Eksodosy 22:30 - DIEM PROTESTANTA

³⁰ «Olona voatokana ho Ahy ianareo, koa aza mihinana ny hena voaviraviran’ny bibidia, fa atsipazo ho an’ny alika ireny.

Baiboly Protestanta Malagasy 2011

³⁰ Ho olona masina ho Ahy ianareo, koa izay hena voaviraviram-biby any an-tsaha dia tsy hohaninareo fa harianareo ho an’ny amboa.

Dikateny Iombonana Eto Madagasikara

³⁰ «Olona voatokana ho Ahy ianareo, koa aza mihinana ny hena voaviraviran’ny bibidia, fa atsipazo ho an’ny alika ireny.

Baiboly Katolika

³⁰ Ataovy toy izany koa ny voalohan-teraky ny omby aman’ondrinao; hafitoana no hiarahany amin-dreniny dia haterinao ho ahy izy amin’ny andro fahavalo.»

Baiboly Protestanta Malagasy

³⁰ Ary ho olona masina ho Ahy hianareo, koa izay hena voaviraviram-biby any an-tsaha dia tsy hohaninareo; fa harianareo ho an’ny amboa izany.

Malagasy Bible

³⁰ Ary ho olona masina ho Ahy ianareo, koa izay hena voaviraviram-biby any an-tsaha dia tsy hohaninareo; fa harianareo ho an'ny amboa izany.

La Bible en Malgache

³⁰ Ho olona masina ho Ahy ianareo, koa izay hena voaviraviram-biby any an-tsaha dia tsy hohaninareo fa harianareo ho an’ny amboa.

Eksodosy 22:30 Rohy Ifampitohizana

Genesisy 17:12

Hoforana ny zazalahy rehetra eo aminareo isaky ny taranaka mifandimby, rehefa feno valo andro; tahaka izany koa ireo mpanompo teraka ao an-tranonao na novidînao vola ka tsy isan’ny fokonao.

Eksodosy 13:12

dia atolory ho an’ny TOMPO ny voalohan-teraka rehetra; fa an’ny TOMPO ny lahy rehetra voalohan-teraky ny biby fiompinareo.

Ezekiela 4:14

Dia namaly aho hoe: –Adray, ry Tompo ANDRIANANAHARY ô, tsy mbola voaloto mihitsy aho! Hatramin’ny fahazazako ka mandraka ankehitriny dia tsy mbola nihinana biby maty ho azy na voaviraviran’ny bibidia aho, ary tsy mbola nikasika ny vavako akory ny hena heverina ho maloto.

Levitikosy 11:44

Fa Izaho no TOMPO Andriamanitrareo. Masina Aho ka mitandrema tena mba ho masina ianareo; ary aoka ny tenanareo tsy holotoinareo amin’izay bibikely mandady amin’ny tany.

Levitikosy 11:45

Fa Izaho no TOMPO Izay nitondra anareo niakatra avy tany Ejipta mba ho Andriamanitrareo; ka dia ho masina ianareo, satria masina Aho.»

Levitikosy 12:3

Amin’ny andro fahavalo, dia hoforana ny zaza.

Levitikosy 17:15

«Na iza na iza, Israelita tompontany na vahiny valovotaka, mihinana biby maty ho azy na voaviravira, dia hanasa fitafiana sy handro sady haloto mandra-paharivan’ny andro izy, vao hadio indray.

Levitikosy 22:27

«Raha misy omby na ondry na osy vao teraka, dia hitoetra amin-dreniny mandritra ny fito andro izy; fa manomboka amin’ny andro fahavalo no ho miakatra, dia hahazoana sitraka izy raha atao sorona levonina amin’ny afo ho AHY.

Levitikosy 22:8

Tsy hohanin’ny mpisorona koa ny henam-biby maty ho azy na voaviraviram-bibidia, mba tsy hahatonga azy ho voaloto. Izaho no TOMPO.

Levitikosy 7:23

mba hamepetra ny Israelita hoe: «Aza misy hanina ny tavin-kenan’ireo biby fanao sorona, na ny an’ny omby, na ny an’ny ondry, na ny an’ny osy.

Levitikosy 7:24

Ny tavin-kenan’ny biby maty ho azy na voaviraviram-bibidia kosa dia azo anaovan-javatra hafa ihany, saingy tsy azonareo hanina velively.

Levitikosy 7:26

Aza mihinana ram-borona na ram-biby ianareo, na aiza na aiza hitoeranareo.

Deoteronomia 14:21

Aza mihinam-biby maty ho azy fa omeo ho an’ny vahiny izay ao an-tanànanareo izany mba hohaniny, na amidio amin’ny olona hafa firenena. Ianareo manko dia vahoaka voatokana ho an’ny TOMPO Andriamanitrareo. Aza mahandro zanak’osy amin’ny rononon-dreniny.

Deoteronomia 15:19

Ny lahy rehetra amin’ny voalohan-teraky ny ombinareo sy ny ondry aman’osinareo dia hatokanareo ho an’ny TOMPO Andriamanitrareo; aza mampiasa ny voalohan-teraky ny ombinareo, na manety ny voalohan-teraky ny ondry aman’osinareo.