Eksodosy 23:1 - DIEM PROTESTANTA

¹ «Aza manely tsaho foana, na manao vavolombelona mandainga hiray tsikombakomba ny olon-dratsy.

Baiboly Protestanta Malagasy 2011

¹ Aza manangan-tsaho foana. Aza mifandray tanana amin’ny ratsy fanahy ho vavolombelona mampidi-doza.

Dikateny Iombonana Eto Madagasikara

¹ «Aza manely tsaho foana, na manao vavolombelona mandainga hiray tsikombakomba ny olon-dratsy.

Baiboly Katolika

¹ «Aza manely tsaho tsy marina. Aza manampy ny ratsy fanahy ka mitsangan-ko vavolombelona manombotomboka.

Baiboly Protestanta Malagasy

¹ Aza manangan-tsaho foana. Aza mifandray tànana amin’ny ratsy fanahy ho vavolombelona mampidi-doza.

Malagasy Bible

¹ Aza manangan-tsaho foana. Aza mifandray tanana amin'ny ratsy fanahy ho vavolombelona mampidi-doza.

La Bible en Malgache

¹ Aza manangan-tsaho foana. Aza mifandray tanana amin’ny ratsy fanahy ho vavolombelona mampidi-doza.

Eksodosy 23:1 Rohy Ifampitohizana

Genesisy 39:17

Dia nitantara tamin’ny vadiny araka ireo teny ireo koa izy ka nanao hoe: «Nanatona ahy mba hanadala ahy ilay mpanompolahy hebreo nentinao taty amintsika iny.

2Samoela 16:3

Ary nanontany azy indray ny mpanjaka hoe: –Fa mba aiza i Mefibôseta, zafin’i Saoly tomponao? Dia hoy ny navalin’i Tsibà ny mpanjaka: –Nijanona any Jerosalema izy, satria noheveriny fa ankehitriny no hampodian’ny Israelita ny fanjakan-draibeny aminy.

2Samoela 19:27

Fa hoy ny navaliny: –Voafitaky ny mpanompoko aho, ry andriamanjaka. Fa hoy aho anakampoko: «Noho izaho mandringa, dia hanisy lasely ny boriky vavy aho hitaingenako mba hanarahako ny mpanjaka.»

Salamo 101:5

Hofongorako ny mpanaratsy namana amin’ny takona fa tsy zakako ny mpiandranandrana miavona am-po.

Salamo 120:3

Inona sy inona moa, ry mpilaza fitaka, no sazy hampiharin’Andriamanitra aminareo?

Salamo 15:3

tsy manao teny manendrikendrika olona sady tsy manisy ratsy ny namany, na manompa ny mpiara-monina aminy;

Salamo 27:12

Aza avela hanaram-po amiko ireo mpandrafy ahy, fa vavolombelona mandainga no mitsangan-kamely sy mifofofofo erỳ mba hiampanga ahy.

Salamo 35:11

Vavolombelona mandainga no mitsangana, ka zavatra tsy fantatro no iampangany ahy.

Eksodosy 20:16

«Aza mety ho vavolombelona mandainga hamelezana ny namanao.

Eksodosy 23:7

Aza mihaino ny lainga tsara lahatra. Aza manameloka ho faty ny tsy manan-tsiny sy ny olo-marina, satria Izaho Tompo dia tsy hihevitra ny olon-dratsy toy izany ho marina.

Ohabolana 10:18

Mpihatsaravelatsihy izay manafina ny fankahalany; fa adala izay mampiely endrikendrika.

Ohabolana 12:17

Izay milaza ny marina no manambara ny rariny; fa fitaka kosa no ambaran’ny vavolombelona mandainga.

Ohabolana 14:5

Ny vavolombelona mahatoky tsy mba mandainga; fa ny vavolombelona sandoka kosa milaza lainga.

Ohabolana 17:4

Ny mpanao ratsy manongilan-tsofina amin-dresaka lainga, ary ny mpandainga mihaino ny tenim-panaratsiana.

Ohabolana 19:28

Ny vavolombelona tsy vanona manevateva ny fitsarana, ary ny olon-dratsy dia fatra-pitelina haratsiana.

Ohabolana 19:5

Tsy ho afa-maina ny vavolombelona mandainga; ary tsy ho dify famaizana ny mpamafy lainga.

Ohabolana 19:9

Tsy ho afa-maina ny vavolombelona mandainga, ary ho very ny mpamafy lainga.

Ohabolana 21:28

Ho levona ny vavolombelona mandainga; fa ho afa-miteny hatrany kosa izay mitatitra ny henony.

Ohabolana 24:28

Aza mety ho vavolombelom-poana hanameloka tsy amin’antony ny namanao; sa ianao ve te hamitaka amin’ny teninao?

Ohabolana 25:18

Mandratra toy ny langilangy na sabatra na koa zana-tsipîka maranitra ny olona mijoro ho vavolombelona mandainga mba hanamelohana ny namany.

Ohabolana 25:23

Ny rivotra avy any avaratra mahatonga orana, ary ny fanendrikendrehana olona mahavinitra endrika azy.

Jeremia 20:10

Reko ny besinimaro miteny ratsy ahy ka manome anaram-bosotra hoe: «Fihorohoroana hatraiza hatraiza.» «Torio izy», hoy ny sasany; «Eny, hotorintsika izy», hoy ny hafa. Ireo sakaiza tiako indrindra aza dia miandry kendry tohina hahavoa ahy: «Izay angamba no hahavoafitaka azy sy haharesentsika azy, hoy ireo, ka hisamborantsika azy hanaovana valifaty

Levitikosy 19:11

«Aza mangalatra, aza mandainga, ary aza mifamitaka ianareo.

Levitikosy 19:16

Aza manely fanendrikendrehana olona eo amin’ny mpiray firenena aminareo. Aza mitsangan-ko vavolombelona mandainga mba hanamelohana ny namanareo ho faty. Izaho no TOMPO.

Matio 19:18

Fa hoy ilay zatovo taminy: –Didy sahala amin’inona moa izany? Ka izao no navalin’i Jesoa: –Ny didy sahala amin’ny hoe: Aza mamono olona, aza maka vadin’olona, aza mangalatra, aza manao vavolombelona tsy marina;

Lioka 19:8

Niato kosa i Zakeo ka niteny tamin’ny Tompo hoe: –Indro, Tompoko, ny antsasaky ny fananako afoiko ho an’ny mahantra; ary izay zavatr’olona azoko am-pitaka, dia honerako inefatra heny!

Lioka 3:14

Nisy ihany koa miaramila nanontany azy hoe: –Mba inona kosa no tokony hataonay? Dia hoy izy taminy: –Aza maka zavatr’olona an-keriny na am-pitaka, fa aoka ianareo ho afa-po amin’ny karamanareo.

Jaona 7:51

–Moa ny lalànantsika ve manameloka olona raha tsy efa re aloha izy sady fantatra izay nataony?

Romana 3:8

Ary ahoana no tsy ahazoana manao hoe: «Ndeha hanao ratsy hiavian’ny soa»? Misy tokoa manendrikendrika ahy ho mpilaza izany; mendrika hohelohina ireo olona ireo!

Efesiana 4:25

Noho izany, ialao ny lainga; aoka samy hilaza ny marina amin’ny namany avy, fa isika rehetra dia samy anisan’ny tena iray ihany ka mifampiankina.

Deoteronomia 5:20

«Aza mety ho vavolombelona mandainga hamelezana ny namanao.

2Timoty 3:3

tsy hifaditra ovana, tsy hitsimbina fihavanana, ho mpanendrikendrika, tsy hahafehy tena, hisetrasetra, hankahala ny tsara,

1Petera 3:16

saingy ataovy amin-kalemem-panahy sy amim-panajana izany. Manàna fieritreretana mahitsy; ka rehefa misy zavatra anendrikendrehana anareo, dia ho menatra izay mpanaratsy ny fitondrantena tsara anentanan’i Kristy anareo.

Apokalipsy 12:10

Dia reko nisy feo mahery tany an-danitra nanao hoe: «Tonga izao ny famonjena sy ny hery ary ny fanjakàn’ilay Andriamanitsika, tonga izao ny fahefàn’ilay Mesiany; satria nazera ilay mpiampanga an’ireo havantsika, dia ilay mpiampanga azy ireo andro aman’alina teo anatrehan’Andriamanitsika.