-kolikoly.

Isaia 1:13

Atsaharo ny mitondra fanatitra fa tsy ilaina akory; maharikoriko Ahy ny eton’ny soronareo; atsaharo ny fankalazana ny tsinam-bolana sy ny sabata ary ny fetim-piangonana. Tsy zakako ny fanompoam-pivavahana mifangaro heloka.

Isaia 1:23

Mpikomy ireo mpanapaka anao, sady mpiray tsikombakomba amin’ny mpangalatra. Samy tia tsolotra izy rehetra, ary mpandray kolikoly avokoa. Ny kamboty tsy entiny ara-drariny ary ny adin’ny mpitondratena tsy tsarainy.

Isaia 33:15

–Izay mandeha araka ny rariny ka miteny tsy misy olakolaka, izay mandà ny tombontsoa azo an-keriny sy manakifika ny tanany tsy handray tsolotra, izay manampin-tsofina tsy hihaino ny teny mampirisika hamono olona, izay manakimpy ny masony mba tsy hijery ny ratsy.

Isaia 5:22

Lozan’ireo olona mahery misotro divay sy kinga amin’ny fampifangaroharoana toaka!

Isaia 5:23

Manamarina ny olon-dratsy amin’ny fandraisana tsolotra izy ireny ary manala ny rariny amin’ny olo-marina.

Ezekiela 22:12

Ao aminao misy manaiky hotambazam-bola mba hamono olona, misy mampindram-bola hakana zanany tafahoatra sy mangoron-karena tamin’ny fandrobana ny namany, ka manadino Ahy mihitsy. Teny hentitra avy amiko Tompo ANDRIANANAHARY izany.

Hosea 4:18

hanapitra ny fibobohany hampahery mijangajanga azy; fa tia fahafaham-baràka ireo filohany.

Amosa 5:12

Hoy koa ny Tompo hoe: «Fantatro fa marobe ireo helokareo ary mahatsiravina ireo fahotanareo; ianareo no mpandray tsolotra sy mpanenjika ny olo-marina, ka manodinkodina ny zon’ny mahantra eo amin’ny fitsarana,»

Mika 7:3

Vonona hanao ratsy ny tanany; ny mpitondra sy ny mpitsara mitaky tsolotra; ary ny lehibe milaza izay zavatra iriny, ka miara-miteti-dratsy hahatanteraka azy,

Deoteronomia 10:17

Ilay TOMPO Andriamanitrareo no Andriamanitry ny andriamanitra sy Tompon’ny tompo, Andriamanitra lehibe sy mahery ary mahatahotra, tsy mba mizaha tavan’olona na mandray kolikoly;

Deoteronomia 16:19

Aza manao fitsarana miangatra, aza mizaha tavan’olona, ary aza mandray kolikoly; fa ny kolikoly mahajamba ny mason’ny hendry ka mampamadika ny raharahan’ny manan-drariny.

1Samoela 12:3

Inty ny tenako, omeo tsiny eto anatrehan’ny TOMPO sy ny mpanjaka voahosony, raha toa ka nisy ombin’olona na borikiny nangalariko, na koa nisy olona nambakaiko sy nampahoriko, na nisy olona nandraisako tsolotra ho tapi-maso aminy; fa vonona ny hanonitra izany aho.

1Samoela 8:3

Nefa izy roa lahy tsy mba nanahaka izay nataon-drainy, fa nanjary tia vola ka nandray tsolotra sy namilivily ny marina.